Datasets:

Sakshamrzt

/

IndicNLP-Tamil

like 0

இலங்கைக்கு எதிரான முதல் டெஸ்ட் கிரிக்கெட் போட்டியில் 304 ரன்கள் வித்தியாசத்தில் இந்திய அணி வெற்றி பெற்றது . இந்தியா - இலங்கை அணிகளுக்கு இடையிலான முதல் டெஸ்ட் கிரிக்கெட் போட்டி காலே மைதானத்தில் நடைபெற்றது . இதில் டாஸ் வென்ற இந்திய அணி முதலில் பேட்டிங்கை தேர்வு செய்து முதல் இன்னிங்சில் 600 ரன்களைகுவித்தது . இலங்கை அணி தரப்பில் வேகப்பந்து வீச்சாளர் பிரதீப் அதிகபட்சமாக 6 விக்கெட்டுக்கள் வீழ்த்தினார் . பின்னர் , கலமிறங்கிய இலங்கை அணி 291 ரன்களுக்கு அனைத்து விக்கெட்டுகளையும் பறிகொடுத்தது . இதையடுத்து இரண்டாம் இன்னிங்சை தொடங்கிய இந்திய அணி நான்காம் நாளான இன்று ஆட்டத்தை தொடர்ந்த இந்திய அணி240 ரன்கள் குவித்து டிக்ளேர் செய்தது . இதையடுத்து இறங்கிய இலங்கை அணி அடுத்தடுத்து விக்கெட்டுகளை பறிகொடுத்தது . இன்றைய ஆட்ட நேர முடிவில் 245 ரன்கள் எடுத்து அனைத்து விக்கெட்டுகளையும் இலங்கை அணி இழந்தது . இதனால் இலங்கைக்கு எதிரான முதல் டெஸ்ட் கிரிக்கெட் போட்டியில் 304 ரன்கள் வித்தியாசத்தில் இந்திய அணி அபார வெற்றி பெற்றது . 3 டெஸ்ட் போட்டிகள் கொண்ட இந்த தொடரில் 1 - 0 என்ற கணக்கில் இந்தியா முன்னிலை வகித்து வருகிறது .

ஜெயலலிதா மரணத்தில் மர்மம் இருப்பது உண்மைதான் எனவும் , ஜெயலலிதாவை கொலை செய்த குற்றவாளிகளை நெருங்கி விட்டதாகவும் , பி . எச் . பாண்டியன் பல திடுக்கிடும் தகவல்களை வெளியிட்டார் . இதற்கு பொய் பேச வேண்டாம் என அமைச்சரும் அதிமுக பொருளாளருமான திண்டுக்கல் சீனிவாசன் எச்சரிக்கை விடுத்துள்ளார் . இதுகுறித்து அமைச்சர் திண்டுக்கல் சீனிவாசன் கூறியதாவது : ஜெயலலிதா மரணத்தை விமர்சனத்திற்கு உள்ளாக்கி இருப்பது மனிதாபிமானத்திற்கு விரோதமானது . அரசியல் காரணங்களுக்காக ஜெயலலிதாவின் மரணத்தை பி . எச் . பாண்டியனும் மனோஜ் பாண்டியனும் விமர்சிக்கின்றனர் . ஜெயலலிதாவை யாரும் தள்ளிவிடவில்லை . வீணாக பொய் பேச வேண்டாம் . உண்மைக்கு புறம்பாக பேசுவது ஜெயலலிதாவின் புகழுக்கு இழுக்காக்கிவிடும் . ஜெயலலிதாவின் மனவேதனைக்கு காரணமானவர் பி . எச் பாண்டியன் . ஜெயலலிதாவிற்கு சிகிச்சை அளித்த மருத்துவர்கள் தெளிவான விளக்கம் கொடுத்துள்ளனர் . மருத்துவர்கள் விளக்கம் தந்த பிறகும் குதர்க்கமாக பேசி வருகின்றனர் . பி . எச் . பாண்டியனின் அனைத்து கேள்விகளுக்கும் அப்போலோ மருத்துவர்கள் விரிவான விளக்கம் அளித்துள்ளனர் . புரிந்து கொள்ள மறுப்பவர்களுக்கு எப்படி புரிய வைப்பது ? திமுக தூண்டுதலால் பி . எச் . பாண்டியனும் மனோஜ் பாண்டியனும் பேசி வருகிறார்கள் . சிசிடிவியை அகற்றியது மருத்துவமனை நிர்வாகம் சம்பந்தப்பட்டது . குற்றவாளிகளை நெருங்கி விட்டோம் என தெரிவிப்பது விசாரணை செய்வது போல் தெரிகிறது . அந்த விசாரணை முடிவுகளை நீதிமன்றத்தில் அவர்கள் தெரிவிக்கட்டும் . சுயநலத்திற்காக ஜெயலலிதா மரணம் குறித்து விமர்சனங்களை பி . எச் . பாண்டியன் அள்ளி வீசக்கூடாது . இவ்வாறு திண்டுக்கல் சீனிவாசன் தெரிவித்தார் .

சமகால கிரிக்கெட்டின் தலைசிறந்த வீரரான விராட் கோலி , சர்வதேச கிரிக்கெட்டில் சதங்களையும் சாதனைகளையும் குவித்துவருகிறார் . ஒவ்வொரு போட்டியிலும் ஏதாவது ஒரு சாதனையை முறியடித்து புதிய சாதனையை படைத்து கொண்டிருக்கிறார் . ஒருநாள் போட்டிகளில் 38 சதங்கள் விளாசியுள்ள கோலி , 62 சர்வதேச சதங்களுடன் , சச்சின் , பாண்டிங் , சங்ககராவிற்கு அடுத்து 4வது இடத்தில் உள்ளார் கோலி . 782 இன்னிங்ஸ்களில் ஆடி 100 சர்வதேச சதங்களை விளாசியுள்ள சச்சின் டெண்டுல்கர் முதலிடத்தில் உள்ளார் . ஆனால் கோலி வெறும் 388 இன்னிங்ஸ்களில் 62 சதங்களை விளாசியுள்ளார் . விராட் கோலியின் கிரிக்கெட் வாழ்க்கை முடிவதற்குள் சச்சின் டெண்டுல்கரின் அதிக ரன்கள் , அதிக சதங்கள் ஆகிய சாதனைகளை முறியடித்துவிடுவார் என்று நம்பப்படுகிறது . சாதனைகள் என்றாலே முறியடிக்கப்படுவதுதான் . அந்த வகையில் சமகால சிறந்த வீரரான கோலி , சச்சின் டெண்டுல்கரின் சாதனையை முறியடித்துவிடுவார் . ஆனால் இதே ஃபார்மில் , நல்ல உடற்தகுதியுடன் கோலி இருப்பது அவசியம் . சீராக தொடர்ந்து இதேபோன்று ஆடினால் மட்டும்தான் சச்சின் சாதனைகளை முறியடிக்க முடியும் . இல்லையென்றால் கஷ்டம்தான் . இந்நிலையில் , கோலி குறித்து பேசியுள்ள முன்னாள் ஜாம்பவான் சுனில் கவாஸ்கர் , கோலி இன்னும் 10 ஆண்டுகள் ஆடுவார் . எனவே டெஸ்ட் மற்றும் ஒருநாள் கிரிக்கெட்டின் பல சாதனைகளை முறியடித்துவிடுவார் என்று நம்பிக்கை தெரிவித்துள்ளார் . அண்மையில் விராட் கோலியை பாராட்டி டுவீட் செய்திருந்த பாகிஸ்தான் அணியின் முன்னாள் வேகப்பந்து வீச்சாளர் ஷோயப் அக்தர் , கோலி கண்டிப்பாக சச்சின் டெண்டுல்கரின் 100 சர்வதேச சதங்கள் என்ற சாதனையை முறியடித்துவிடுவார் ; அதற்கு மேல் எத்தனை சதங்கள் அடிக்கிறார் என்பதுதான் மேட்டர் என்பதுபோல் ஒரு டுவீட் செய்திருந்தார் . அதாவது 120 சதங்களை கோலிக்கு அக்தர் இலக்காக நிர்ணயித்திருந்தது குறிப்பிடத்தக்கது .

இரண்டாவது ஒருநாள் போட்டியில் தென்னாப்பிரிக்க அணி வெறும் 118 ரன்களுக்கு ஆல் அவுட்டானது . இந்தியா - தென்னாப்பிரிக்கா இடையேயான இரண்டாவது ஒருநாள் போட்டி செஞ்சூரியனில் நடைபெற்று வருகிறது . டாஸ் வென்ற இந்திய அணி பவுலிங்கை தேர்வு செய்தது . தென்னாப்பிரிக்க அணியின் தொடக்க வீரர்களாக குயிண்டன் டி காக் மற்றும் ஹாசிம் ஆம்லா ஆகியோர் களமிறங்கினர் . தொடக்கத்தில் புவனேஷ்வர் குமாரும் பும்ராவும் சிறப்பாக பந்துவீசினர் . இருவரின் வேகத்தையும் எதிர்கொள்ள முடியாமல் ஆம்லாவும் டி காக்கும் திணறினர் . பின்னர் பாண்டியாவின் பந்துகளில் ஒருசில பவுண்டரிகள் அடித்தனர் . ஆனாலும் அவர்களின் ஆட்டம் நீடிக்கவில்லை . புவனேஷ்வர் குமாரின் பந்தில் தோனியிடம் கேட்ச் கொடுத்து முதல் ஆளாக வெளியேறினார் . அவர் அவுட்டாகும்போது தென்னாப்பிரிக்காவின் ஸ்கோர் 39 . தென்னாப்பிரிக்கா , 51 ரன்கள் எடுத்திருந்தபோது சாஹலின் சுழலில் டி காக் அவுட்டானார் . அதற்கு அடுத்த ஓவரிலேயே குல்தீப் யாதவின் சுழலில் மார்க்ரம் மற்றும் மில்லர் ஆகிய இருவரும் அடுத்தடுத்து பெவிலியன் திரும்பினர் . 51 ரன்னிலேயே 3 விக்கெட்டுகளை தென்னாப்பிரிக்கா இழந்தது . அதன்பிறகு ஜாண்டோவும் டுமினியும் சிறிது நேரம் ஆடினர் . ஆனால் அந்த இணையும் நீடிக்கவில்லை . ஜாண்டோ , டுமினி , ரபாடா , மோர்கல் என அனைவரும் அடுத்தடுத்து பெவிலியனுக்கு நடையை கட்ட அந்த அணி , 32.2 ஓவர்கள் முடிவில் 118 ரன்களுக்கு ஆல் அவுட்டானது . இந்திய அணியின் சார்பில் சாஹல் 5 விக்கெட்டுகளை வீழ்த்தி அசத்தினார் . குல்தீப் யாதவ் 3 விக்கெட்டுகளையும் புவனேஷ்வர் குமார் மற்றும் பும்ரா ஆகியோர் தலா 1 விக்கெட்டையும் வீழ்த்தினர் . 119 என்ற எளிய இலக்குடன் இந்திய அணி ஆடி வருகிறது .

கொல்கத்தா நைட் ரைடர்ஸ் அணி 8 வீரர்களை விடுவித்துள்ளது . சுனில் நரைன் , ஆண்ட்ரே ரசல் , கிறிஸ் லின் உள்ளிட்ட 13 வீரர்களை கேகேஆர் தக்கவைத்துள்ளது . கடந்த 2008ம் ஆண்டில் தொடங்கப்பட்ட ஐபிஎல் தொடரில் இதுவரை 11 சீசன்கள் வெற்றிகரமாக நடந்து முடிந்துள்ளன . 12வது சீசன் அடுத்த ஆண்டு நடக்க உள்ளது . அடுத்த ஆண்டு மே மாத இறுதியில் உலக கோப்பை தொடங்க இருப்பதால் , ஐபிஎல் சீசன் வழக்கத்தைவிட முன்னதாகவே தொடங்கப்பட உள்ளது . அதனால் வழக்கமாக ஜனவரி அல்லது பிப்ரவரி மாதம் நடக்கும் வீரர்கள் ஏலம் இம்முறை டிசம்பர் மாதம் கோவாவில் நடக்க உள்ளது . அதனால் அதற்கு முன்னதாக அனைத்து அணிகளும் தாங்கள் தக்கவைக்க விரும்பாத வீரர்களின் பட்டியலை வெளியிட்டு வருகிறது . சென்னை சூப்பர் கிங்ஸ் , மும்பை இந்தியன்ஸ் , சன்ரைசர்ஸ் ஹைதராபாத் , கிங்ஸ் லெவன் பஞ்சாப் , ராஜஸ்தான் ராயல்ஸ் மற்றும் ராயல் சேலஞ்சர்ஸ் பெங்களூரு ஆகிய அணிகள் விடுவித்த வீரர்களின் பட்டியலை பார்த்தோம் . இரண்டு முறை சாம்பியன் பட்டத்தை வென்ற கொல்கத்தா அணி விடுவித்துள்ள வீரர்களின் பட்டியலை பார்ப்போம் . ஆஸ்திரேலிய அணியின் வேகப்பந்து வீச்சாளர் மிட்செல் ஸ்டார்க்கை கொல்கத்தா அணி விடுவித்துள்ளது . இத்தகவலை முன்னதாகவே மெசேஜ் மூலம் அணி நிர்வாகம் தெரிவித்துவிட்டது . மிட்செல் ஸ்டார்க் தவிர டாம் கரன் , மிட்செல் ஜான்சன் , வினய் குமார் உள்ளிட்ட வீரர்களையும் கொல்கத்தா அணி விடுவித்துள்ளது . அந்த அணியின் கேப்டன் தினேஷ் கார்த்திக் , ராபின் உத்தப்பா , கிறிஸ் லின் , கில் , நிதிஷ் ராணா , சுனில் நரைன் , குல்தீப் உள்ளிட்ட வீரர்களை தக்கவைத்துள்ளது . கேகேஆர் அணி விடுவித்த வீரர்கள்ஃ மிட்செல் ஸ்டார்க் , மிட்செல் ஜான்சன் , டாம் கரன் , கேம்ரோன் டெல்போர்ட் , ஜாவோன் சியர்ல்ஸ் , இஷாங்க் ஜக்கி , அபூர்வ் வான்கடே , வினய் குமார் . கேகேஆர் தக்கவைத்த வீரர்கள்ஃ தினேஷ் கார்த்திக் ( கேப்டன் ) , உத்தப்பா , கிறிஸ் லின் , சுனில் நரைன் , நிதிஷ் ராணா , ரிங்கு சிங் , ஷுப்மன் கில் , ஆண்ட்ரே ரசல் , ஷிவம் மாவி , குல்தீப் யாதவ் , பியூஷ் சாவ்லா , நாகர்கோடி , பிரசித் கிருஷ்ணா .

இந்தியா இங்கிலாந்து இடையேயான இரண்டாவது டெஸ்ட் போட்டியில் இங்கிலாந்து அணி அபாரமாக ஆடிவருகிறது . இன்னிங்ஸ் வெற்றி பெறுவதற்கான வாய்ப்பு அந்த அணிக்கு உள்ளது . இந்தியா இங்கிலாந்து இடையேயான முதல் டெஸ்ட் போட்டியில் இங்கிலாந்து அணி 31 ரன்கள் வித்தியாசத்தில் வெற்றி பெற்றது . இதையடுத்து இரண்டாவது போட்டி மழை காரணமாக ஒருநாள் தாமதமாக லண்டன் லார்ட்ஸ் மைதானத்தில் நேற்று முன் தினம் தொடங்கியது . இந்த போட்டியில் முதலில் பேட்டிங் செய்த இந்திய அணி , இங்கிலாந்து பவுலர்களின் ஸ்விங் பந்துவீச்சை சமாளிக்க முடியாமல் 107 ரன்களுக்கே ஆல் அவுட்டானது . இதையடுத்து முதல் இன்னிங்ஸை ஆடிவரும் இங்கிலாந்து அணி , இந்த போட்டியில் வெற்றி பெறும் முனைப்பில் தொடக்கத்திலிருந்தே ரன்களை குவிக்க தொடங்கியது . சீரான இடைவெளியில் விக்கெட்டுகளை இழந்தாலும் ரன்களை குவிக்க அந்த அணி தயங்கவில்லை . தொடர்ச்சியாக சீரான வேகத்தில் ரன்களை குவித்தது . 131 ரன்களுக்கே இங்கிலாந்து அணி 5 விக்கெட்டுகளை இழந்தபோதிலும் , பேர்ஸ்டோ மற்றும் கிறிஸ் வோக்ஸ் இருவரும் அபாரமாக ஆடினர் . 6 விக்கெட்டுக்கு அவர்கள் 189 ரன்களை சேர்த்தனர் . 93 ரன்களில் அவுட்டான பேர்ஸ்டோ சதமடிக்கும் வாய்ப்பை நழுவவிட்டார் . ஆனால் கிறிஸ் வோக்ஸ் அபாரமாக ஆடி சதமடித்தார் . வோக்ஸுடன் சாம் கரண் ஜோடி சேர்ந்து ஆடிவருகிறார் . மூன்றாம் நாள் ஆட்டநேர முடிவில் இங்கிலாந்து அணி 6 விக்கெட் இழப்பிற்கு 357 ரன்கள் எடுத்துள்ளது . வோக்ஸ் 120 ரன்களுடனும் சாம் கரண் 22 ரன்களுடனும் களத்தில் உள்ளனர் . இந்திய அணியை விட 250 ரன்கள் முன்னிலை என்ற வலுவான நிலையில் உள்ளது இங்கிலாந்து அணி . எனவே இன்னும் கூடுதலாக 100 ரன்கள் சேர்த்தாலே மிகவும் வலுவான நிலையை அடைந்துவிடும் இங்கிலாந்து . எனவே இந்த போட்டியில் இந்திய அணி கண்டிப்பாக வெற்றி பெற முடியாத சூழல் உருவாகியுள்ளது . எனினும் டிரா செய்வதற்கே இந்திய அணி மிகவும் சிறப்பாக ஆட வேண்டியுள்ளது . இல்லையெனில் இன்னிங்ஸ் வித்தியாசத்தில் படுதோல்வி அடைய நேரிடும் .

சத்தியமூர்த்தி பவனில் சண்டை ! என்று செய்தி வந்தால் , சரி ! மாநிலத்தில் எல்லாம் இயல்பாக இயங்குகிறது என்று பொருள் . அந்தளவுக்கு தினப்படி வழக்கமான விஷயம் அது . வேஷ்டி கிழிதழும் , நாற்காலி பறத்தழும் , கை கலப்பும் அங்கே டீ , காஃபி சாப்பிடுவது போல் . ஆனால் கடந்த சில நாட்களாக சத்தியமூர்த்தி பவனுள் நடக்கும் மோதலானது மிக வித்தியாசமானது . திருநாவுக்கரசர் மற்றும் இளங்கோவனுக்கு இடையில் நடக்கும் கருத்துப் போர் உச்சம் பெற்று நிற்கிறது . இருவரும் இலை மறை காயாக ஒருவரை ஒருவர் கீறிக் கொண்டு கட்சியை காயம் செய்து கொண்டிருக்கிறார்கள் . தமிழக காங்கிரஸ் தலைவராக திருநாவுக்கரசர் இருக்கும் நிலையில் , சமீபத்தில் ‘தமிழக காங்கிரஸ் தலைவர் விரைவில் மாற்றப்படலாம் . ’ என்று உசுப்பிவிட்டா மாஜி தலைவர் இளங்கோவன் . இதற்கு இப்போது பதில் வாள் வீசியிருக்கும் திருநாவுக்கரசர் . . . “கட்சி தலைவராக பொறுப்பேற்றதும் ராகுல் சில மாநிலத் தலைவர்களை மாற்றினார் , ஆனால் என்னை மாற்றவில்லை . ராகுல் துணைத்தலைவராக இருந்த போது கூட மாநில தலைமைக்கு என்னைத்தான் பரிந்துரை செய்தார் . இதுதான் இந்த பேரியக்கத்தில் எனக்கு இருக்கும் மரியாதை . அதேவேளையில் தலைவர் பதவி என்பது நிரந்தரமல்ல என்பதையும் நான் நன்கு உணர்ந்து வைத்துள்ளேன் . இருக்கும் வரையில் சிறப்பாக பணியாற்றுதல் மட்டுமே என் லட்சியம் . ”என்று சொல்லியிருப்பவர் , ”உட்கட்சியில் சக தலைவர்களை அனுசரித்து செல்வதுதான் நல்ல நிர்வாகிக்கு அழகு . ‘மாற்றப்படுவார்’ என்று ஜோசியமெல்லாம் கூறுவது அவரவர் இயல்பை , குணத்தைப் பொறுத்தது . இப்படி பேசிக் கொண்டிருப்பவர்களுக்கு பதில் சொல்ல வேண்டியதில்லை . ஆனால் ஒன்றை மட்டும் சொல்லிக் கொள்கிறேன் . ராஜிவ்காந்தியின் நண்பராகவே இருந்தவரும் , கேபினெட் அமைச்சராக இருந்தவருமான மூத்த தலைவர் மணிசங்கர் அய்யரையே காங்கிரஸ் தலைமை நீக்கியது . அப்படியென்றால் யார் மீதும் நடவடிக்கை எடுக்க தயங்கமாட்டார்கள் . இதை அனைவரும் மனதில் வைத்துக் கொள்ள வேண்டும் . ஆனால் இளங்கோவைனை நீக்க வேண்டுமென நான் கேட்டதில்லை . ” என்று தெறிக்கவிட்டிருக்கிறார் திருநாவுக்கரசர் . அரசரின் இந்த வார்த்தைகளை ”மணிசங்கர் அய்யரையே தூக்கி எறிந்த கட்சி தலைமைக்கு இளங்கோவனெல்லாம் ஒரு விஷயமேயில்லை என்பதைத்தான் , ‘இளங்கோவன் மீது ஏன் நடவடிக்கை இல்லை ? ’ எனும் கேள்விக்கு மறைத்துப் பேசி பதில் தந்திருக்கிறார் அரசர் . இளங்கோவனை நீக்க நான் தலைமையிடம் கேட்டதில்லை ! என்று சொல்லியிருப்பதன் மூலம் இளங்கோவன் என்ன வேண்டுமானாலும் பேசட்டும் , அதனால் தனக்கு ஒன்றும் ஆவப்போவதில்லை , நான் அவரையெல்லாம் ஒரு பொருட்டாக எடுப்பதில்லை , அதனால்தான் அவரையெல்லாம் நீக்க சொல்லி கேட்கவில்லை ! என்று அரசர் பேசியுள்ளார் . ” என விளக்க உரை தருகின்றனர் சக காங்கிரஸ் நிர்வாகிகள் . அரசர் - இளங்கோவன் இடையிலான இந்த ரத்தமில்லா யுத்த சப்தம் எப்படி முடிவுக்கு வருகிறதென பார்ப்போம் !

ராகுல் தொடர்ந்து தனக்கு கிடைத்த வாய்ப்புகளை எல்லாம் வீணாக்குவதோடு , அணியையும் பின்னோக்கி இழுக்கிறார் . அவர் என்னதான் சொதப்பினாலும் அவருக்கு தொடர்ந்து வாய்ப்புகள் வழங்கப்பட்டுக்கொண்டே இருக்கிறது . இந்திய டெஸ்ட் அணியின் தொடக்க வீரர் கேஎல் ராகுல் தொடர்ந்து சொதப்பிவருகிறார் . இங்கிலாந்து மற்றும் வெஸ்ட் இண்டீஸ் அணிகளுக்கு எதிராக படுமோசமாக சொதப்பினார் ராகுல் . முரளி விஜய் , தவான் ஆகிய வீரர்கள் சோபிக்காதபோது அணியிலிருந்து அதிரடியாக நீக்கப்பட்டனர் . ஆனால் ராகுலுக்கு மட்டும் தொடர்ந்து வாய்ப்புகள் வழங்கப்படுகின்றன . இந்திய டெஸ்ட் அணியின் எதிர்காலம் கருதி அவருக்கு தொடர்ந்து வாய்ப்புகள் வழங்கப்பட்டாலும் , அதற்கும் ஒரு அளவு இருக்கிறது அல்லவா ? கடந்த ஆண்டில் 12 டெஸ்ட் போட்டிகளில் ஆடிய ராகுல் , வெறும் 468 ரன்கள் மட்டுமே அடித்துள்ளார் . 12 போட்டிகளில் ஆடி ஒரு சதம் மற்றும் ஒரு அரைசதம் மட்டுமே அடித்துள்ளார் . அதேநேரத்தில் 4 முறை டக் அவுட்டாகியுள்ளார் . ஆஸ்திரேலியாவுக்கு எதிரான முதல் இரண்டு போட்டிகளில் சொதப்பியதால் , மூன்றாவது போட்டியில் அதிரடியாக நீக்கப்பட்டு மயன்க் அகர்வாலும் ஹனுமா விஹாரியும் தொடக்க வீரர்களாக களமிறக்கப்பட்டனர் . ஹனுமா விஹாரி இறங்கிய 6ம் வரிசையில் ரோஹித் சர்மா இறங்கினார் . ஆனால் ரோஹித் சர்மாவிற்கு குழந்தை பிறந்திருப்பதால் , அவர் நாடு திரும்பிவிட்டதால் 6ம் வரிசையில் ஹனுமா விஹாரி இறங்க வேண்டியிருந்ததால் , ராகுலுக்கு மீண்டும் வாய்ப்பு வழங்கப்பட்டது . ஆனால் இந்த வாய்ப்பையும் தவறவிட்டார் ராகுல் . வெறும் 9 ரன்கள் மட்டுமே எடுத்து இரண்டாவது ஓவரிலேயே ஆட்டமிழந்தார் . ராகுல் தொடர்ந்து சொதப்பிவரும் அதேவேளையில் , மயன்க் அகர்வால் அருமையாக ஆடிவருகிறார் . காயத்தால் தொடரிலிருந்து வெளியேறிய இளம் தொடக்க வீரர் பிரித்வி ஷாவும் அருமையாக ஆடிவருகிறார் . எனவே இனியும் ராகுலை நம்புவதை விடுத்து மயன்க் அகர்வால் மற்றும் பிரித்வி ஷா ஆகிய இருவரையும் எதிர்காலத்தில் தொடக்க வீரர்களாக களமிறக்குவது நல்லது .

பாலிவுட் திரையுலகில் முன்னணி நடிகர்களில் ஒருவர் நானா படேகர் . அதே போல் , பிரபல நடிகை தனுஸ்ரீ தத்தாவும் பல மொழிகளில் படங்கள் நடித்துள்ளார் . தமிழில் தீராத விளையாட்டு பிள்ளை படத்தில் விஷாலுக்கு ஜோடியாக நடித்திருக்கிறார் . இவர் ஹார்ன் ஓகே பிளீஸ் என்ற படத்தில் நடித்த போது நானா படேகர் தவறாக தொட முயன்றதாகவும் , அதற்கு ஒப்புக் கொள்ளாததால் கட்சியினரை வைத்து மிரட்டியதாகவும் புகார் கூறி இருந்தார் . இதுதொடர்பாக இரு தரப்பும் மாறி மாறி வழக்கு தொடர்ந்துள்ளன . நோட்டீசும் அனுப்பியுள்ளனர் . இதில் நானாவுக்கு ஆதரவாகவும் , எதிர்ப்பாகவும் விமர்சனங்கள் எழுந்து வருகின்றன . தனுஸ்ரீ தத்தாவை கடுமையாக விமர்சிக்கும் கருத்துகளுக்கும் பஞ்சமில்லை . அந்த வகையில் நடிகை ராக்கி சாவந்துக்கும் , தனுஸ்ரீ தத்தாவுக்கும் இடையே கடும் வார்த்தைப் போர் நிலவி வருகிறது . தனுஸ்ரீ லெசிபியன் என்றும் அவர் தன்னையே பல முறை பாலியல் வன்கொடுமை செய்துள்ளதாகவும் திடுக்கிடும் புகார் அளித்தார் ராக்கி சாவந்த் . மேலும் தனுஸ்ரீ ஒரு போதைக்கு அடிமையானவள் என்றும் கூறி இருந்தார் . தலையில் முடியை சற்று நீக்கி இருந்ததை வைத்து , தனுஸ்ரீ ஒரு லெஸ்பியன் என்று தன்னை அடையாளப்படுத்திக் கொள்வதாக ராக்கி சாவந்த் தெரிவித்து இருந்தார் . இதற்கெல்லாம் பதிலடி கொடுத்துள்ள தனுஸ்ரீ தத்தா , ராக்கி சாவந்துடன் தனக்கு எந்த ஒரு நட்பும் இல்லை எனத் தெரிவித்துள்ளார் . ராக்கி சாவந்த அருவருப்பானவள் என்றும் , வக்கிர புத்தி கொண்டவள் என்றும் பேசியுள்ளார் தனுஸ்ரீ . நண்பர்களை மிகவும் கவனத்துடனேயே தேர்வு செய்ய வேண்டும் என்று தனது பெற்றோர் சொல்லி வளர்த்ததாகவும் அந்த அறிவுரையைத் தான் வாழ்நாள் முழுவதும் கடைபிடித்து வருவதாகவும் கூறியுள்ளார் தனுஸ்ரீ . தனக்கு நல்லவர்கள் இல்லை என்று தோன்றினால் அவர்களை ஒதுக்கி விடுவதே தனது குணம் என்று கூறியுள்ளார் தனுஸ்ரீ . மேலும் ராக்கியின் கருத்துகள் அருவருப்பானவை , வக்கிரம் உடையவை , படிப்பறிவற்றவள் பேசுவதைப் போல் உள்ளதாகவும் குமுறியுள்ளார் தனுஸ்ரீ . தனது தலைமுடியை நீக்கி இருப்பதை ஒருபாலின விரும்பிக்கான அடையாளம் என்று ராக்கி சாவந்த் கூறி இருப்பதற்கு பதில் கொடுத்துள்ள தனுஸ்ரீ இந்து அல்லது புத்த மதத்தில் கடவுளுக்கு தன்னை அர்ப்பணிப்பவர்கள் தலைமுடியை நீக்கிக் கொள்வது வழக்கம் தான் என்று தெரிவித்துள்ளார் . இதையா ஒருபாலின சேர்க்கை என்று கூறுவது என்றும் , அவமானமாக இல்லையா என்று கேட்டுள்ளார் தனுஸ்ரீ .

ஐபிஎல் தொடரில் ராணாவும் , பாண்டியாவும் சிறப்பாக ஆடி போட்டியை வெற்றியில் முடிப்பார்கள் என்று நம்பினோம் . எங்களின் நம்பிக்கையை அவர்கள் வீணடிக்கவில்லை வெற்றிப் பெற்ற மும்பை அணியில் கேப்டன் ரோஹித் சர்மா பாராட்டினார் . மும்பையில் ஞாயிற்றுக்கிழமை நடைபெற்ற ஐபிஎல் கிரிக்கெட் ஆட்டத்தில் மும்பை இண்டியன்ஸ் அணியும் , கொல்கத்த நைட் ரைடர்ஸ் அணியும் மோதின . இதில் , 4 விக்கெட் வித்தியாசத்தில் கொல்கத்தா நைட் ரைடர்ஸை வீழ்த்தியது மும்பை . இந்த ஆட்டத்தில் முதலில் பேட் செய்த கொல்கத்தா அணி 20 ஓவர்களில் 7 விக்கெட் இழப்புக்கு 178 ஓட்டங்கள் எடுத்தது . பின்னர் பேட் செய்த மும்பை அணி , வெற்றி பெற கடைசி 4 ஓவர்களில் 60 ஓட்டங்கள் எடுக்க வேண்டியிருந்தது . இந்த நிலையில் நிதிஷ் ராணா , அர்திக் பாண்டியா ஆகியோரின் அசாத்திய ஆட்டத்தால் , மும்பை அணி 19.5 ஓவர்களில் 180 ஓட்டங்கள் எடுத்து வெற்றிப் பெற்றது . ராணா 29 பந்துகளில் 50 ஓட்டங்கள் குவித்து ஆட்டமிழந்தார் . பாண்டியா 11 பந்துகளில் 2 சிக்ஸர் , 3 பவுண்டரிகளுடன் 29 ஓட்டங்கள் எடுத்து ஆட்டமிழக்காமல் களத்தில் இருந்தார் . இதன்பிறகு செய்தியாளர்களிடம் பேசிய ரோஹித் சர்மா கூறியதுஃ " போட்டியில் வெற்றி பெறுவது என்பது மிக முக்கியமானது . இந்த சீசனில் முதல் வெற்றியைப் பெற்றிருப்பது மிகுந்த மகிழ்ச்சியாக இருக்கிறது . ராணாவும் , பாண்டியாவும் சிறப்பாக ஆடி போட்டியை வெற்றியில் முடிப்பார்கள் என்று நம்பினோம் . எங்களின் நம்பிக்கையை அவர்கள் வீணடிக்கவில்லை . நிதிஷ் ராணா , பாண்டியா போன்ற இளம் வீரர்கள் சிறப்பாக ஆடி வெற்றி தேடித் தருவது எந்தவொரு அணிக்கும் மிக முக்கியமான விஷயமாகும் . இதேபோன்று அவர்கள் இருவரும் மீண்டும் சிறப்பாக ஆடுவார்கள் என நம்புகிறேன் . அதே வேளையில் எங்கள் அணி இன்னும் நிறைய விஷயங்களில் மேம்பட வேண்டியுள்ளது . இந்த ஆட்டத்தைப் பொறுத்தவரையில் நாங்கள் நிறைய தவறுகளை செய்தோம் . எனவே அடுத்த போட்டிக்கு முன்னதாக டிரெஸ்ஸிங் அறைக்குச் சென்று தவறுகளை சரி செய்வதற்கான முயற்சிகளை மேற்கொள்ள வேண்டும் ' என்றார் .

புருவ அழகி என்ற அடைமொழியுடன் அழைக்கப்படும் மலையாள நடிகை ப்ரியா வாரியர் தனக்கு பிடித்த நடிகர் சிவ கார்த்திகேயன் என்று தெரிவித்துள்ளார் . பிரேமம் ' படத்தில் மலர் டீச்சராக வந்த சாய் பல்லவி இளைஞர்களை வசீகரம் செய்தார் . பிறகு , ' ஜிமிக்கி கம்மல் ' ஷெரில் வந்து சாய் பல்லவியை சைடு வாங்கினார் . இவர்கள் அத்தனை பேரையும் பின்னுக்கு தள்ளியிருக்கிறார் ' ஒரு அடார் லவ் ' மலையாளப் பட நாயகியான ப்ரியா வாரியர் . மலையாளத்தில் ` ஹேப்பி வெட்டிங் ' , ` சங்ஃஸ் ' உள்ளிட்ட வெற்றிப்படங்களை இயக்கிய ஒமர் லூலு தற்போது ` ஒரு அடார் லவ் ' என்ற படத்தை இயக்கி வருகிறார் . இந்த படத்தின் படப்பிடிப்பு விறுவிறுப்பாக நடந்து வரும் நிலையில் , காதலர் தினத்தை முன்னிட்டு வீடியோ பாடல் ஒன்றை கடந்த மாதம் 9 - ஆம் தேதி படக்குழு வெளியிட்டுள்ளது . ' மாணிக்ய மலராய பூவி ' என தொடங்கும் அந்த பாடலை வினீத் ஸ்ரீனிவாசன் பாடியிருக்கிறார் . ஒரு பள்ளியில் நடக்கும் கலை நிகழ்ச்சியின் போது மாணவர்கள் கூடியிருக்கின்றனர் . அப்போது , தனது நண்பனை பார்த்து இரு புருவங்களையும் உயர்த்தியபடி காதல் பார்வை பார்க்கும் ப்ரியா வாரியர் தான் சமூக வலைதளங்களில் ட்ரெண்டானார் . இந்த வீடியோவுக்குப் பிறகு , ப்ரியா வாரியருக்கென தற்போது மிகப்பெரிய ரசிகர் பட்டாளம் உருவாகியிருக்கிறது . சமூக வலைதளங்கள் மூலம் இந்திய சினிமா ரசிகர்களால் மிகவும் பிரபலமான பிரியா வாரியர் . அந்த வைரல் சம்பவத்திற்கு பிறகு நிறைய படங்களில் கமிட்டாகி வருவதாக கூறப்படுகிறது . அண்மையில் கூட அவர் பாலிவுட்டில் ரன்வீர் சிங்கிற்குஜோடியாக நடிக்க இருப்பதாக தகவல் வெளியானது . இந்த நிலையில் சமீபத்தில் ஒரு பேட்டியில் கலந்து கொண்ட பிரியா வாரியரிடம் சிவகார்த்திகேயன் புகைப்படத்தை காட்டியபோது தனக்கு மிகவும் பிடித்தமான நடிகர் இவர்தான் என்று கூறியுள்ளார் .

சட்டப்பேரவையில் ஜெயலலிதாவின் புகைப்படத்தை திறப்பதற்கு மோடி , ஜனதிபதி , ஆளுநர் வராததற்கு காரணம் அவர் குற்றவாளி என்பதால் தான் எனவும் இந்த லட்சணத்தில் பாரளுமன்றத்தில் ஜெ படத்தை திறப்போம் என அமைச்சர் ஜெயக்கூறுவது சரியா என்று விளக்கம் அளிக்க வேண்டும் எனவும் திமுக செயல்தலைவர் ஸ்டாலின் வலியுறுத்தியுள்ளார் . சட்டப்பேரவையில் முன்னாள் முதலமைச்சர் ஜெயலலிதா படத்தை சபாநாயகர் தனபால் திறந்து வைத்தார் . இதற்காக முதலமைச்சர் எடப்பாடி பழனிசாமி மற்றும் துணை முதலமைச்சர் பன்னீர் செல்வம் சபாநாயகருக்கு நினைவு பரிசு வழங்கினர் . ஜெயலலிதாவின் 7 அடி உயரம் , 5 அடி அகலம் கொண்ட முழு உருவப்படம் திறக்கப்பட்டுள்ளது . ஜெயலலிதாவின் உருவப்படத்தின் கீழே அமைதி , வளம் , வளர்ச்சி என்ற சொற்கள் பொறிக்கப்பட்டுள்ளன . அதிமுகவினரின் இத்தகைய செயலுக்கு எதிர்க்கட்சிகளின் கடும் எதிர்ப்பு தெரிவித்து புறக்கணிப்பு செய்தனர் . பேரவையில் எதிர்க்கட்சியினர் இருக்கைகளில் அதிமுக எம் . பி . , க்கள் அமர வைக்கப்பட்டனர் . இதனிடையே ஜெயலலிதா புகைப்படத்தை சட்டப்பேரவையில் அல்ல பாராளுமன்றத்திலேயே திறப்போம் என மீன்வளத்துறை அமைச்சர் ஜெயக்குமார் தெரிவித்திருந்தார் . இந்நிலையில் சட்டப்பேரவையில் ஜெயலலிதாவின் புகைப்படத்தை திறப்பதற்கு மோடி , ஜனதிபதி , ஆளுநர் வராததற்கு காரணம் அவர் குற்றவாளி என்பதால் தான் எனவும் இந்த லட்சணத்தில் பாரளுமன்றத்தில் ஜெ படத்தை திறப்போம் என அமைச்சர் ஜெயக்கூறுவது சரியா என்று விளக்கம் அளிக்க வேண்டும் எனவும் திமுக செயல்தலைவர் ஸ்டாலின் வலியுறுத்தியுள்ளார் .

வெஸ்ட் இண்டீஸ் அணிக்கு எதிரான டெஸ்ட் தொடரில் இந்திய அணி தேர்வு குறித்து தேர்வாளர்களை கவாஸ்கர் விமர்சித்துள்ளார் . இந்தியாவில் சுற்றுப்பயணம் மேற்கொண்டுள்ள வெஸ்ட் இண்டீஸ் அணி , 2 டெஸ்ட் , 5 ஒருநாள் மற்றும் 3 டி20 போட்டிகள் கொண்ட தொடரில் ஆடுகிறது . முதல் டெஸ்ட் போட்டி ராஜ்கோட்டில் இன்று தொடங்கியது . வெஸ்ட் இண்டீஸ் அணிக்கு எதிரான டெஸ்ட் தொடருக்கான இந்திய அணி தேர்வு கடும் விமர்சனத்துக்கு உள்ளாகியுள்ளது . ரோஹித் சர்மா , கருண் நாயர் ஆகியோர் அணியில் சேர்க்கப்படாதது கடும் விமர்சனத்துக்கு உள்ளாகியது . முன்னாள் கேப்டன் கங்குலி , முன்னாள் வீரர் ஹர்பஜன் சிங் ஆகியோர் ரோஹித் சர்மா சேர்க்கப்படாததற்கு அதிருப்தி தெரிவித்திருந்தனர் . கருண் நாயர் சேர்க்கப்படாததும் பெரும் அதிர்ச்சியை ஏற்படுத்தியது . இங்கிலாந்து தொடருக்கான இந்திய அணியில் இடம்பெற்றிருந்த கருண் நாயருக்கு ஒரு போட்டியில் கூட ஆட வாய்ப்பு கொடுக்காத நிலையில் , வெஸ்ட் இண்டீஸ் தொடரிலும் புறக்கணிக்கப்பட்டார் . இதுவே கடும் விமர்சனத்துக்கு உள்ளான நிலையில் , புவனேஷ்வர் குமார் மற்றும் பும்ரா ஆகிய இருவரில் ஒருவரை கூட சேர்க்காததை கவாஸ்கர் விமர்சித்துள்ளார் . வரும் நவம்பர் மாதம் இந்திய அணி ஆஸ்திரேலியாவிற்கு சுற்றுப்பயணம் மேற்கொள்கிறது . ஆஸ்திரேலிய சுற்றுப்பயணத்திற்காக புவனேஷ்வர் குமார் மற்றும் பும்ரா ஆகிய இருவருக்கும் வெஸ்ட் இண்டீஸ் தொடரில் ஓய்வு அளிக்கப்பட்டுள்ளதாக கூறி , சிராஜ் மற்றும் ஷர்துல் தாகூர் அணியில் சேர்க்கப்பட்டுள்ளனர் . இந்திய அணி தேர்வாளர்களின் இந்த நடவடிக்கையை கவாஸ்கர் விமர்சித்துள்ளார் . டைம்ஸ் ஆஃப் இந்தியா பத்திரிகையில் அவர் எழுதியுள்ள கட்டுரையில் , புவனேஷ்வர் குமார் மற்றும் பும்ரா ஆகிய இருவருக்கும் ஓய்வு அளிக்கப்பட்டது ஆச்சரியமாக உள்ளது . இருவருக்கும் ஒரே நேரத்தில் ஓய்வு அளிக்க வேண்டிய தேவையில்லை . அப்படியே ஓய்வு அளிப்பதாக இருந்தாலும் ஒருநாள் அல்லது டி20 போட்டிகளில் ஓய்வு அளிக்கலாமே தவிர டெஸ்ட் போட்டிகளில் ஓய்வு அளிக்கக்கூடாது . டெஸ்ட் போட்டிகளில் அணியின் சிறந்த வீரர்களுடன் தான் களமிறங்க வேண்டும் என கவாஸ்கர் காட்டமாக தேர்வாளர்களை விமர்சித்துள்ளார் .

கருணாநிதி மறைவிற்கு பின் அவரது நினைவாக சென்னையில் பேரணியை அழகிரி நடத்தினார் . இதையடுத்த அவர் மதுரை திரும்பினார் . இந்நிலையில் அழகிரி மாவட்டம் வாரியாக ஆதரவாளர்களை சந்தித்து வருகிறார் . இதன் முதல் கட்டமாக நேற்று தேனி மாவட்ட தொண்டர்களை சந்தித்து ஆலோசனை நடத்தினார் . அப்போது அவரது ஆதரவார்கன் அழகிரிக்கு ஆலோசனைகளை அள்ளி வழங்கினர் . நீங்கள் மாவட்டம் வாரியாக தி . மு . க . , அதிருப்தி நிர்வாகிகள் , தொண்டர்களை சந்திக்க வேண்டம் என வலியுறுத்தினர் . ஒவ்வொரு மாவட்டத்திலும் சுற்றுப்பயணம் செய்தால் உண்மை நிலை தெரியும் . உங்கள் பின் வருவதற்கு தயாராக உள்ளனர் . கருணாநிதி பெயரில் பெரிய இயக்கம் துவங்கி , கட்சியில் நம்மை மீண்டும் சேர்க்க வைக்கும் அளவிற்கு நெருக்கடி கொடுக்க வேண்டும் என ஆதரவாளர்கள் வலியுறுத்தினர் . அவர்களது ஆலோசனைகளை அமைதியாக கேட்டுக் கொண்ட அழகிரி , கட்சியில் சேர்க்க அவர்கள் தயாராக இல்லை . கருணாநிதி இருந்தபோது அவரை அடிக்கடி பார்க்க செல்வேன் . 2016 சட்டசபை தேர்தல் வேட்பாளர்கள் பட்டியல் குறித்து அவரிடம் அதிருப்தி தெரிவித்தேன் . அப்போது , ' இவர்கள் நிர்வாகம் தெரியாதவர்களாக உள்ளனர் . உனக்கான நேரம் வரும் . அப்போது வா . தோல்வியுற்ற பின் அவர்களே உன்னை தேடி வருவார்கள் . அதுவரை காத்திரு ' என தெரிவித்தார் . அப்போதுதான் , ' கட்சி அவரது கட்டுப்பாட்டில் இல்லை ' என நான் வெளிப்படையாக தெரிவித்ததாக கூறினார் . கடைசி நேரத்தில் கருணாநிதியின் உடல்நலம் கருதி எவ்வித நிர்பந்தமும் கொடுக்காமல் அமைதி காத்தேன் . கருணாநிதி அழைத்தும் செல்லாமல் இருந்து விட்டேன் . தற்போது மாவட்டம் வாரியாக ஆதரவாளர்களை சந்திக்க உள்ளாதாக அழகிரி தெரிவித்துள்ளார் .

ஆசிய ஜூனியர் ஸ்குவாஷ் போட்டியில் இந்திய ஆடவர் அணி இரண்டாவது முறையாக தங்கப் பதக்கம் வென்றது . ஆசிய ஜூனியர் ஸ்குவாஷ் போட்டி ஹாங்காங்கில் நடைபெற்றது . இந்தப் போட்டியின் இறுதி ஆட்டத்தில் இந்திய அணி 2 - 0 என்ற கணக்கில் மலேசிய அணியைத் தோற்கடித்தது . இந்தப் போட்டியின் முதல் ஆட்டத்தில் இந்தியாவின் செந்தில் வேலவன் 12 - 10,11 - 0,11 - 2 என்ற நேர் செட்களில் மலேசியாவின் ஆங் சாய் ஹன்னை தோற்கடித்தார் . \ இரண்டாவது ஆட்டத்தில் இந்தியாவின் அபய் சிங் 10 - 12,7 - 11,11 - 5,14 - 12,11 - 6 என்ற செட் கணக்கில் மலேசியாவின் டேரன் ராகுலைத் தோற்கடித்தார் . இதன்மூலம் ஆசிய ஜூனியர் ஸ்குவாஷ் போட்டியில் இரண்டாவது முறையாக தங்கப் பதக்கத்தைக் கைப்பற்றியுள்ளது இந்தியா . முன்னதாக 2011 - இல் இந்தியா , பாகிஸ்தானை வீழ்த்தி சாம்பியன் ஆனது குறிப்பிடத்தக்கது .

கடந்த சில நாட்களுக்கு முன்பாக அமமுகவிலிருந்து திமுக . , வில் இணைந்த , ' மாஜி ' அமைச்சர் செந்தில் பாலாஜி , மாவட்டச் செயலரை , ' கழற்றி ' விட்டு , தனியாக சென்று , தி . மு . க . , நிர்வாகிகளை சந்தித்து வருகிறார் . கொங்கு மண்டலத்தில் , வலுவான நிர்வாகிகள் இல்லாமல் , திமுக . , தடுமாறி வந்தது திமுக , அதுவும் , கரூர் மாவட்டத்தில் , திறமையான நிர்வாகிகள் இன்றி தவிப்பதால் , இழுக்கப்பட்டவர் தான் , சுறுசுறுப்பாக வேலை செய்யும் பணபலம் , செல்வாக்கு மிக்க ஒரு இளம் அரசியல்வாதியான முன்னாள் அமைச்சர் செந்தில் பாலாஜி . நேற்று முதல் , கரூர் நகரம் , பேரூராட்சி , ஒன்றிய நிர்வாகிகளை , செந்தில் பாலாஜி சந்தித்து வருகிறார் . ஆனால் , தன்னுடன் , மாவட்டச் செயலர் ராஜேந்திரனை அழைத்து செல்லவில்லை . இது குறித்து , தி . மு . க . , நிர்வாகிகள் கூறியதாவதுஃஎங்கள் கட்சியில் , மாவட்டச் செயலர் பதவி , பலம் வாய்ந்தது . அவர் இல்லாமல் எந்த நிகழ்ச்சியையும் நடத்த முடியாது . நன்னியூர் ராஜேந்திரன் செயல்பாடுகளால் , கட்சி தேயத் தொடங்கியதால் , அவரை மாற்ற வேண்டும் என , தலைமை முடிவு செய்தது . இந்நிலையில் , செந்தில் பாலாஜியின் வருகை , ஸ்டாலினுக்கு பெரிய நம்பிக்கையை தந்தது . தலைமையின் உத்தரவுப்படி , கொங்கு மண்டலம் முழுவதையும் , தன் கட்டுப்பாட்டில் கொண்டு வரும் வேலையை , செந்தில் பாலாஜி துவக்கி விட்டார் . அதனால் தான் , கரூர் மாவட்டத்துக்கு அப்பாற்பட்டு , கொங்கு மண்டலத்துக்கு உட்பட்ட பிற மாவட்டங்களில் உள்ள முக்கிய நிர்வாகிகளையும் , கவுண்டர் சமூக பிரபலங்களையும் சந்தித்து வருகிறார் . மாற்றுக் கட்சியில் இருந்து முக்கியமானவர்கள் வந்து இணைந்தால் , மாவட்டச் செயலர் தலைமையில் , அறிமுக நிகழ்ச்சி நடத்த வேண்டும் என்ற நடைமுறையை , செந்தில் பாலாஜி மாற்றி உள்ளார் . ராஜேந்திரனை ஓரங்கட்டி , மாவட்டம் முழுவதும் தனித்தே சென்று , கட்சி நிர்வாகிகளை சந்தித்து வருகிறார் இவ்வாறு கூறுகின்றனர் . அதிமுகவில் சரி , தனியாக பிரிந்து வந்து தொடங்கப்பட்ட அமமுகவிலும் தினகரன் பெரிதாய் நம்பிக்கை வைத்தவர்களில் முக்கியமானவர் செந்தில்பாலாஜி . அதுமட்டுமல்ல செந்தில் பாலாஜி என்னுடைய கம்பியூட்டர் என சொல்லும் அளவிற்கு திறமை சாலி , இளைஞர் என்றாலும் கூட மிக தேர்ந்த அரசியல்வாதி அவர் . ஜெயலலிதா இருந்த போது சில மூத்த மந்திரிகளுக்கு சிக்கல் வந்தபோது மிக சாதுர்யமாக அதை தீர்த்து வைத்தது செந்தில்தான் . அதுமட்டுமல்ல , சைலண்ட்டாக வாயே திறக்காமல் வேலையை முடிப்பார் . அப்படிப்பட்ட செந்தில் பாலாஜி இப்போது கொங்கு மண்டலத்தில் தனி சாம்ராஜ்யம் அமைக்க தீயா வேலை பார்த்து வருவது திமுகவின் பழைய கைகளை கலக்கத்தில் ஆழ்த்தியுள்ளது .

தினம் ஒரு கருத்தை சொல்லவேண்டும் என்பதற்காக ஸ்டாலின் திரித்து கருத்து கூறி வருவதாக பா . ஜ . க . மாநில தலைவர் தமிழிசை சவுந்திரராஜன் குற்றம் சாட்டியுள்ளார் . மத்திய அரசு ஏஜென்சிகளை அனுப்பி மாநில அரசின் நிர்வாகத்தை நிலை குலைய செய்வதாகவும் , ராம மோகன்ராவுக்கு மீண்டும் பதவி வழங்கியது குறித்து பா . ஜ . க கேள்வி எழுப்பாதது ஏன் எனவும் திமுக செயல்தலைவர் ஸ்டாலின் குற்றம் சாட்டியிருந்தார் . இந்நிலையில் , பா . ஜ . க மாநில தலைவர் தமிழிசை சவுந்திரராஜன் செய்தியாளர்களை சந்தித்தார் . அப்போது அவர் கூறியதாவது : தினம் ஒரு கருத்தை சொல்லவேண்டும் என்பதற்காக ஸ்டாலின் திரித்து கருத்து கூறுகிறார் . ஒரு குழந்தை கூட நம்பாது என்றாலும் குழப்பத்தை ஏற்படுத்தவே ஸ்டாலின் கருத்து தெரிவித்து வருகிறார் . பா . ஜ . கவுக்கு எதிராக கருத்து கூற வேண்டும் என்பதற்காக அதிமுகவுக்கு ஆதரவராக கருத்துகளை கூறி வருகிறார் . இவ்வாறு தமிழிசை தெரிவித்துள்ளார் .

சென்னை ஆளுநர் மாளிகையில் முன்னாள் முதலமைச்சர் பன்னீர்செல்வம் துணை முதலமைச்சராக பதவி ஏற்றுக்கொண்டார் . அவருக்கு தமிழக பொறுப்பு ஆளுநர் வித்யாசாகர் ராவ் பதவி பிரமானம் செய்து வைத்தார் . நீண்ட நாட்களாக இழுக்கடிக்கப்பட்டு வந்த அதிமுக அணிகள் இணைப்பு இன்று நிறைவேறியுள்ளது . 6 மாத இடைவெளிக்கு பிறகு தலைமை அலுவலகம் வந்த பன்னீர் எடப்பாடியுடன் சேர்ந்து அணி இணைப்பை உறுதி செய்தார் . இதையடுத்து புதிய அமைச்சரவை பட்டிலை ஆளுநர் மாளிகை வெளியிட்டது . அதில் , ஓ . பன்னீர்செல்வத்துக்கு துணை முதலமைச்சர் பதவி அளிக்கப்பட்டுள்ளது . மேலும் நிதித்துறை மற்றும் வீட்டு வசதித்துறை இலாகாக்கள் வழங்கப்பட்டுள்ளன . ஜெயக்குமார் , உடுமலை ராதாகிருஷ்ணனிடம் இருந்த நிதி மற்றும் வீட்டு வசதித்துறை பறிக்கப்பட்டுள்ளது . செங்கோட்டையன் , சேவூர் ராமசந்திரனிடம் இருந்த பொறுப்புகள் தற்போது மாஃபா . பாண்டியராஜனுக்கு ஒதுக்கப்பட்டுள்ளது . தொல்லியல் மற்றும் தமிழ் வளர்ச்சித்துறை அவருக்கு ஒதுக்கப்பட்டுள்ளது . சிவி . சண்முகத்துக்கு , சுரங்கம் மற்றும் கனிவளத்துறை வழங்கப்பட்டுள்ளது . ராதாகிருண்னுக்கு கால்நடை துறை வழங்கப்பட்டுள்ளது என கூறியிருந்தது . அதன்படி இன்று சென்னை ராஜ்பவனில் ஆளுநர் வித்யாசாகர் ராவ் பன்னீர்செல்வத்திற்கு துணை முதல்வராக பதவி பிரமானம் செய்து வைத்தார் . இதனால் தொண்டர்கள் மிக உற்சாகத்தில் திழைத்துள்ளனர் .

அதிகாரப் பசியின் காரணமாக எதிர்க்கட்சிகள் நம்பிக்கையில்லா தீர்மானத்தை கொண்டுவந்துள்ளதாக குற்றம்சாட்டிய பிரதமர் மோடி , . பிரதமர் நாற்காலிக்கு என்ன அவசரம் ? ஜனநாயகத்தில் எந்த அவசரமும் இல்லை என்றும் இந்த நாற்காலிக்கு யார் தகுதியானவர்கள் என்பதை மக்கள்தான் தீர்மானிப்பார்கள் என்றும் பேசினார் . . மத்திய அரசு மீது தெலுங்கு தேசம் கட்சி கொண்டு வந்த நம்பிக்கையில்லா தீர்மானத்தின் மீதான விவாதம் இன்று காலை முதல் நடைபெற்றது . சிவசேனா , பிஜு ஜனதா தளம் கட்சிகள் விவாதத்தை புறக்கணித்து விட்டன . மசோதா மீதான விவாதத்தில் பங்கேற்றுப் பேசிய காங்கிரஸ் தலைவர் ராஜிவ் காந்தி , மோடி மீதும் பாஜக அரசு மீதும் அடுக்கடுக்கான குற்றச்ச்ட்டுகளை சுமத்தினார் . நீண்ட விவாதத்துக்குப் பிறகு இரவு 9.30 மணிக்கு பிரதமர் மோடி பதிலளித்துப் பேசினார் . அப்போது நாட்டுக்கு வளர்ச்சி வேண்டாம் என எதிர்க்கட்சியினர் நினைக்கின்றனர் . அதனால் வளர்ச்சிக்கான யுத்தம் நடந்து வருகிறதோ என தனக்கு தோன்றுவதாக தெரிவித்தார் . எதிர்க்கட்சிகளுக்கு பெரும்பான்மை இல்லாத நிலையில் தோல்வியடைந்து விடுவோம் என தெரிந்தே எனது அரசு மீது நம்பிக்கையில்லா தீர்மானம் கொண்டு வந்துள்ளனர் . இன்று நடந்த விவாதம் மூலம் எதிர்க்கட்சிகளின் எண்ணம் வெளிச்சத்திற்கு வந்துள்ளது . தேசத்தின் வளர்ச்சிக்காக அனைவரும் ஓன்றிணைந்த செயல்பட வேண்டும் என்பதே எனது எண்ணம் என மோடி குறிப்பிட்டார் . . என்னை பிரதமர் நாற்காலியில் உட்கார வைத்தது 125 கோடி மக்கள் . ஆனால் அதிகார பசியின் காரணமாக எதிர்க்கட்சிகள் இந்த நம்பிக்கையில்லா தீர்மானத்தை கொண்டுவந்துள்ளனர் என நினைக்கிறேன் . என குறிப்பிட்டார் . இங்குள்ள சிலர் பிரதமராக வரவேண்டும் என ஆசைப்படுகின்றனர் . இது நம்பிக்கையில்லா தீர்மானம் அல்ல எதிர்க்கட்சிகளின் ஆணவத்தின் வெளிப்பாடு . எதிர்க்கட்சிகள் எதிர்மறை அரசியல் செய்கின்றனர் . தான் பிரதமராக வேண்டும் என்பதற்காக ராகுல் எதிர்க்கட்சிகளை ஒன்றிணைக்கிறார் என மோடி தெரிவித்தார் . ராகுல் பிரதமராக ஏன் அவசரப்படுகிறார் . பிரதமர் இருக்கைக்கு வர அவ்வளவு அவசரமா என கூறிய பிரதமர் ராகுலை கிண்டல் அடித்து நடித்து காண்பித்தார் . தொடர்ந்து மோடி பேசி வருகிறார்

இந்திய சினிமாவே எதிர்பார்த்து காத்துக்கொண்டிருந்த பாகுபலி 2 திரைப்படம் நாளை உலகம் முழுவதும் திரையிடப்படவுள்ளது . அனைத்து இடங்களிலும் எந்த தடையும் இல்லாமல் ரிலீஸ் செய்யவுள்ள பாகுபலி 2 திரைப்படத்திற்கு . தமிழில் மட்டும் திரையிடக்கூடாது என கார்த்திக் என்பவர் சென்னை ஐகோர்ட்டில் வழக்கு ஒன்றை தொடர்ந்தார் . இந்த வழக்கில் , பாகுபலி 2 , திரைப்படத்தின் தமிழ் உரிமையை பெற்ற கே தயாரிப்பு நிறுவனம் , தன்னிடம் வாங்கிய ரூ . 1 . 48 கோடியை வட்டியுடன் திருப்பி செலுத்தினால் மட்டுமே படத்தை திரையிட வேண்டுமென்றும் , மேலும் படத்தின் அனைத்து உரிமையையும் முடக்க வேண்டுமென்றும் வழக்கு தொடர்ந்தார் . இந்த வழக்கை விசாரித்த , ஐகோர்ட் நீதிபதி , திரைப்படத்தை வெளியிடுவதற்கு தடை விதிக்க முடியாது என்று கூறியுள்ளார் . மேலும் படத்தின் உரிமைப்பற்றிய வழக்கை நாளைக்கு ஒத்தி வைத்துள்ளதாக தீர்ப்பளித்துள்ளார் . இதனால் கண்டிப்பாக நாளை பாகுபலி 2 திரைப்படம் ரிலீஸாவது உறுதி செய்யப்பட்டுள்ளது .

கர்நாடகாவில் இன்று நடந்திருக்கும் இந்த அரசியல் மாற்றத்தை , ஒட்டு மொத்த இந்தியாவே வியந்து பார்த்துக் கொண்டிருக்கிறது . பா . ஜ . க 104 இடங்களில் ஜெயித்தும் கர்நாடகாவில் ஆட்சியை கைப்பற்ற முடியாமல் போய்விட்டது . பா . ஜ . க - வின் இந்த தோல்வியை தான் நாங்கள் எதிர்பார்த்தோம் . என்பது போல பல்வேறு அரசியல் பிரபலங்களும் தங்கள் கருத்துக்களை ஊடகங்களில் தெரிவித்து வருகின்றனர் . ”மக்கள் நீதி மய்யம்” கட்சியின் நிறுவனரும் நடிகருமான கமலஹாசனும் , அதே போன்றதொரு டிவிட்டர் பதிவை வெளியிட்டிருக்கிறார் . அதில் ”கர்நாடகத்தில் தோன்றியிருக்கும் ஜனநாயக ஒளி , தேசமெங்கும் பரவட்டும் . வாழிய பாரத மணித்திருநாடு” என கூறியிருக்கிறார் . மேலும் அவர் ”ஜனநாயாகத்திற்கு உங்களை வரவேற்கிறேன் . கர்நாடகத்தின் முதலமைச்சரை வாழ்த்துவதில் பெருமைப்படுகிறேன் . நான் காத்திருந்ததை எண்ணி மகிழ்ச்சியடைகிறேன்” என கூறியிருக்கிறார் .

நீங்கள் 50 வயதைக் கடக்காதவர் என்றால் சற்றும் யோசிக்காமல் இந்த செய்தியைக் கடந்து சென்றுவிடலாம் . தமிழ் சினிமாவின் அற்புதமான காவியங்களுல் ஒன்றான ‘தில்லானா மோகனாம்பாள்’ படத்தின் 50 வது பொன்விழா ஆண்டு இது . இதை கவுரவிக்கும் பொருட்டு சென்னை வாணி மஹாலில் சிறப்பு நிகழ்ச்சி ஒன்றை நடத்துகிறார் சிவாஜியின் தீவிர ரசிகரான நடிகர் ஒய் . ஜி . மகேந்திரன் . சிக்கல் சண்முகசுந்தரமாக நடிகர் திலகம் சிவாஜி கணேசனும் , பரதநாட்டியக்காரி மோகனாவாக நாட்டியப்பேரொளி பத்மினியும் நடிப்புக்கு இலக்கணம் சொல்லித்தந்த படம் ‘தில்லானா மோகனாம்பாள்’ . இன்னொரு பக்கம் நாகேஷும் மனோரமாவும் , டி . எஸ் . பாலையாவும் தங்கள் வாழ்நாளின் சிறந்த பாத்திரங்களை ஏற்றிருந்த படமாகவும் ‘தில்லானா மோகனாம்பாள்’ திகழ்ந்தது . 1968ல் வெளியாகி தமிழ்சினிமாவின் மாபெரும் கொண்டாட்டமாக அமைந்த படம் இது . கொத்தமங்கலம் சுப்புவின் நாவலை மிக அற்புதமாக ஏ . பி . நாகராஜன் இயக்கியிருந்தார் . இந்தப்படத்தின் மலிவுப்பதிப்புதான் கங்கை அமரன் இயக்கத்தில் வெளிவந்த , தமிழ்சினிமாவின் அத்தனை வசூல் ரெகார்டுகளையும் தகர்த்த ‘கரகாட்டக்காரன்’ . கே . வி . மகாதேவனின் இசையமைப்பில் நெஞ்சை அள்ளும் ‘நலம்தானா . . . ’ , ‘மறைந்திருந்தே பார்க்கும் மர்மம் என்ன . . . ’ உள்ளிட்ட பாடல்களும் இன்றளவும் பிரசித்தம் . இந்த அரிய படத்துக்கு விழா எடுக்கும் பெருபேறை அப்பாஸ் கல்சுரல் அகாடமியுடன் இணைந்து ஒய் . ஜி . மகேந்திரன் தட்டிச்செல்கிறார் . நாளை மாலை வாணி மகாலில் மாலை 6 மணி முதல் இரவு 10 மணி வரை நடக்கும் இந்நிகழ்ச்சியில் ‘தில்லாமோகனாம்பாள்’ படத்தில் நடித்த மூத்த கலைஞர்கள் சிலர் கவுரவிக்கப்படுகிறார்கள் . அப்படத்தில் இடம்பெற்ற பாடல்களும் , நாதஸ்வர தவில் கச்சேரிகளும் இசைக்கப்படுகின்றன . நடுவில் படத்தின் முக்கியமான சில காட்சிகளும் ஒளிபரப்பப்படுகின்றன . பரபரப்பான ‘சர்கார்’ பட ரிலீஸ் சமயத்தில் இந்த நிகழ்ச்சியைப் பார்க்கவும் ஆட்கள் இருக்கிறார்களா என்று தெரிந்துகொள்ள நாளை வாணிமகாலுக்கு ஒரு விசிட் அடிக்கவேண்டும் .

தமிழில் வெளியாகும் அதே தேதியில் ‘பேட்ட’ தெலுங்கு டப்பிங் படத்தையும் ரிலீஸ் செய்ய முடிவெடுத்ததால் தியேட்டர்கள் எதுவும் கிடைக்காமல் தெலுங்குப் பட விநியோகஸ்தர் திணறி வருவதாக தகவல்கள் வருகின்றன . ஆந்திரா , தெலங்கானா மாநிலங்களிலும் ரஜினியின் ‘பேட்ட’ படம் அதே தேதியில் ரிலீஸாகிறது . எஸ் எண்டர்பிரைசஸ் சார்பில் கே . சுதாகர் வெளியிடுகிறார் . நமக்கு பொங்கல் எவ்வளவு முக்கியமான பண்டிகையோ அந்த அளவுக்கு ஆந்திர மக்களுக்கு சங்கராந்தி . இந்த சங்கராந்தியை ஒட்டி ஆந்திரா . தெலங்கானாவில் ‘என் . டி . ஆர் கதாநாயகடு’ , ராம் சரணின் ‘விதய விநய ராமா’வருண் தேஜின் ‘எஃப் 2’ ஆகிய முக்கியமான மூன்று படங்கள் ரிலீஸாகின்றன . இந்த மூன்று படங்களுக்கும் தியேட்டர்கள் போட்ட பிறகுதான் ‘பேட்ட’ படத்துக்கு தியேட்டர்கள் கிடைக்கும் என்கிற நிலையில் ரஜினி படத்தின் விநியோகஸ்தர் எவ்வளவோ முயன்றும் மிகவும் சொற்பமான தியேட்டர்களே கிடைத்துள்ளனவாம் . ஆனால் இதற்கு நேரெதிராக கர்நாடக மாநிலத்தில் ஒரு நேரடிப்படம் ரிலீஸாகிற அளவுக்கு 350க்கும் மேற்பட்ட தியேட்டர்களில் ரிலீஸாகவிருக்கிறதாம் ‘பேட்ட்’ .

‘அடிச்சும் கேப்பானுங்க . அப்பவும் எதுவும் சொல்லீராதிங்க’ என்று , குடும்பத்துடன் கோவா செல்லும்போது , அஜீத் சொல்லிவிட்டுப்போனாரோ என்னவோ , இதுவரை ‘விஸ்வாஸம்’ ரிலீஸ் குறித்து மூச் விடாமல் தொடர்ந்து பிடிவாத மவுனம் சாதிக்கிறார் இயக்குநர் சிவா . தன் படங்கள் குறித்து எதுவும் பேசாமல் பன்னெடுங்காலமாகவே மீடியாவிலிருந்து பல்லாயிரக்கணக்கான மைல்கள் ஒதுங்கியிருக்கும் அஜீத் , சமீபகாலமாக அப்படம் சம்பந்தப்பட்ட யாருமே படம் குறித்து வாயைத்திறந்து எதுவும் பேசக்கூடாது என்று எதிர்பார்க்கிறார் . இதன் ரிசல்ட்டே சமீபத்தில் ’தல59’ படம் குறித்து அதன் இயக்குநர் விநோத் போட்ட ட்விட்டுக்கு கிடைத்த ரிவீட்டு என்கிறது தல வட்டாரம் . இந்நிலையில் விஸ்வாஸம் பொங்கலுக்கு ரிலீஸாவது சந்தேகமே என்னும் செய்தியை ஊர்ஜிதம் செய்யும் விதமாக அப்பட பாடலாசிரியர் விவேகா ட்வீட் ஒன்றைப்போட்டுள்ளார் . அதில் ‘விஸ்வாஸம்’ படத்துக்காக 6 வது பாடலாக மெலடி ஒன்றை ரெகார்ட் செய்ய ஆரம்பித்திருக்கிறோம் . பாடல் சூப்பராக வந்திருக்கிறது என்று மட்டுமே போட்டிருக்கிறார் . படம் முடிந்த பிறகு இன்னொரு பாடல் எதற்கு ? ரிலீஸ் இன்னும் கொஞ்ச நாள் தள்ளிப்போகுது . அதுவரைக்கும் சும்மா இருக்காம எதையாவது பண்ணிக்கிட்டு இருங்க’ என்று தயாரிப்பாளர் கேட்டுக்கொண்டதால் இருக்குமோ ?

ஆசிய அணிகளுக்கான பாட்மிண்டன் சாம்பியன்ஷிப் போட்டியில் இந்தியா மகளிரணி காலிறுதிக்கு முன்னேறி அசத்தியது . ஆசிய அணிகளுக்கான பாட்மிண்டன் சாம்பியன்ஷிப் போட்டியில் ஜப்பானுக்கு எதிரான மகளிர் ஒற்றையர் சுற்று ஒன்றில் இந்தியாவின் பி . வி . சிந்து 21 - 19,21 - 15 என்ற நேர் செட்களில் உலகின் 2 - ஆம் நிலை வீராங்கனையான அகானே யமாகுசியை வீழ்த்தினார் . உலகின் 4 - ஆம் நிலை வீராங்கனையான சிந்து , இத்துடன் யமாகுசியை 8 முறை சந்தித்துள்ள நிலையில் தனது 5 - வது வெற்றியை பதிவு செய்துள்ளார் . இந்த ஆட்டம் 36 நிமிடங்களில் முடிவுக்கு வந்தது என்பது குறிப்பிடத்தக்கது . மற்றொரு ஒற்றையர் ஆட்டத்தில் உலகின் 13 - ஆம் நிலை வீராங்கனையான சயாகா சாடோ 21 - 12,21 - 10 என்ற செட்களில் இந்தியாவின் ஸ்ரீ கிருஷ்ணப் பிரியா குதரவள்ளியை வீழ்த்தினார் . மற்றொரு இந்தியரான அஸ்வினி பொன்னப்பாவை 14 - 21,12 - 21 என்ற செட்களில் உலகின் 16 - ஆம் நிலை வீராங்கனையான அயா ஒஹோரி வீழ்த்தினார் . இரட்டையர் பிரிவில் சன்யோகிதா கோர்படே - பிரஜக்தா சாவந்த் இனை 17 - 21,17 - 21 என்ற செட்களில் ஷிஹோ டனகா - கோஹாரு யோனேமோடோ இணையிடம் வீழ்ந்தது . அதேபோல , அஸ்வினி பொன்னப்பா - சிக்கி ரெட்டி ஜோடியும் 18 - 21,18 - 21 என்ற செட்களில் மிசாகி மட்சுடோமோ - அயாகா டகாஹாஷி இணையிடம் வீழ்ந்தது .

இந்தியாவின் தலைசிறந்த இயக்குநர்களில் ஒருவரும் பத்ம பூஷன் , தாதா சாகேப் விருதுகள் பெற்றவருமான மிருனாள் சென் இன்று காலை 10.30 மணி அளவில் கொல்கட்டாவில் காலமானார் . அவருக்கு வயது 95 . ‘மிருகயா’ படத்தின் மூலம் உலகம் முழுமையும் அறியப்பட்ட மிருனாள் சென் 1955ம் ஆண்டு ‘ராத் போர்’ படத்தின் மூலம் இயக்குநராக அறிமுகமானார் . மலைவாழ் மக்களை முதலாளிகள் எப்படி சுரண்டு கொழுக்கிறார்கள் என்று தத்ரூபமாகக் காட்டப்பட்ட மிருகயா படத்தில் தான் மிதுன் சக்கரவர்த்தி அறிமுகமானார் என்பது குறிப்பிடத்தக்கது . அழகுணர்ச்சிக்கு முதலிடம் தந்து தத்துவ விசாரணைகளை படமாக்கி வந்த சென் 12க்கும் மேற்பட்ட சர்வதேச விருதுகளை வென்றவர் . பெங்காலி இந்தி மொழிகளில் அதிகப்படங்கள் இயக்கிய சென் ‘ஒக ஊரி கதா என்ற ஒரே ஒரு தெலுங்குப் படத்தையும் இயக்கியுள்ளார் . இவரது மறைவுக்கு தனது ட்விட்டர் பக்கத்தில் இரங்கல் செய்தி வெளியிட்ட மேற்கு வங்க முதல்வர் மம்தா பானர்ஜி . . . மிருனாள் சென்னின் மறைவு செய்தி கேட்டு மிகவும் துயருற்றேன் . அன்னாரது இழப்பு திரையுலகுக்கு ஈடுசெய்ய முடியாத இழப்பாகும் . அவரது குடும்பத்தினருக்கு எனது ஆழ்ந்த இரங்கலைத் தெரிவித்துக்கொள்கிறேன்’ என்று பதிவிட்டுள்ளார் .

கிரிக்கெட்டில் பல்வேறு சாதனைகளை தோனி செய்துள்ளார் . மூன்றுவிதமான ஐசிசி சாம்பியன்சிப்பையும் வென்ற ஒரே கேப்டன் என்ற பெருமைக்கு சொந்தக்காரர் தோனி . சர்வதேச கிரிக்கெட் மற்றும் ஐபிஎல் என அனைத்து வகையான கிரிக்கெட்டிலும் சாதனைகளை புரிந்துள்ளார் . தற்போது ஐபிஎல் கேப்டனாக தோனி , புதிய மைல்கல்லை எட்டியுள்ளார் . இதுவரை நடந்து முடிந்துள்ள ஐபிஎல் 10 சீசன்களில் 8 சீசனில் சென்னை அணிக்கும் ஒரு தொடரில் புனே அணிக்கும் கேப்டனாக செயல்பட்டுள்ளார் . சென்னை அணிக்கு 2 முறை ஐபிஎல் கோப்பையை வென்று கொடுத்துள்ளார் . இரண்டு ஆண்டு கால தடைக்கு பிறகு இந்த சீசனில் கலந்துகொண்டு சென்னை அணி சிறப்பாக செயல்பட்டு வருகிறது . இந்தமுறையும் தோனி தான் கேப்டன் . தோனியின் கேப்டன்சியில் 7 போட்டிகளில் 5ல் வெற்றி பெற்றுள்ளது . சென்னை அணியின் கேப்டன் தோனி , நேற்றைய மும்பைக்கு எதிரான போட்டிக்கு கேப்டன்சி செய்ததன் மூலம் புதிய மைல்கல்லை எட்டியுள்ளார் . நேற்றைய போட்டிக்கு ஐபிஎல் தொடரில் தோனிக்கு கேப்டனாக 150வது போட்டி . இதன்மூலம் ஐபிஎல் தொடரில் 150 போட்டிகளுக்கு கேப்டனாக செயல்பட்ட முதல் வீரர் என்ற பெருமையை தோனி பெற்றுள்ளார் .

ஆஸ்திரேலியாவுக்கு எதிராக மெல்போர்னில் நடந்துவரும் மூன்றாவது டெஸ்ட் போட்டியில் இந்திய அணி முதல் இன்னிங்ஸை 443 ரன்களுக்கு டிக்ளேர் செய்தது . இந்திய அணியில் புஜாரா சதமடிக்க , மயன்க் , கோலி , ரோஹித் ஆகியோர் அரைசதம் அடித்தனர் . ஹனுமா விஹாரியை தவிர மற்ற அனைத்து பேட்ஸ்மேன்களுமே நல்ல பங்களிப்பை அளித்ததால் 443 ரன்களை குவித்தது இந்திய அணி . 7வது விக்கெட்டாக ஜடேஜாவை இழந்ததும் இந்திய அணி டிக்ளேர் செய்தது . இதையடுத்து முதல் இன்னிங்ஸை இரண்டாம் நாள் ஆட்டத்தின் கடைசி கட்டத்தில் தொடங்கிய ஆஸ்திரேலிய அணி , 6 ஓவர்கள் பேட்டிங் செய்து விக்கெட் இழப்பின்றி 8 ரன்கள் எடுத்தது . இந்திய அணியில் மிகவும் ஃபிட்டான வீரர் என்றால் அது கேப்டன் கோலி தான் . வேகமாக ரன் ஓடுவதில் வல்லவர் . ஃபீல்டர்கள் இல்லாத திசையில் அடித்துவிட்டு 2 ரன்கள் , 3 ரன்கள் என வேகமாக ஓடி சேர்ப்பது கோலியின் வழக்கம் . அதனால் கோலியுடன் மறுமுனையில் ஆடும் வீரருக்கு சிரமம்தான் . ஏனென்றால் தொடர்ச்சியாக 2 ரன்கள் , 3 ரன்கள் என்று ஓடிக்கொண்டேயிருப்பார் . அதனால் எதிர்முனையில் இருக்கும் வீரருக்கு சோர்வாகும் . கோலிக்கு அப்படியே எதிர்மறையானவர் புஜாரா . புஜாரா வேகமாக ஓடமாட்டார் . அடிக்கடி ரன் அவுட் ஆகக்கூடியவர் . ஆனால் இருவருமே சிறந்த பேட்ஸ்மேன்கள் என்பதாலும் அடுத்தடுத்து களமிறங்குவதாலும் டெஸ்ட் போட்டிகளில் இவர்கள் இருவரும்தான் பெரும்பாலும் நல்ல பார்ட்னர்ஷிப்பை அமைத்து ஆடுவர் . ஆஸ்திரேலியாவுக்கு எதிரான இந்த போட்டியிலும் அப்படித்தான் . இருவரும் நிதானமாக ஆடி ரன்களை சேர்த்தனர் . புஜாரா 106 ரன்களும் கோலி 82 ரன்களும் குவித்தனர் . மெல்போர்ன் டெஸ்டில் இந்திய அணியின் முதல் இன்னிங்ஸ் பேட்டிங்கின்போது பாட் கம்மின்ஸ் வீசிய 120வது ஓவரில் கோலி ஒரு ஃப்ளிக் ஷாட் அடித்துவிட்டு ஓடினார் . அப்போது மூன்று ரன்களை ஓடி முடித்துவிட்டு நான்காவது ரன்னுக்கான அழைப்பை விடுத்தார் . ஆனால் கோலி மூன்று ரன்களை முடித்த நிலையில் , அப்போதுதான் மூன்றாவது ரன்னை பாதி பிட்ச்சை தாண்டி ஓடி கொண்டிருந்தார் புஜாரா . அதனால் நான்காவது ரன்னுக்கான கோலியின் அழைப்பை ஏற்க மறுத்துவிட்டார் .

உள்ளூர் அரசியல் பகையால் செங்கோட்டையனை எதிர்க்கும் சத்யபாமா எம் . பி ஓபிஎஸ்சுடன் கைகோர்க்க உள்ளதால் பரபரப்பு ஏற்பட்டுள்ளது . ஈரோடு மாவட்ட அரசியலில் எதிரும் புதிருமானவர்கள் மூத்த அரசியல்வாதியான செங்கோட்டையனும் புதிய வரவான சத்யபாமா எம் . பியும் . சத்யபாமாவும் செங்கோட்டையனும் எதிரிகள் அல்ல . வெங்கடாசலத்துக்கும் கோபிசெட்டிபாளையம் கே . ஏ . செங்கோட்டயனுக்கும் இடையே உள்ள அரசியல் போரில் வெங்கடாசலத்துடன் இணைந்ததால் செங்கோட்டயனுக்கு எதிரியாகிப் போனார் சத்யபாமா . மேலும் சத்யபாமாவின் கணவர் வாசுதேவனை செங்கோட்டையன் தூண்டி விட்டு தனக்கெதிராக பேசவைக்கிறார் என ஆழமாக நம்புகிறார் சத்யபாமா . கோபி தொகுதியில் பழுத்த அரசியல்வாதியான செங்கோட்டையன் அப்பகுதி அதிமுக நிர்வாகிகளை தனது கட்டுபாட்டில் வைத்திருக்க நினைத்தார் . ஆனால் அதற்கு ஒட்டுமொத்தமாக ஆப்பு வைத்து விட்டார் அமைச்சராக இருந்த தோப்பு வெங்கடாசலம் கோபி நகர செயலாளர் மற்றும் நகர மன்ற தலைவராக இருந்த செய்யது புடான்சா செங்கோட்டையனுக்கு எதிராக அரசியல் செய்தார் . அவருடன் மிகவும் நெருக்கமானவர்தான் இந்த சத்யபாமா . கடந்த ஆட்சியில் 5 ஆண்டுகளாகவே சத்யபாமாவும் செய்யது புடான்சாவும் அமைச்சர் தோப்ப வெங்கடாசலத்துடன் சேர்ந்து செங்கோட்டையனுக்கு பெரும் குடைச்சல் கொடுத்து வந்தனர் . இந்த நிலையில் ஒதுக்கி வைக்கப்பட்டிருந்த செங்கோட்டையனுக்கு அதிமுக தலைமையிடமிருந்து அடித்தது ஜாக்பாட் . ஒதுக்கி வைக்கபட்டிருந்த செங்கோட்டையன் மீண்டு லைம் லைட்டுக்கு வந்ததால் இனி அரசியல் எதிர்காலம் கிடையாது என்பதை புரிந்து கொண்டார் சத்யபாமா . அதனால் எந்த நேரமும் ஓபிஎஸ்சிடம் சரணடைய அவர் காத்திருக்கிறாராம் . குறிப்பு : சத்யபாமா ஓபிஎஸ்சிடம் வருவதற்கு தற்போது இடைக்கால தடை போட்டிருப்பவர் அவரது அரசியல் குருவான தோப்பு வெங்கடாசலம் . பொறுத்திருந்து பார்க்கலாம் என்று அவர் கூறியதால் சற்று தாமதம் செய்கிறாராம் .

எஸ் . எஸ் . ராஜமெளலியின் ' பாகுபலி 2 ' என்ற பிரமாண்ட திரைப்படத்தை அடுத்து தமிழில் மீண்டும் மிக பிரமாண்டமாக தயாராகவுள்ள சரித்திர திரைப்படம் ' சங்கமித்ரா ' . இந்த திரைப்படத்தில் , ஜெயம் ரவி , ஆர்யா , ஸ்ருதிஹாசன் உள்பட பலர் நடிக்கவுள்ளதாக ஏற்கனவே இந்த திரைப்படத்தின் இயக்குனர் சுந்தர் சி கூறி இருந்தார் . ஏ . ஆர் . ரஹ்மான் இசையமைக்கும் இந்த படத்திற்கான ஆரம்பகட்ட பணிகள் கடந்த பல மாதங்களாக நடைபெற்று வரும் நிலையில் இன்று தொடங்கவுள்ள பிரான்ஸ் கேன்ஸ் திரைப்பட விழாவில் ' சங்கமித்ரா ' படம் அறிமுகமாகவுள்ளது . இந்த விழாவில் ' சங்கமித்ரா ' குழுவினர்களாகிய இயக்குநர் சுந்தர் . சி , ஜெயம் ரவி , ஆர்யா , ஸ்ருதிஹாசன் , கலை இயக்குநர் சாபுசிரில் , இசையமைப்பாளர் ஏ . ஆர் . ரஹ்மான் , தயாரிப்பாளர் முரளி ராமசாமி ஆகியோர் பங்கேற்கவுள்ளனர் . இந்நிலையில் கேன்ஸ் திரைப்பட விழாவில் பங்கேற்கும் அனைத்து நாடுகளின் திரையுலகினர்களுக்கும் ' சங்கமித்ரா ' படக்குழுவினர் இந்த படத்தைப் பற்றிய அறிமுகம் ஒன்றை அனுப்பியுள்ளார்கள் . அதில் ' சங்கமித்ரா ' பற்றி படக்குழுவினர் தெரிவித்திருப்பதாவதுஃ " சங்கமித்ரா 8 - ம் நூற்றாண்டில் நடக்கும் கதை . முதன்மை பாத்திரமான சங்கமித்ரா ஈடற்ற அழகி . அவளது ராஜ்ஜியத்தைக் காப்பாற்ற அவள் கடந்து வரும் சோதனைகளும் , துயரங்களுமே இந்தக் கதை . பல்வேறு ராஜ்ஜியங்கள் , பல்வேறு உறவுகளைப் பற்றிய இந்தக் கதை பிரம்மாண்டமாக சொல்லப்படவுள்ளது . தமிழ் திரைப்பட மகுடத்தில் ஒரு ரத்தினமாக ஜொலிக்க சங்கமித்ரா முயல்கிறது . தமிழ் என்ற தொன்மையான மொழிக்கு எங்கள் சமர்ப்பணம் . இது கற்பனைக் கதையே . இந்திய வரலாற்றில் அறியப்படாத சில அத்தியாயங்கள் சங்கமித்ராவின் மூலம் திரையில் அழகாக விரியும் . சங்கமித்ரா இரண்டு பாகங்களாக வெளியாகும் " இவ்வாறு படக்குழுவினர் தெரிவித்துள்ளனர் .

ஹர்பஜன் சிங் தன்னை குரங்கு என்று அழைத்ததற்கு பிறகு தான் தனது கிரிக்கெட் வாழ்க்கை முடிவுக்கு வந்ததாகவும் தான் குடிகாரனாக ஆனதற்கும் அதுதான் காரணம் என்றும் ஆஸ்திரேலிய அணியின் முன்னாள் ஆல்ரவுண்டர் ஆண்ட்ரூ சைமண்ட்ஸ் பகிரங்கமாக குற்றம்சாட்டியுள்ளார் . பாண்டிங் தலைமையிலான ஆஸ்திரேலிய அணி கிரிக்கெட் உலகில் ஆதிக்கம் செலுத்திய காலத்தில் அந்த அணியின் சிறந்த ஆல்ரவுண்டராக இருந்தவர் ஆண்ட்ரூ சைமண்ட்ஸ் . சைமண்ட்ஸ் சர்ச்சைகளுக்கும் சொந்தக்காரர் . இவர் 2008ம் ஆண்டு நடந்த சம்பவத்தை மீண்டும் நினைவுகூர்ந்து சர்ச்சையை கிளப்பியுள்ளார் . 2007 - 08ம் ஆண்டில் ஆஸ்திரேலியாவிற்கு சுற்றுப்பயணம் செய்த இந்திய அணி , கும்ப்ளே தலைமையில் டெஸ்ட் போட்டிகளில் ஆடியது . அந்த தொடரில் நடுவர்களின் தவறான முடிவுகளால் இந்திய அணி தொடரை இழக்க நேரிட்டது . அந்த தொடர் முழுவதும் 14 தீர்ப்புகள் இந்திய அணிக்கு எதிராக நடுவர்களால் வழங்கப்பட்டது . அதில் சுமார் 10 தவறான தீர்ப்புகள் சைமன்ட்ஸுக்கு சாதமாக வழங்கப்பட்டவை . சைமண்ட்ஸுக்கு 10 முறை அவுட் வழங்கப்படவில்லை . இந்நிலையில் , அந்த நேரத்தில் அம்பயரின் தவறான முடிவுகள் குறித்த சர்ச்சை கிளம்ப , அதை அடக்கும் விதமாக வேறு ஒரு சர்ச்சையை கிளப்பிவிட்டனர் ஆஸ்திரேலிய வீரர்கள் . அது சைமண்ட்ஸ் செய்த காரியம்தான் . தன்னை ஹர்பஜன் சிங் மங்கி ( குரங்கு ) என்று அழைத்ததாக குற்றம்சாட்டினார் . இந்த சர்ச்சை வெடித்தது . இந்த பிரச்னையை சச்சின் தலையிட்டு சுமூகமாக முடித்துவைத்தார் . இந்த பிரச்னை சுமூகமாக முடியவில்லை என்றால் , தொடரை பாதியில் முடித்துக்கொண்டு இந்திய அணியை நாடு திரும்பச்செய்ய பிசிசிஐ தயாராக இருந்த நிலையில் , அந்த பிரச்னையை முடித்துவிட்டது ஆஸ்திரேலியா . ஆனால் சைமண்ட்ஸை குரங்கு என்று அழைக்கவில்லை என்று ஹர்பஜன் சிங் மறுத்தார் . அந்த பிரச்னை அத்துடன் முடிந்துவிட்டது . அதன்பிறகு குடி மற்றும் ஒழுங்கீன செயல்பாடுகளின் காரணமாக சைமண்ட்ஸ் அணியிலிருந்து தூக்கி எறியப்பட்டார் . அதன்பிறகு ஐபிஎல்லில் ஹர்பஜன் சிங்குடன் இணைந்து ஆடியுள்ள சைமண்ட்ஸ் மீண்டும் தற்போது அந்த விவகாரத்தை கிளப்பியுள்ளார் . ஹர்பஜன் சிங் தன்னை அந்த ஒருமுறை மட்டும் குரங்கு என்று கூறியதில்லை . இந்தியாவில் ஆடியபோதும் ஒன்றிரண்டு முறை அதேபோல் என்னை குரங்கு என்று அழைத்துள்ளார் . அவர் என்னை குரங்கு என்று அழைத்ததன் பிறகு எனது கிரிக்கெட் வாழ்க்கையே முடிவுக்கு வந்தது . அதிகமாக குடிக்க ஆரம்பித்தேன் . அதனால் குடும்ப வாழ்க்கையிலும் பிரச்னை வந்தது . நான் அதிகமாக குடித்ததற்கு ஹர்பஜன் சிங் தன்னை குரங்கு என்று அழைத்ததுதான் காரணம் என்பதாக கூறியுள்ளார் . சைமண்ட்ஸ் . 10 ஆண்டுகளுக்கு முன்பு நடந்த பிரச்னையை இன்னும் பேசிவருகிறார் சைமண்ட்ஸ் .

பெரும் பஞ்சாயத்துகளுக்கு மத்தியில் நேற்று வெள்ளியன்று ரிலீஸான ஆறு படங்களில் சிவகார்த்திகேயனின் ‘கனா’வும் , ஜெயம் ரவியின் ‘அடங்க மறு’ ஆகிய இரு படங்கள் மட்டுமே வசூல் ரீதியாகவும் , ரிப்போர்ட் ரீதியாகவும் தேறியுள்ளன . இந்த ரேசில் எடுத்த எடுப்பில் பலத்த அதிர்ச்சியோடு படுதோல்வியை சந்தித்த படம் விஜய் சேதுபதியின் ‘சீதக்காதி’ . அவரது 25 வது படம் என்று விளம்பரம் செய்யப்பட்ட படத்தில் விஜய்சேதுபதி 25 நிமிடங்கள் வராதது ஒருபுறமிருக்க , அவரது போர்ஷன்கள் படு திராபையாக இருந்தன . அடுத்த அடி வாங்கியவர் திருவாளர் தனுஷ் . நல்ல படங்கள் செய்துகொண்டிருக்கும் போதே நடுவில் அவ்வப்போது ‘மாரி2’ போன்ற குப்பைகள் வழங்குவது தனுஷின் வழக்கம் . ஜெயம் ரவியின் ‘அடங்க மறு’ பழிவாங்கும் மசாலா என்றாலும் இரண்டாம் பாதியில் ரசிகர்களைக் கட்டிப்போடும் திரைக்கதையால் ஓரளவு தப்பிப் பிழைத்திருக்கிறது . இதற்கு அடுத்த இடத்தில் சவலைப் பிள்ளை போல் இறங்கியிருக்கும் ‘சிலுக்குவார்பட்டி சிங்கம்’ சின்ன பட்ஜெட் படம் என்கிற வகையில் பெரிய ஆபத்தில் இல்லை . ஆனால் ‘ராட்சசன்’ படத்தில் வாங்கிய பெயரிலும் சம்பாதித்த பணத்திலும் பாதியைப் பறிகொடுத்திருக்கிறார் விஷ்ணு விஷால் . நடிகர் விஷாலின் நிறுவனம் வாங்கி வெளியிருக்கும் கன்னட டப்பிங் படமான ‘கே . ஜி . எஃப்’க்கு தரப்பட்ட பில்ட் அப் படத்தில் இல்லை . இத்தனை நேரடி ரிலீஸ்களோடு மோதும் தகுதிகள் இல்லாத படம் என்பதால் அதுவும் தேறுவது கஷ்டம் . ஆக இந்த ரேசில் தரத்திலும் வசூலில் தனித்த கொடி நாட்டியிருப்பதென்னவோ சிவகார்த்திகேயனின் முதல் தயாரிப்பான ‘கனா’தான் .

யுவன் சங்கர் ராஜா தயாரிப்பில் பிக்பாஸ் புகழ் ஹரிஷ் கல்யாண் , ரைசா வில்சன் இருவரும் இணைந்து நடித்திருக்கும் திரைப்படம் ' பியார் பிரேமா காதல் ' . இந்த படத்தை அறிமுக இயக்குனர் இளன் இயக்கி இருக்கிறார் . இந்த வாரம் வெளியான இந்த படத்தின் கதை மிகவும் , வித்தியாசமாக இருப்பதாகவும் பிக்பாஸ் ரைசா ஓவர் கவர்ச்சி காட்டி நடித்துள்ளார் என்றும் ரசிகர்கள் விமர்சித்து வருகின்றனர் . இந்நிலையில் இந்த படத்தை பற்றி கருத்து தெரிவித்துள்ள இயக்குனர் சுசீந்திரன் . . . இந்த படத்தில் சில நடைமுறைக்கு ஒத்துவராத விஷயங்கள் இருப்பதால் இது கலாச்சாரா சீரழிவுகளை ஏற்படுத்துவதாக உள்ளது என கூறியுள்ளார் . இருப்பினும் முதல் தயாரிப்பிலேயே யுவன் வெற்றி பெற்றுள்ளார் . இயக்குனர் தன் வசனங்கள் மூலம் காட்சியை சுவாரஸ்யப்படுத்தி இருக்கிறார் . படத்தின் மிகபெரிய பலமே யுவனின் இசை . இரண்டாவது ஹரிஷ் கல்யாணின் எதார்த்தமான நடிப்பு என்றும் இயக்குனர் இளன் கடைசி 20 நிமிடங்களில் உணர்வு பூர்வமாக இயக்கியுள்ளார் என பாராட்டியுள்ளார் . மேலும் இந்தப்படத்தை கலாச்சாரச் சீரழிவு என்றும் கூறலாம் . இப்படியொரு கலாச்சாரா காதல் நடைமுறையில் இருக்கிறது என்றும் வாதம் செய்யலாம் . ஆனால் ஒட்டுமொத்தத்தில் அனைவரும் சேர்ந்து ஒரு வெற்றிப்படத்தை ரசிகர்களுக்கு கொடுத்துள்ளனர் என கூறியுள்ளார் சுசீந்தரன் .

சர்கார் விவகாரத்தில் கோர்ட்டில் உண்மையை ஒப்புக்கொண்ட பிறகு ரொம்ப ஓவராகத்தான் ஏ . ஆர் . முருகதாஸை வம்பிழுக்கிறார்கள் . மிச்சப் பஞ்சாயத்தை விமர்சனம் எழுதுறப்ப வச்சுக்கலாம் என்கிற பெருந்தன்மை கூட இல்லாமல் , அடிச்சா ஏன்னு கேட்க ஆளில்லாத கைப்புள்ளய அடிப்பதுபோலவே , சகட்டுமேனிக்கு அடிக்கிறார்கள் . எனவே அவர் மீது தொடர்ந்து திருட்டுப்பட்டம் சுமத்துபவர்களுக்கு , கதையை திருடவே திருடாமல் அவர் இயக்கிய படம் ஒன்றும் இருக்கத்தான் செய்கிறது என்பதை இந்த உலகத்துக்கு சொல்லியே ஆகவேண்டிய கட்டாயத்தில் இருக்கிறோம் . அதற்கு முன்பாகவே நேற்று முதல் நடமாடி வரும் அவர் திருட்டுப்பட்டம் சுமந்து வரும் , படங்களின் விபரங்களைப் பார்த்துவிடுவதும் நல்லது . இவ்வளவு காலமும் இல்லாமல் ‘தீனா’வும் இந்தப்பட்டியலில் இடம்பெற்ற கொடுமையை என்னவென்று சொல்வதம்மா ? ( 1 ) தீனா இந்த கதை R . நித்தியகுமார் என்ற இயக்குநரின் கதை . . இவர் K . சுபாஷ் , SJ . சூர்யா , இவர்களிடம் இனை இயக்குநராகவும் . . பிறகு நடிகர் அருன்விஜய் நடித்த , வேதா’திரைப்படத்தை இயக்கியவர் . ( 2 ) ரமணா இந்த கதை நந்தகுமார் என்ற இயக்குநரின் கதை . . இவர் மறைந்த இயக்குநர் ராஜசேகர் , மற்றும் P . வாசு அவர்களிடம் இனை இயக்குநராகவும் பிறகு விஜயகாந்த் நடித்த தென்னவன் ‘திரைப்படத்தை இயக்கியவர்… இவர் KT . குஞ்சுமோன் ( திரைப்பட தயாரிப்பாளர் ) இவரின் மகனை வைத்து கோட்டீஸ்வரன் என்ற படத்தை இயக்கும் போது . . AR . முருகதாஸ்… . நந்தகுமாரிடம் உதவி இயக்குநராக பணியாற்றினார் , ( 3 ) கஜினி இந்த படத்தின் கதை … மெமொன்டோ என்ற ஒரு ஆங்கில படத்திலிருந்து ஒரு பட்டப்பகலில் திருடப்பட்டது . ( 4 ) துப்பாக்கி இந்த கதை வாசு என்ற உதவி இயக்குநரிடம் , பாதி கதை பிரேம்குமார் என்ற உதவி இயக்குநரிடமிருந்து திருடப்பட்டது . . வாசு… இவர் அஜீத் நடித்த நிறைய படங்களுக்கு உதவி இயக்குநராக பணியாற்றியுள்ளார் . ( 5 ) கத்தி இந்த கதை… கோபி நயினார் என்ற இயக்குநரின் கதை . இவர் நயன்தாரா நடித்த ‘ அறம் ‘ படத்தை இயக்கியவர் . . ( 6 ) ஸ்பைடர் மேன் இந்த கதை இவரிடம் தெலுங்கு படத்தில் உதவி இயக்குநராக பணியாற்றிய சாம்சன் சைத்தானியா என்ற உதவி இயக்குநரிடமிருந்து திருடப்பட்டது… ( 7 ) சர்க்கார் ‘ இந்த கதை… வருண் ராஜேந்திரன் என்பவரிடம் இருந்து திருடப்பட்டது… இவர் SA . சந்திரசேகர் . . மற்றும் பல இயக்குநர்களிம்…இனை இயக்குநராக பணியாற்றினார் . இப்படங்கள் இவ்வாறான பஞ்சாயத்துகளுடன் இருக்க , ஏ . ஆர் . முருகதாஸ் பெயருக்கு எவ்வித களங்கமும் ஏற்படாத ஒரிஜினல் கதாசிரியருக்கு தரவேண்டிய உரிய மரியாதையை டைட்டில் கார்டில் கொடுத்து அவர் இயக்கிய ஒரு படமும் இருக்கத்தான் செய்கிறது . அது சோனாக்ஷி ஷின்ஹா நடிப்பில் இவர் இயக்கிய ‘அகிரா’ என்ற இந்திப்படம் . தமிழில் சாந்தகுமார் இயக்கிய ‘மவுன குரு’ படத்தின் இந்தி ரீமேக்கான இதில் டைட்டில் கார்டில் சாந்தகுமாரின் பெயரை தகுந்த இடத்தில் போட்டிருந்தார் . இனி இப்படி ஏ . ஆர் . முருகதாஸின் பாசிடிவ் பக்கங்களை தேடிப்பிடிக்க துவங்குவோமே . . . ?

முதலமைச்சர் ஜெயலலிதா அப்போலோவில் அனுமதிக்கப்பட்டு ஒரு மாதம் கடந்து விட்டது . இந்த ஒரு மாதத்தில் அப்போலோ மருத்துவமனை வளாகம் மினி வாசஸ்தலமாக மாறிவருகிறது . முதல்வர் நலமடைய வேண்டி தொண்டர்கள் குவிந்து கிடக்கின்றனர் . அப்போலோ மருத்துவமனை வாசல் சர்வமத பூஜை மடமாக மாறி உள்ளது . போரூர் சாமியார் அன்பரசு பூசணி , தேங்காய் சாமந்திப்பூ வைத்து பூஜை செய்தார் . அதன் பின்னர் சேலம் அழகாபுரம் ஜெயந்தி சாமியார் சூலாயுதத்துடன் வந்து பரபரப்பை ஏற்படுத்தினார் . பின்னர் அலேலுயா சபை சார்பிலும் , இஸ்லாமியர்கள் சார்பிலும் பூஜைகள் , பாத்தியாக்கள் , பிரார்த்தனைகள் செய்யும் கூடமாக அப்போலோ நுழைவு வாயில் மாறிப்போனது . பிரியாணி சோறு சாப்பிட்ட தொண்டர்களும் அங்கு நேர்த்திக்கடன் செய்தனர் . நேற்று காசி விஸ்வநாதர் கோவில் பிரதான பூசாரி ஓம் ஆச்சாரி பிரசாதத்துடன் வந்து முதல்வரை பார்த்தார் . முன்னாள் பேராயர் சின்னப்பா உள்ளிட்டோர் வந்தனர் . தினம் தினம் கட்சிக்காரர்கள் அப்போலோ வாயிலில் பூஜை செய்வதும் தேங்காய் உடைப்பதுமாக அப்போலோ தெய்வீக ஸ்தலமாக மாறிப்போனது . இந்நிலையில் இன்று அப்போலோ வந்தவர்களுக்கு பெரிய அதிர்ச்சி காத்திருந்தது . அதுதான் அப்போலோவில் பிரதிஸ்டை செய்யப்பட்ட அம்மனின் அலங்கார சிலை . தென்சென்னை மாவட்ட மகளிர் அணி தலைவி சரோஜினி சீனிவாசன் தலைமையில் 3 அடி உயர துர்கை அம்மனை அப்போலோ வாசலில் பிரதிஸ்டை செய்து பூஜை செய்தனர் . இதை அந்த வழியாக வந்த பொதுமக்கள் , கட்சி நிர்வாகிகள் , தொண்டர்கள் பார்த்து பரவசமாகி வணங்கினர் . தற்காலிகமாக அம்மன் சிலை நிறுவ பட்டாலும் முதல்வர் டிஸ்சார்ஜ் ஆகும் வரை இருக்கும் என தெரிகிறது .

தெலுங்கானா மாநிலம் பிரிக்கப்பட்டபோது , ஆந்திராவிற்கு சிறப்பு அந்தஸ்து வழங்குவதாக மத்திய அரசு உறுதியளித்தது . இந்நிலையில் , மத்தியில் பாஜக தலைமையிலான தேசிய ஜனநாயக கூட்டணியில் அங்கம் வகித்த தெலுங்கு தேசம் கட்சி ( ஆந்திர ஆளுங்கட்சி ) , சிறப்பு அந்தஸ்து கோரி மத்திய அரசை தொடர்ந்து வலியுறுத்திவந்தது . ஆனால் மத்திய அரசு செவிசாய்க்கவில்லை . இதையடுத்து மத்திய அமைச்சரவையில் அமைச்சர்களாக இருந்த தெலுங்கு தேசம் கட்சியின் அசோக் கஜபதி ராஜூ , ஒய் . எஸ் . சௌத்ரி ஆகிய 2 அமைச்சர்களும் பதவிவிலகினர் . அதற்குப்பிறகும் மத்திய அரசு செவிமடுக்காததால் , பாஜகவுடனான கூட்டணியை சந்திரபாபு நாயுடு முறித்துக்கொண்டார் . மக்களவையில் , மத்திய பாஜக அரசிற்கு எதிராக நம்பிக்கையில்லா தீர்மானமும் கொண்டுவந்தார் . மக்களவை தொடர்ந்து முடக்கப்படுவதால் , நம்பிக்கையில்லா தீர்மானத்தின் மீது நடவடிக்கை எடுக்க முடியாத நிலை உள்ளது . இந்நிலையில் , சந்திரபாபு நாயுடுவை சமாதானப்படுத்தும் முயற்சியில் மத்திய பாஜக அரசு இறங்கியுள்ளது . ஆனால் பாஜகவின் சமாதான முயற்சிக்கு , முடியாது என்ற ஒற்றை வார்த்தையில் முற்றுப்புள்ளி வைத்துள்ளார் சந்திரபாபு நாயுடு . மத்திய உள்துறை அமைச்சர் ராஜ்நாத் சிங் , தெலுங்கு தேசத்தைச் சேர்ந்த முன்னாள் மத்திய அமைச்சர் சுஜனா சௌத்ரியிடம் இவ்விவகாரம் தொடர்பாக தொலைபேசி மூலம் பேசியுள்ளார் . அப்போது , மாநிலப் பிரிவினை மசோதாவில் கூறியபடி , விசாகப்பட்டினம் தனி ரயில்வே அமைப்பு , கடப்பாவில் இரும்பு தொழிற்சாலைகள் ஆகியவற்றுக்கு அனுமதி வழங்குவதாக சுஜனா சவுத்ரியிடம் ராஜ்நாத் சிங் தெரிவித்துள்ளார் . இதையடுத்து இந்தத் தகவலை , முதல்வர் சந்திரபாபு நாயுடுவிடம் வீடியோ கான்பரன்ஸ் மூலமாக சுஜனா சௌத்ரி நேற்று காலை கூறினார் . அப்போது அவருக்கு பதிலளித்த சந்திரபாபு நாயுடு , மத்திய அரசு மீது நம்பிக்கையில்லா தீர்மானம் கொண்டு வந்த பின்னர் , எதுவாக இருந்தாலும் அவர்கள் நாடாளுமன்றத்தில்தான் விவாதிக்க வேண்டும் . இப்போது , இதுகுறித்து பேச்சுவார்த்தை நடத்தினால் , நம் மீதான நம்பகத்தன்மையை மக்கள் இழந்துவிடுவார்கள் . ஆதலால் , இந்த யோசனையை , நான் நிராகரித்ததாக ராஜ்நாத் சிங்கிடம் கூறிவிடுங்கள் என சந்திரபாபு நாயுடு தெளிவாக தெரிவித்துவிட்டாராம் .

நீட் தேர்வு விவகாரத்தில் தமிழக அரசாணையை உயர்நீதிமன்றம் ரத்து செய்ததை எதிர்த்து மேல்முறையீடு செய்வோம் என்றும் , அது தொடர்பாக சட்ட வல்லுநர்களுடன் ஆலோசனை நடத்தப்பட்டு வருவதாகவும் சுகாதார துறை அமைச்சர் விஜயபாஸ்கர் தெரிவித்துள்ளார் . இந்தியா முழுவதும் அரசு மற்றும் தனியார் மருத்துவ கல்லூரிகளில் மாணவர் சேர்க்கைக்கு தேசிய அளவிலான தகுதி தேர்வை நடத்தி , அதில் கிடைக்கும் மதிப்பெண்களின் அடிப்படையிலேயே மாணவர்களைச் சேர்க்க வேண்டும் என மத்திய அரசு கூறியது . இந்த நிலையில் , மாநில பாடத்திட்டத்தின்படி படித்த மாணவர்களுக்கு 85 சதவீத இட ஒதுக்கீடு செய்யும் வகையில் ஒரு அரசாணையை தமிழக அரசு வெளியிட்டது . மீதமிருக்கும் 15 சதவீத இடங்கள் சிபிஎஸ்இ பாடத்திட்டத்தின்கீழ் படித்த மாணவர்களுக்கு வழங்கப்படும் என்று அந்த அரசாணையில் கூறப்பட்டிருந்தது . தமிழக அரசின் இந்த அரசாணையை எதிர்த்து சிபிஎஸ்இ மாணவர்கள் சென்னை உயர்நீதிமன்றத்தில் வழக்கு தொடுத்தனர் . இந்த வழக்கை விசாரித்த நீதிபதி , கடந்த 14 ஆம் தேதி தமிழக அரசின் அரசாணையை ரத்து செய்து உத்தரவிட்டார் . உயர்நீதிமன்றத்தின் இந்த உத்தரவை எதிர்த்து தமிழக அரசு , சென்னை , உயர்நீதிமன்றத்தில் மேல்முறையீட்டு மனுவை தாக்கல் செய்தது . இந்த மனு மீதான விசாரணையின்போது , நீதிபதி ரவிச்சந்திர பாபு வழங்கிய தீர்ப்பினை உறுதி செய்தும் , தமிழக அரசின் மேல்முறையீட்டு மனுவை தள்ளுபடி செய்தும் உத்தரவிட்டது . மேலும் , அரசாணை ரத்து செய்யப்பட்டது சரியே என்றும் உயர்நீதிமன்றம் கூறியுள்ளது . இது தொடர்பாக நேற்று சுகாதார துறை அமைச்சர் , செயலாளர் , மக்களவை துணை சபாநாயகர் ஆகியோர் , மத்திய சுகாதார துறை அமைச்சரை சந்தித்து நீட் தேர்வு குறித்து ஆலோசனை நடத்தினர் . இந்த நிலையில் , நீட் தேர்வு விவகாரத்தில் சட்ட சிக்கல்களை களைவது தொடர்பாக ஆலோசனை நடத்தப்பட்டு வருவதாக சுகாதார துறை அமைச்சர் விஜயபாஸ்கர் கூறியுள்ளார் . 85 சதவீத ஒதுக்கீடு தொடர்பான தமிழக அரசாணையை உயர்நீதிமன்றம் ரத்து செய்ததை எதிர்த்து மேல்முறையீடு செய்வோம் என்றும் , இது தொடர்பாக சட்ட வல்லுநர்களுடன் ஆலோசனை நடத்தப்பட்டு வருவதாகவும் அமைச்சர் விஜயபாஸ்கர் தெரிவித்துள்ளார் .

“ஊரெல்லாம் காலா ஃபீவராக இருக்கு . நான் சொல்லப்போவதும் காலா சமாச்சாரம்தான் ! தமிழ்நாடு முழுக்க இன்று காலா படம் ரிலீஸ் ஆகிவிட்டது . ஆனால் , இன்று காலை வரை முதல்வரின் சொந்த ஊரான எடப்பாடியில் “காலா” ரிலீஸுக்கு எந்த அறிகுறியும் இல்லை . எடப்பாடியில் நான்கு தியேட்டர்கள் தான் இருக்கின்றன . புதிய படங்கள் தொடர்ந்து இங்கே ரிலீஸ் செய்யப்பட்டாலும் , “காலா” ரிலீஸ் பற்றி எடப்பாடியில் எங்கேயும் போஸ்டர்கள் இல்லை . ரசிகர்களுக்கு என்ன நடக்கிறது என்றே புரியவில்லை . தியேட்டர்காரர்களோ , ‘ரேட் கட்டுப்படியாகாது . அதனால் படத்தை எடுக்கலை . . . ’ என்று சொல்லி வந்தனர் . ஆனா , மேட்டரோ அதுவல்ல , ‘காலா படம் தமிழக அரசை விமர்சனம் செய்வது போல இருக்கிறது . அதை நம்ம ஊரில் ஓடவிட்டால் நமக்குதான் அசிங்கம் , அது நம்ம ஊரிலிருந்து முதவராக இருக்கும் உங்களுக்குத்தான் என சிலர் முதல்வர் பழனிசாமியிடம் சொல்லியிருக்கிறார்கள் . அத்துடன் இல்லாமல் , எடப்பாடியில் உள்ள ஆளுங்கட்சியைச் சேர்ந்த பிரமுகர்கள் சிலரோ , “காலா” படத்தை இங்கே எவனும் ரிலீஸ் செய்யக் கூடாது . மீறி செஞ்சீங்கன்னா அண்ணன் ( முதல்வர் ) கோபத்துக்கு ஆளாயிடுவீங்க . . . ’ என்று தியேட்டர் உரிமையாளர்களைச் மிரட்டியிருக்கிறார்கள் . அதன் பிறகு தியேட்டர் ஓனர்கள் யாரும் ரிஸ்க் எடுக்க விரும்பவில்லையாம் . தமிழகத்தில் உள்ள மிக முக்கியமான ஊர்களில் எடப்பாடியில் மட்டும்தான் இன்று ரிலீஸ் இல்லை என்பது படத்தின் தயாரிப்பாளரான மருமகனிடம் சொல்லப்பட்டு இருக்கிறது . அவர் தியேட்டர்காரர்களுடன் தொடர்புகொண்டு பேசியிருக்கிறார் . அவர்கள் ஆளுங்கட்சியினரின் அழுத்தத்தை சொல்ல . . . மருமகன் உடனடியாக இந்த விஷயத்தை மாமனாரின் கவனத்துக்கு கொண்டு போனாராம் . ‘நான் பேசுறேன் . . . ’ என்று சொன்ன மாமனார் , உடனடியாக அமைச்சர் ஒருவரை தொடர்பு கொண்டு பேசியிருக்கிறார் . ‘படத்தை பார்க்காமலேயே எதிர்ப்பது எந்த விதத்திலும் நியாயம் ? படத்துல ஆளுங்கட்சியை , குறிப்பாக அதிமுகவை எந்த இடத்திலும் நாங்க எதையும் பேசல . நீங்க யாரு வேண்டுமானாலும் தாராளமாக படம் பாருங்க . ரிலீஸுக்கு முன்பே முதல் மந்திரி பாக்கனும்னாலும் ஷோவுக்கு ஏற்பாடு பண்ண சொல்றேன் . அதைவிட்டுட்டு , படம் பார்க்காமலேயே நீங்க தடுக்கிறது எப்படி சரியாகும் . . ’ என கோபமாக கேட்டாராம் கரிகாலன் . அதற்கு அந்த மந்திரியோ , அய்யய்யோ ’நாங்க எங்கேயும் தடுக்கவில்லையே . . . ’ என பதரியடிசிகிட்டு சொன்னாராம் . . . . ‘CM . மோட சொந்த ஊர் எடப்பாடியில தடுத்திருக்காங்க . இன்னும் அங்கே படம் போடலை . . . ’ என கரிகாலன் சொல்ல . ’நான் இதை என்னன்னு உடனே விசாரிக்கிறேன் . . ’ என்று சொன்ன மந்திரி , இந்த விஷயத்தை முதல் மந்திரியிடம் கொண்டு போயிருக்கிறார் . ‘நான் யாரையும் படத்தை போட வேண்டாம்னு சொல்லவே இல்லையே . . . யாரு மிரட்டினாங்கன்னு நான் உடனே கேட்கிறேன் . . ’ என்று சொன்னாராம் முதல் மந்திரி . அத்துடன் உடனே எடப்பாடியில் உள்ள அதிமுக நகர செயலாளரை போனில் பிடித்து செமையா டோஸ் விட்டாராம் . ‘என்னை கேட்காம நீங்க எப்படி இப்படி செய்யலாம் ? இருக்கிற பிரச்னை போதாதுன்னு எனக்கு ஆளாளுக்கு தொல்லை கொடுக்க ஆரம்பிச்சுட்டீங்களா ? நீங்க என்ன செய்வீங்களோ எனக்கு தெரியாது . எடப்பாடியில் “காலா” படம் எல்லா ஊரைப் போலவே ரிலீஸ் ஆகனும் . . ’ என கோபத்துடன் கத்தினாராம் முதல் மந்திரி . அதன் பிறகு எடப்பாடி நகர செயலாளர் எடப்பாடியில் உள்ள தியேட்டர் ஒனர்களை தனித்தனியாக வீட்டிற்க்கே சென்று , ‘நீங்க படத்தை ரிலீஸ் பண்ணிக்கோங்க . . . ’ என சொல்ல . . . தியேட்டர்காரர்களோ , ‘இதுக்கு மேல எங்கே போய் ரிலீஸ் பண்றது . . . நாங்க பண்ணவே இல்ல . ஓடுற படமே ஓடட்டும் . . ’ என சொல்லி பின் வாங்கியிருக்கிறார்கள் . ஆனால் அதிமுகவினரோ , ‘எப்படியாவது காலையில் படத்தை ரிலீஸ் பண்ணுங்க . இல்லைன்னா எங்களுக்கு பெரிய சிக்கல் ஆகிடும் . . என்ன உதவியானாலும் செய்ய ரயாராக இருக்கோம் . . ’ என்று கெஞ்சி பட ரிலீஸுக்கு ஏற்பாடு செய்திருக்கிறார்கள் . அதிமுகவினரின் இந்த செயலால் அவசர அவரசமாக நேற்று அதிகாலையிலேயே போஸ்டர்கள் ஒட்டப்பட்டு படம் ரிலீஸ் பிரமாண்டமாக ரிலீஸ் ஆனதாம் .

ஐபிஎல் 12வது சீசனுக்கான ஏலத்தில் விலைபோகாத பிரண்டன் மெக்கல்லம் , மறைமுகமாக ஒரு செய்தியை சொல்லியுள்ளார் . அந்த செய்தி , ஏற்கனவே அவரை ஏலத்தில் எடுக்காததால் அதிர்ச்சியில் இருக்கும் அவரது ரசிகர்களுக்கு மேலும் அதிர்ச்சியளிக்கும் வகையில் அமைந்துள்ளது . ஐபிஎல் 12வது சீசனுக்கான ஏலம் கடந்த 18ம் தேதி ஜெய்ப்பூரில் நடந்தது . அந்த ஏலத்தில் சில பெரிய வீரர்கள் விலைபோகவில்லை . முதல் சுற்று ஏலத்தில் அடிப்படை விலைக்குக்கூட ஏலம் போகாத யுவராஜ் சிங்கை இரண்டாவது சுற்றில் மும்பை அணி அடிப்படை விலைக்கு எடுத்தது . ஆனால் அனைவருக்கும் அதிர்ச்சியளிக்கும் வகையில் நியூசிலாந்து அணியின் முன்னாள் கேப்டனும் அதிரடி வீரருமான பிரண்டன் மெக்கல்லம் அடிப்படை விலையான ரூ . 2 கோடிக்குக்கூட ஏலம் போகவில்லை . அவரை எடுக்க எந்த அணியுமே ஆர்வம் காட்டவில்லை . இது அவரது ரசிகர்களுக்கு மட்டுமல்லாமல் பெரும்பாலானோருக்கு பேரதிர்ச்சியாக இருந்தது . ஐபிஎல் வரலாற்றில் முதல் போட்டியிலேயே சதமடித்தவர் மெக்கல்லம் . அவர் அடித்த 158 ரன்கள் என்பது தான் 5 ஆண்டுகளுக்கு ஐபிஎல்லின் அதிகபட்ச ஸ்கோராக இருந்தது . அதை 2013 ஐபிஎல்லில்தான் கெய்ல் முறியடித்தார் . கெய்லுக்கு அடுத்து மெக்கல்லமின் அந்த ஸ்கோர் தான் இரண்டாவது அதிகபட்ச ஸ்கோர் . ஆனால் சர்வதேச கிரிக்கெட்டிலிருந்து ஓய்வு பெற்றுவிட்ட மெக்கல்லமிற்கு வயதும் அதிகமாகிவிட்டதால் , அவர் முன்புபோல் அதிரடியாக ஆடுவதில்லை . கடந்த சீசனில் பெரும் எதிர்பார்ப்புடன் அவரை ராயல் சேலஞ்சர்ஸ் பெங்களூரு அணி எடுத்தது . ஆனால் கடந்த சீசனில் மெக்கல்லம் சரியாக ஆடவில்லை . 6 போட்டிகளில் ஆடி வெறும் 127 ரன்களை மட்டுமே எடுத்தார் . இதையடுத்து அவரை கழட்டிவிட்டது பெங்களூரு அணி . கடந்த சீசனில் அவர் சரியாக ஆடாத நிலையில் இந்த சீசனில் அவரை அனைத்து அணிகளும் புறக்கணித்தன . இதுகுறித்து கருத்து தெரிவித்துள்ள பிரண்டன் மெக்கல்லம் , எல்லா நல்ல விஷயங்களும் இப்படித்தான் முடிவுக்கு வரும் . நான் ஏலத்தில் எடுக்கப்படாதது குறித்து பெரிதாக வருத்தப்படவில்லை . ஏனென்றால் இதுதான் எதார்த்தம் . சில நியூசிலாந்து வீரர்கள் ஏலத்தில் எடுக்கப்பட்டுள்ளனர் . அவர்களுக்கு என் வாழ்த்துக்கள் என்று மெக்கல்லம் தெரிவித்துள்ளார் . கடந்த 2016ம் ஆண்டு சர்வதேச கிரிக்கெட்டிலிருந்து ஓய்வு பெற்ற மெக்கல்லம் , டி20 லீக் தொடர்களில் ஆடிவருகிறார் . 11 ஐபிஎல் சீசன்களிலும் ஆடியுள்ள மெக்கல்லம் , சில நல்ல விஷயங்கள் இப்படித்தான் முடிவுக்கு வரும் என்று கூறியுள்ளதன் மூலம் ஐபிஎல்லிலிருந்து அவர் ஒதுங்குகிறாரா என்ற ஐயத்தை ரசிகர்களுக்கு ஏற்படுத்தியுள்ளது . அதனால் அவரது அதிரடி பேட்டிங்கிற்கு அடிமையாகப்போன ரசிகர்கள் அதிர்ச்சியில் உள்ளனர் .

நடிகர் ரஜினிகாந்த் , கடந்த 5 நாட்களாக தனது ரசிகர்களை சந்தித்து புகைப்படம் எடுக்கும் நிகழ்ச்சி நடந்து வருகிறது . முதல் நாள் தொடக்க விழாவில் பேசிய ரஜினி , தன்னை அரசியல் ஆதாயத்துக்காக பல கட்சிகள் இழுப்பதாக தெரிவித்தார் . மேலும் , “நான் அரசியலுக்கு வருவது ஆண்டவன் கையில் இருக்கிறது” என பேசி பரபரப்பை ஏற்படுத்தினார் . இதனால் , தமிழக அரசியலில் பெரும் சர்ச்சை கிளம்பியது . மேலும் , திமுக செயல் தலைவர் மு . க . ஸ்டாலின் , பாமக அன்புமணி ஆகியோர் சிறந்த நிர்வாகிகள் என கூறினார் . இதனால் , பாஜகவினர் கடும் அதிர்ச்சி அடைந்தனர் . இதையடுத்து பாஜக தலைவர்கள் ரஜினி குறித்து பல்வேறு கருத்துகளை பத்திரிகைகளில் வெளியிட்டு வருகிறார்கள் . குறிப்பாக பேஸ்புக் , வாட்ஸ்அப் என சமூக வளைதளங்களில் பல்வேறு பதிவுகள் வந்த வண்ணம் உள்ளன . இந்நிலையில் , நான் ரஜினி ரசிகன் . . . அவர் அரசியலுக்கு வந்தால் என்ன தவறு என மயிலாப்பூர் அதிமுக எம்எல்ஏ நட்ராஜ் , செய்தியாளர்களுக்கு பரபரப்பு பேட்டியளித்துள்ளார் . இதுகுறித்து எம்எல்ஏ நட்ராஜ் , செய்தியாளர்களிடம் கூறியதாவதுஃ - நடிகர் ரஜினி அரசியலுக்கு வருவதில் எந்த தவறும் இல்லை . மக்கள் விரும்பினால் , அவர் தாராளமான வரட்டும் . இது ஜனநாயக நாடு . எல்லோருக்கும் உரிமை உள்ளது . அவர் அரசியலுக்கு வருவதில் , மக்களின் விருப்பமே முக்கியம் . நானும் , ரஜினியின் ரசிகன் என்பதில் எனக்கு சந்தோஷம்தான் . . . டாஸ்மாக் கடைகள் திறக்க கூடாது என பல்வேறு பகுதிகளில் போராட்டங்கள் நடந்து வருகின்றன . இதனை போலீசார் தடுத்து நிறுத்த வேண்டும் . ஆனால் , போலீசார் அத்துமீறி போராட்டம் நடத்துபவர்கள் மீது தடியடி நடத்துவது தவறான செயல் . குறிப்பாக பெண்களை தாக்குவது கண்டிக்கத்தக்கது . இவ்வாறு அவர் கூறினார் .

குடும்ப உறுப்பினர்கள் கை விட்டதால் முதியவர் ஒருவரின் சடலத்தை அனாதை பிணமாக குப்பை வண்டியில் கொண்டு சென்று அடக்கம் செய்யப்பட்ட காட்சி தற்போது சமூக வலைதளங்களில் வைரலாகி வருகிறது . வேலூர் மாவட்டம் சோளிங்கர் பகுதியை சேர்ந்த ராஜாராம் கூலி தொழிலாளி வயதாகிவிட்டதால் குடும்ப உறுப்பினர்களால் கைவிடப்பட்டு சோளிங்கர் பகுதியிலேயே பிச்சை எடுத்து வயிற்றை கழுவி வந்தார் . இந்நிலையில் கடந்த 27ம் தேதி மரணமடைந்ததை அடுத்து . யாரும் அவரது உடலை வாங்க வராததால் அனாதை பிணமாக வழக்கு எடுத்துக்கொண்ட சோளிங்கர் காவல் துறையினர் . அந்த முதியோர் குறித்து அறிவிப்பு வெளியிட்டனர் . அதனையடுத்து முதியோரை தேடி சோளிங்கர் காவல் நிலையத்திற்கு வந்த குடும்ப உறுப்பினர்கள் ராஜாராம் உடலை அடக்கம் செய்ய வசதி இல்லையென்று ஆகையால் அனாதை பிணமாக கருதி அடக்கம் செய்யும் படி தெரிவித்ததாக கூறப்படுகிறது . இதனையடுத்து சோளிங்கர் பேரூராட்சி ஊழியர்களின் ஒத்துழைப்போடு குப்பை அள்ளும் வண்டியில் திறந்த நிலையில் அந்த முதியோரின் சடலத்தை வெள்ளை துணியால் கட்டி சோளிங்கர் அரசு மருத்துவமனையில் இருந்து சுடுகாடு வரை கொண்டு சென்றதை கண்ட மக்கள் கண்ணீரோடு பார்த்து மனமுடைந்துள்ளனர் . மேலும் இதை வீடியோ எடுத்து சமூக வலைதளங்களில் பகிர்ந்துள்ளதால் இந்த வீடியோ வேகமாக வைரலாகி வருகிறது .

சமீபகாலமாக பிரபலங்களை எல்லாம் விட இணையத்தில் பிரபலமாகி இருப்பது மியூசிக்கலி , டிக்டொக் , பெர்ஃபாம்ர்கள் தான் . இது போன்ற டப் ஸ்மேஷ்களால் தங்களின் திறமையை வெளிப்படுத்துகிறேன் என்ற பெயரில் சிலர் அத்துமீறுவது முகம் சுழிக்க வைத்தாலும் , பாராட்டும்படியான திறமையாளர்களும் இதே செயலிகள் மூலம் வெளிப்படதான் செய்கிறார்கள் . இப்போது திரையில் வரும் சீரியல்களை விட இது போன்ற வீடியோக்களே மிகச்சிறந்த பொழுதுபோக்காக மாறி இருக்கிறது பலருக்கு . இது போன்று இணையங்களில் வைரல் ஆகும் வீடியோக்களால் பிரபலமானவர்கள் பலர் . அதிலும் சின்ன சின்ன க்யூட்டான செயல்களால் எக்கச்சக்கமான ரசிகர்களின் உள்ளத்தைஅந்த வகையில் சமீபத்தின் இணையத்தில் வைரலாகி இருக்கிறது இந்த குட்டிப்பெண்ணின் க்யூட் வீடியோ . பிரபல பாடல்களுக்கு க்யூட்டாகவும் மாஸாகவும் இந்த அழகு குட்டி பெண் கொடுக்கும் எக்ஸ்ப்ரெஷன்களுக்கு முன்னால் , பெரிய பெரிய நடிகர்கள் கூட தோற்றுப்போவார்கள் , அந்த அளவிற்கு முகபாவத்தால் அசத்தி இருக்கிறார் இந்த குழந்தை . பாடல்களாகட்டும் , டப் ஸ்மேஷாகட்டும் இவரின் எக்ஸ்பிரஷனில் எல்லாமே ஆஸம் தான் . அதிலும் தெறி படத்தில் வரும் காட்சிகளை இவர் டப்ஸ்மேஷ் செய்திருப்பதை பார்க்கும் போது அப்பட்டியே நைனிகாவை தான் நியாபகபப்டுத்துகிறார் இந்த குட்டி தேவதை .

கேப்டன்ஷிப்பில் கோலிக்கு அனுபவம் குறைவுதான் என்று தென்ஆப்பிரிக்க அணியின் முன்னாள் வீரர் காலிஸ் கூறியுள்ளார் . தென்ஆப்பிரிக்க கிரிக்கெட் அணியின் முன்னாள் ஆல் - ரவுண்டரும் , ஐ . பி . எல் . கிரிக்கெட்டில் கொல்கத்தா நைட் ரைடர்ஸ் அணியின் தலைமை பயிற்சியாளருமான ஜாக் காலிஸ் நேற்று பேட்டி அளித்தார் . அதில் , " ‘லெக் - பிரேக்’ வகை பந்து வீச்சாளர்களை கணித்து விளையாடுவதற்கு சிறிது நேரம் பிடிக்கும் . எங்கள் நாட்டில் போதுமான உலகத்தரம் வாய்ந்த லெக் - ஸ்பின்னர்கள் இல்லை என்பதை நாங்கள் ஒப்புக்கொண்டாக வேண்டும் . உள்நாட்டில் இத்தகைய பந்துவீச்சை போதுமான அளவில் விளையாடாததே தோல்விக்கு முக்கிய காரணமாகும் . எனவே , அணியில் இளம் வீரர்கள் கற்றுக்கொள்வதற்குரிய காலக்கட்டம் இதுவாகும் . கிரிக்கெட்டில் அனுபவம் மிகவும் முக்கியமானது . ‘லெக் - பிரேக்’ பந்து வீச்சை இரண்டு வகையில் மட்டுமே கணிக்க முடியும் . ஒன்று , பவுலர்களின் கையை விட்டு பந்து வரும்போதே கணிக்க வேண்டும் . 2 - வது , பந்து பிட்ச் ஆனதும் அது எப்படி திரும்பும் என்பதை பார்த்து , அதற்கு ஏற்ப ஆட வேண்டும் . ஒருவர் அதிகமான சர்வதேச போட்டிகளில் விளையாடி அனுபவம் பெற்றால்தான் , இது போன்ற பந்து வீச்சை திறம்பட எதிர்கொள்ள முடியும் . மூத்த வீரர்கள் ( டிவில்லியர்ஸ் மற்றும் பாப் டு பிளிஸ்சிஸ் ) காயம் அடையும் போது அணியின் நிலைமை என்ன ஆகும் என்பதை தென் ஆப்பிரிக்க கிரிக்கெட் வாரியம் இப்போதாவது உணர வேண்டும் . பெரும்பாலான வீரர்களுக்கு சுழற்பந்து வீச்சை சமாளிப்பதில் ஆழ்ந்த திறமை இல்லை . அதனால் இளம் வீரர்களை சர்வதேச கிரிக்கெட்டுக்கு கொண்டு வரும்போது , தென்ஆப்பிரிக்க கிரிக்கெட் வாரியம் கவனமாக சிந்தித்து செயல்பட வேண்டும் . இந்திய கேப்டன் விராட் கோலி களத்தில் ஆக்ரோஷமாக செயல்படுகிறார் . ஒரு கேப்டனாக எல்லா நேரத்திலும் ஆக்ரோஷமாக இருக்கக் கூடாது . இந்த விஷயத்தில் அவர் கவனம் செலுத்த வேண்டும் . கேப்டன்ஷிப்பில் அவருக்கு அனுபவம் குறைவு தான் . போக போக , அவர் தனது ஆக்ரோஷத்தை நிச்சயம் குறைத்துக் கொள்வார் என்று நம்புகிறேன் . ஆனால் கிரிக்கெட் மீது அவர் காட்டும் ஆர்வத்தை பார்க்க அருமையாக இருக்கிறது . ஐ . பி . எல் . கிரிக்கெட்டுக்கான கொல்கத்தா அணியில் வீரர்கள் சரியான கலவையில் இடம் பெற்றுள்ளனர் . கௌதம் கம்பீர் வேறு அணிக்கு மாறிய நிலையில் கொல்கத்தா நைட் ரைடர்ஸ் அணியின் புதிய கேப்டன் யார் என்று கேட்கிறீர்கள் . அது குறித்து இன்னும் முடிவு செய்யவில்லை . ஆனால் கேப்டன் வாய்ப்பில் கிறிஸ் லின்னும் இருக்கிறார் . எங்கள் அணியின் கேப்டன் யார் ? என்பது ஓரிரு வாரங்களில் தெரிய வரும் " என்று காலிஸ் தெரிவித்தார் .

இந்திய கிரிக்கெட் வீரர் விராட் கோலி , இன்ஸ்டாகிராமில் ஒரு பதிவுக்கு ரூ . 82 , 45 , 000 சம்பாதிப்பதாக , வியப்பான தகவல் வெளியாகியுள்ளது . ஃபேஸ்புக் , ட்விட்டர் , இன்ஸ்டாகிராம் போன்ற சமூக ஊடகங்களை பயன்படுத்துவோர் இந்தியாவில் நாளுக்கு நாள் அதிகரித்து வருகின்றனர் . டிவி பார்ப்பதுபோல இந்த பழக்கமும் , மக்களின் தினசரி நடவடிக்கையாக மாறியுள்ளது . குறிப்பாக , நடிகர்கள் , அரசியல்வாதிகள் , விளையாட்டு வீரர்கள் போன்றவர்களுக்கு , இன்ஸ்டாகிராமில் பெரும் வரவேற்பு உள்ளது . அந்த பிரபலங்கள் பதிவிடும் புகைப்படங்கள் ஒவ்வொன்றுக்கும் , பல ஆயிரக்கணக்கான ரசிகர்கள் லைக்ஸ் , கமென்ட் போடுகின்றனர் . அப்படி பிரபலங்கள் போடும் புகைப்படங்களை , விளம்பர நிறுவனங்கள் தங்களின் தயாரிப்புகளை பிரபலபடுத்தவும் பயன்படுத்துகின்றன . பிரபலங்களின் ரசிகர்கள் பலம் மற்றும் லைக்ஸ் , ஷேர் செய்வதை பொறுத்து , அவர்கள் பதிவிடும் புகைப்படங்களுக்கு ஒரு குறிப்பிட்ட தொகையை சம்பந்தப்பட்ட விளம்பர நிறுவனங்கள் தருகின்றன . இதன்படி , இன்ஸ்டாகிராமில் அதிகம் சம்பாதிக்கும் பிரபலங்களின் பட்டியலை ஹாப்பர்ஹெச்க்யு என்ற நிறுவனம் வெளியிட்டுள்ளது . அதில் , ஹாலிவுட் பிரபலம் கைலி ஜென்னர் முதலிடத்தில் உள்ளார் . அவர் ஒரு ஸ்பான்சர் பதிவு வெளியிட 10 லட்சம் அமெரிக்க டாலர்களை வாங்குகிறார் . 2வது இடத்தில் உள்ள செலினா கோமஸ் 8 லட்சம் அமெரிக்க டாலர்களை சம்பாதிக்கிறார் . இதற்கடுத்த இடங்களில் , கிம் கார்டாஷியன் , பியான்ஸ் நோவல்ஸ் , ட்வெய்ன் ஜான்சன் , ஜஸ்டின் பீபர் , நெய்மர் , லியோனல் மெஸ்ஸி , கென்டால் ஜென்னர் உள்ளிட்டோர் உள்ளனர் . இந்த பட்டியலில் , இந்தியா சார்பாக , நட்சத்திர கிரிக்கெட் வீரர் விராட் கோலி , 17வது இடம்பிடித்துள்ளார் . அவர் வெளியிடும் ஒரு ஸ்பான்சர் பதிவுக்கு , ஒரு லட்சத்து 20 அமெரிக்க டாலர்கள் அதாவது இந்திய ரூபாயில் , 82,45,000 சம்பாதிக்கிறார் . இந்திய இளைஞர்களிடையே விராட் கோலிக்கு பெரும் செல்வாக்கு உள்ளது . இதனை பயன்படுத்தி பல நிறுவனங்கள் தங்களது பொருட்களை விளம்பரம் செய்ய முன்வருவதால் , அவருக்கு இந்த வருமானம் கிடைப்பதாகக் கூறப்படுகிறது . தற்போதைய நிலையில் , விராட் கோலியின் இன்ஸ்டாகிராம் வருமானம் மேலும் அதிகரிக்கவே வாய்ப்புள்ளதாக , ஆய்வு நடத்திய ஹாப்பர்ஹெச்க்யூ நிறுவனம் குறிப்பிட்டுள்ளது .

காங்கிரஸ் தலைவர் ராகுல் காந்தி மற்றும் பிரதமர் மோடி என இரண்டு அரசியல் தலைவர்களும் சமூக வலைதளத்தில் சறுசுறுப்பாக செயல்படக்கூடியவர்கள் . சமூக வலைதளத்தில் டிவிட்டரில் ராகுல் , மோடி இருவரும் அதிக நேரம் செலவழிக்கிறார்கள் . ஆனால் பிரதமர் மோடிக்குத்தான் அதிக பின்தொடர்பாளர்கள் இருக்கிறார்கள் . மோடிக்கு 4.47 கோடி பின்தொடர்பாளர்கள் உள்ளனர் . ராகுலுக்கு 80 லட்சம் பின்தொடர்பாளர்கள் உள்ளனர் . ஆனால் குறைவான டிவிட் செய்தும் , குறைவான பின்தொடர்பாளர்களை கொண்டும் கூட ராகுல் காந்திதான் டிவிட்டரில் வைரலாக இருந்துள்ளார் . ராகுல் காந்தியின் டிவிட்டுகள்தான் அதிகமாக ரீ டிவிட் செய்யப்பட்டுள்ளது . ராகுல் காந்தியின் டிவிட்டுகள் சராசரியாக 8000 தடவை ரீ டிவிட் செய்யப்பட்டுள்ளது . மோடியின் டிவிட்டுகள் சராசரியாக 3000 தடவை மட்டுமே ரீ டிவிட் செய்யப்பட்டுள்ளது . அதேபோல் ராகுலின் டிவிட்டிற்கு சராசரியாக 3000 பதில்கள் வருகிறது . மோடியின் டிவிட்டுகளுக்கு சராசரியாக 600 பதில்களே வருகிறது . அதேபோல் ராகுலின் டிவிட்டிற்கு சராசரியாக 25000 பேர் விருப்பம் தெரிவிக்கிறார்கள் . மோடியின் டிவிட்டுகளுக்கு சராசரியாக 15000 பேர் விருப்பம் தெரிவிக்கிறார்கள் . இந்த மூன்றிலும் ராகுல்தான் முன்னிலை வகிக்கிறார் . ஆனால் 2017 வருடத்தில் மோடி அனைத்திலும் ராகுலை விட முன்னிலையில் இருந்தார் . ஒரே வருடத்தில் ராகுல் அவரை பின்னுக்கு தள்ளி முதலிடம் பிடித்து இருக்கிறார் . முக்கியமாக காங்கிரஸ் தலைவராக ராகுல் காந்தி பதவியேற்ற ஒரே வருடத்தில் இவ்வளவு பெரிய மாற்றமும் நிகழ்ந்து உள்ளது . ராகுல் காந்தி அதிகமாக விவசாயம் , வேலை வாய்ப்பு , மோடி குறித்து பேசியுள்ளார் . ராகுல் காந்தி 46 டிவிட்டில் 1 டிவிட் வேலைவாய்ப்பு குறித்தும் , 17 டிவிட்டில் 1 டிவிட் விவசாயம் குறித்தும் , 13 டிவிட்டில் 1 டிவிட் மோடி குறித்தும் பேசியுள்ளார் . மாறாக மோடி 462 டிவிட்டில் 1 டிவிட் மட்டுமே வேலைவாய்ப்பு குறித்து எழுதுகிறார் . 33 டிவிட்டில் 1 டிவிட் மட்டுமே விவசாயம் குறித்து எழுதுகிறார் . ஆனால் 33 டிவிட்டில் 1 டிவிட்டில் தன்னை பற்றி எழுதுகிறார் . இந்த ஆண்மு முழுக்க ராகுல் காந்திதான் டிவிட்டரில் வைரலாக இருந்துள்ளார் . அதேபோல் மோடிக்கு எதிராக உருவாக்கப்பட்ட கோ பேக் மோடி போன்ற ஹேஷ்டேக்குகள் அவருக்கு எதிராக பெரிய வைரலாகி உள்ளது . 2017 மோடி வகித்த இடத்தை 2018 - ல் ராகுல் பிடித்து இருக்கிறார் . அதேபோல் 2017 - ஐ வைத்து பார்க்கும் போது 2018 - ல் தான் மோடி அதிகமாக டிவிட் செய்துள்ளார் . 2018 - ல் மோடி , மாதம் 300 - 400 டிவிட்டுகள் செய்துள்ளார் . ஆனால் ராகுல் , மாதம் 60 - 100 டிவிட்டுகள் வரை மட்டுமே செய்துள்ளார் .

இந்தியாவுக்கு எதிரான முதல் டெஸ்ட் கிரிக்கெட் போட்டியின் முதல்நாள் ஆட்டத்தில் இங்கிலாந்து அணி இடியாய் இடித்து 93 ஓவர்களில் 4 விக்கெட் இழப்புக்கு 311 ஓட்டங்கள் எடுத்துள்ளது . ராஜ்கோட்டில் நடைபெற்று வரும் இந்த ஆட்டத்தில் , டாஸ் வென்ற இங்கிலாந்து அணி முதலில் பேட் செய்ய தீர்மானித்தது . அந்த அணியின் தொடக்க ஆட்டக்காரர்களாக கேப்டன் அலாஸ்டர் குக் , ஹசீப் ஹமீது ஆகியோர் களமிறங்கினர் . இதில் , 47 பந்துகளை சந்தித்த அலாஸ்டர் குக் 2 பவுண்டரிகளுடன் 21 ஓட்டங்கள் எடுத்து ஆட்டமிழந்தார் . அவர் , ஜடேஜா பந்துவீச்சில் எல்பிடபிள்யு முறையில் அவுட் ஆனார் . இதையடுத்து ஜோ ரூட் களம் புகுந்தார் . மறுமுனையில் ஹமீது , 82 பந்துகளுக்கு 6 பவுண்டரிகளுடன் 31 ஓட்டங்கள் எடுத்தார் . அணியின் ஸ்கோர் 76 - ஆக இருந்தபோது , அவரை எல்பிடபிள்யு முறையில் பெவிலியனுக்கு அனுப்பி வைத்தார் அஸ்வின் . தொடர்ந்து வந்த பென் டக்கெட் , 17 பந்துகளில் 3 பவுண்டரிகளுடன் 13 ஓட்டங்கள் எடுத்து வந்த வேகத்திலேயே திரும்பினார் . மறுமுனையில் ஜோ ரூட் 72 பந்துகளில் அரைசதம் கடந்தார் . டக்கெட்டை தொடர்ந்து களத்துக்கு வந்த மொயீன் அலி , ஜோ ரூட்டுடன் இணை சேர்ந்தார் . விக்கெட் சரிவை தடுத்த இந்த பார்ட்னர்ஷிப் , 4 - ஆவது விக்கெட்டுக்கு 179 ஓட்டங்கள் சேர்த்தது . மொயீன் அலி 99 பந்துகளில் அரைசதம் கடக்க , ஜோ ரூட் 154 பந்துகளில் சதமடித்தார் . இது , டெஸ்ட் போட்டிகளில் ஜோ ரூட்டின் 11 - ஆவது சதமாகும் . அணியின் ஸ்கோர் 281 - ஆக இருந்தபோது , இந்த இணை பிரிந்தது . ஜோ ரூட் 180 பந்துகளுக்கு 11 பவுண்டரிகள் , ஒரு சிக்ஸருடன் 124 ஓட்டங்கள் எடுத்திருந்தபோது , உமேஷ் யாதவின் பந்துவீச்சை அவரிடமே கேட்ச் கொடுத்தார் . அவரைத் தொடர்ந்து பென் ஸ்டோக்ஸ் களத்துக்கு வந்தார் . முதல்நாளான புதன்கிழமை ஆட்டநேர முடிவில் இங்கிலாந்து அணி 93 ஓவர்களில் 4 விக்கெட் இழப்புக்கு 311 ஓட்டங்கள் எடுத்தது . மொயீன் அலி 99 , பென் ஸ்டோக்ஸ் 19 ஓட்டங்களுடன் களத்தில் உள்ளனர் . இந்தியத் தரப்பில் , அஸ்வின் அதிகபட்சமாக 2 விக்கெட்டுகளும் , உமேஷ் யாதவ் , ஜடேஜா தலா ஒரு விக்கெட்டும் வீழ்த்தியுள்ளனர் .

அதிமுகவில் இருந்து ஜெயலலிதா இருக்கும்போதே நீக்கப்பட்ட மாநிலங்களவை உறுப்பினர் சசிகலா புஷ்பாவுக்கு வரும் மார்ச் 26ஆம் தேதி திருமணம் நடைபெற இருப்பதாக தகவல் தாங்கி , வாட்ஸ்அப்பில் பரவி வருகிறது ஓர் அழைப்பிதழை அடுத்து சசிகலா புஷ்பாவிற்கும் அவரது கணவருக்கும் விவாகரத்து ஆன சான்றிதழ் வெளியாகியிருக்கிறது . அதிமுக நாடாளுமன்ற உறுப்பினர் சசிகலா புஷ்பா . டெல்லி நார்த் அவென்யூ பகுதியில் வசிக்கிறார் . ஜெயலலிதாவின் மறைவுக்கு முன் அதிமுக கட்சியின் அடிப்படை உறுப்பினர் பதவியில் இருந்து நீக்கப்பட்டவர் . தற்போது நாடாளுமன்றத்தில் அதிமுகவுக்கு ஆதரவாகவும் இல்லாமல் , ஆதரித்து பேசாமலும் தன்னிச்சையாக செயல்பட்டு வருகிறார் . இந்நிலையில் அவருடைய சொந்த வாழ்க்கை பற்றி ஒரு தகவல் வெளியாகி உள்ளது . கடந்த 2 ஆண்டுகளுக்கு முன்பு சசிகலா புஷ்பாவுக்கும் , அவரது கணவருக்கும் இடையே ஏற்பட்ட பிரச்னை காரணமாக அவர் தனிமையில் டெல்லியில் வசித்து வந்தார் . இந்நிலையில் , இந்த நிலையில் , சசிகலா புஷ்பாவுக்கும் ஓரியண்டல் அறிவியல் தொழில்நுட்ப பல்கலைக்கழகத்தின் இணை துணைவேந்தர் ராமசாமி என்பவருக்கும் திருமணம் வரும் மார்ச் 26ஆம் தேதி டெல்லியில் நடைபெறுவதாகத் திருமண அழைப்பிதழ் பரவி வருகிறது . இது அரசியல் வட்டாரங்களில் பெரும் அதிர்ச்சியை ஏற்படுத்தியிருக்கிறது . சசிகலா புஷ்பாவின் நெருக்கமான அரசியல் வட்டாரங்களில் இதுபற்றி விசாரித்தபோது , ‘ஆமாம் உண்மைதான்’ என சொல்லுகிறார்கள் . இந்த திருமண அழைப்பிதழ் தற்போது சமூக வலைதளங்களில் தீயாக பரவி வருகிறது . இதுகுறித்து உண்மை நிலவரத்தை அறிய சசிகலா புஷ்பாவிடம் கேட்டபோது , அவர் சரியான பதில் ஏதும் தெரிவிக்கவில்லை . அதே நேரத்தில் இதை மறுக்கவும் இல்லை . இதுகுறித்து அவரது உதவியாளர் கூறுகையில் , சசிகலா புஷ்பாவுக்கும் , அவரது கணவருக்கும் இடையே கடந்த சில ஆண்டுகளாக கருத்து வேறுபாடு இருந்து வந்தது . இதையடுத்து இருவரும் விவாகரத்து செய்து கொள்வதற்காக நீதிமன்றத்தை நாடினர் . கடந்த 7 மாதங்களுக்கும் மேலாக நடந்து வந்த நீதிமன்ற விசாரணையில் , நேற்று முன்தினம் துவாரகா மாவட்ட நீதிமன்றம் அவர்களுக்கு விவாகரத்து வழங்கி உத்தரவிட்டுள்ளது . ஆனால் , சமூக வலைதளங்களில் வந்து கொண்டிருக்கும் சசிகலா புஷ்பாவின் திருமண அழைப்பிதழ் பற்றி இன்னும் யாரும் உறுதியாக சொல்லவில்லை , அந்த அழைப்பிதழில் இருக்கும் அலைபேசி என்னை தொடர்புகொள்ள முயன்றோம் ஆனால் தொடர்புகொள்ள முடியவில்லை இன்னும் அடங்காத இந்த செய்தி சமூக வலைதளங்களில் பரபரப்பை ஏற்படுத்தி உள்ளது .

வெஸ்ட் இண்டீஸ் அணிக்கு எதிரான ஒருநாள் தொடரில் சச்சின் மற்றும் கங்குலி ஆகியோரின் சாதனையை ரோஹித் சர்மா முறியடிக்க வாய்ப்புள்ளது . இந்தியா மற்றும் வெஸ்ட் இண்டீஸ் அணிகளுக்கு இடையேயான 5 போட்டிகள் கொண்ட ஒருநாள் தொடர் நாளை தொடங்குகிறது . இந்த தொடரில் வெஸ்ட் இண்டீஸ் அணிக்கு எதிராக அதிக ரன்கள் குவித்த இந்திய வீரர் என்ற சச்சின் டெண்டுல்கரின் சாதனையை கோலி முறியடிக்க இன்னும் 186 ரன்கள் மட்டுமே தேவை என்பதால் , இந்த தொடரில் சச்சின் டெண்டுல்கரின் சாதனையை கோலி முறியடித்துவிடுவார் என்று எதிர்பார்க்கப்படுகிறது . இந்த தொடரில் கோலிக்கு ஒரு சாதனை காத்திருப்பதைப் போலவே ரோஹித் சர்மாவிற்கும் ஒரு சாதனை காத்திருக்கிறது . ரோஹித் சர்மா சிக்ஸர்கள் அடிப்பதில் வல்லவர் . அலட்டிக்கொள்ளாமல் சிரமப்படாமல் தனது பேட்டிங் டெக்னிக்கின் மூலம் எளிதாக சிக்ஸர்கள் விளாசக்கூடியவர் ரோஹித் சர்மா . மிகக்குறைந்த போட்டிகளில் அதிகமான சிக்ஸர்கள் விளாசியவர் ரோஹித் . சர்வதேச கிரிக்கெட்டில் ( டெஸ்ட் , ஒருநாள் , டி20 ) அதிக சிக்ஸர்கள் விளாசிய இந்திய வீரர்களில் தோனிக்கு அடுத்த இடத்தில் ரோஹித் சர்மா இருக்கிறார் . சச்சின் , கங்குலி , யுவராஜ் , சேவாக் போன்ற வீரர்களை எல்லாம் எளிதாக பின்னுக்கு தள்ளிவிட்டார் ரோஹித் . 502 இன்னிங்ஸ்களில் ஆடி 342 சிக்ஸர்களை விளாசி , அதிக சிக்ஸர்களை விளாசிய இந்திய வீரர்களில் தோனி முதலிடத்தில் உள்ளார் . 302 இன்னிங்ஸ்களிலேயே 304 சிக்ஸர்களை விளாசிய ரோஹித் தோனிக்கு அடுத்த இடத்தில் உள்ளார் . இந்நிலையில் , சர்வதேச கிரிக்கெட்டில் ஒட்டுமொத்தமாக ரோஹித் சர்மா அதிக சிக்ஸர்கள் விளாசியிருந்தாலும் ஒருநாள் கிரிக்கெட்டில் அதிக சிக்ஸர்கள் விளாசிய பட்டியலில் தோனி , சச்சின் , கங்குலி ஆகியோருக்கு அடுத்த நான்காவது இடத்தில் உள்ளார் ரோஹித் சர்மா . 217 சிக்ஸர்களுடன் தோனி முதலிடத்திலும் 195 சிக்ஸர்களுடன் சச்சின் இரண்டாமிடத்திலும் 190 சிக்ஸர்களுடன் கங்குலி மூன்றாமிடத்திலும் உள்ளனர் . ரோஹித் சர்மா 186 சிக்ஸர்களுடன் நான்காமிடத்தில் உள்ளார் . இந்நிலையில் , வெஸ்ட் இண்டீஸுக்கு எதிரான ஒருநாள் தொடரில் 10 சிக்ஸர்கள் விளாசினால் கங்குலி , சச்சினை முந்தி இரண்டாமிடத்தை ரோஹித் பிடித்துவிடுவார் . தோனியின் சாதனையை இந்த தொடரில் முந்தமுடியாது என்றாலும் விரைவில் ரோஹித் முந்துவதற்கான வாய்ப்புகள் உள்ளன .

சசி “ஜெயிலிலிருந்து” . . . . தினகரன் ஆதரவாளர்கள் “குடகிலிருந்து” . . . . ஆஹா என்ன ஒரு பொருத்தம் . . . . தமிழக அரசியலில் இன்றைய நாள் உண்மையில் மிக முக்கியமானதாக தான் கருத வேண்டும் . . . 1 . காரணம் 4 ஆண்டுகள் சிறை தண்டனை பெற்று பெங்களூரு பரப்பன அக்ரஹார சிறையில் உள்ள சசிகலா , மருத்துவமனையில் உள்ள அவரது கணவர் நடராஜனை காண இன்று 5 நாள் பரோலில் வெளிவந்துள்ளார் . 2 . இரண்டாவதாக தமிழக புதிய ஆளுநராக பதவியேற்றார் பன்வாரிலால் புரோகித் . அதாவது , இன்று முதல் அவருக்கு தலைவலி தொடங்கும் என்பதை நாமே புரிந்துகொள்ளலாம் 3 . குடகில் தங்கி இருந்த தினகரன் ஆதரவு எம்எல்ஏக்கள் , பரோலில்வெளிவரும் சசிகலாவை வரவேற்பதற்காக பெங்களூரு வந்துள்ளனர் . இதெல்லாம் சரி பெங்களூரு வந்த தினகரன் ஆதரவாளர்கள் தமிழக எல்லையில் கால் பதிப்பார்களா என்ற ஆவல் எழுந்துள்ளது காரணம் சசிகலாவாவது பரோலில் வெளிவருகிறார் என்பது நாடறிந்த உண்மை . . . . ஆனால் தினகரன் ஆதரவு எம்எல்ஏக்கள் மற்றும் ஆதரவாளர்கள் , தினகரன் சொன்னால் தானே வெளிவர முடியும் . . . . ஆக மொத்தத்தில் , பெங்களூருவில் கூடியது . . . . . . @ இளவரசி மகன் விவேக் , அவரது மனைவி கீர்த்தனா , ராஜராஜன் ஆகியோரும் சசிகலாவுடன் சந்திப்பு @ பெங்களூரு பரப்பன அக்ரஹார சிறையில் சசிகலாவுடன் டிடிவி தினகரன் சந்திப்பு @ குடகிலிருந்து வெளிவந்த தினகரன் ஆதரவாளர்களும் சசிகலாவை சந்திப்பு . . . . . ஆக மொத்தத்தில் EPS OPS இவர்கள் இருவரும் கட்சியை விட்டு எவரையெல்லாம் ஒதுக்கினார்களோ அவர்கள் அனைவரும் , சசிகலாவிற்கு கொடுத்த பரோல் மூலம் ஒன்றாக சந்தித்து உள்ளனர் என்பது குறிப்பிடத்தக்கது

சர்வதேச கிரிக்கெட்டிலிருந்து ஓய்வு பெற்ற வீரர்கள் , தங்களது கனவு அணியை வெளியிடுவது வழக்கம் . அந்த வகையில் இலங்கை அணியின் முன்னாள் வீரரும் தற்போதைய நடுவருமான குமார் தர்மசேனா தனது கனவு அணியை அறிவித்துள்ளார் . இலங்கை அணியின் முன்னாள் வீரர் குமார் தர்மசேனா , 1993ம் ஆண்டு முதல் 2004ம் ஆண்டு வரையிலான காலக்கட்டத்தில் இலங்கை அணியில் ஆடினார் . 1996ம் ஆண்டு உலக கோப்பையை வென்ற இலங்கை அணியில் குமார் தர்மசேனா ஆடியுள்ளார் . தற்போது கிரிக்கெட் போட்டிகளுக்கு நடுவராக செயல்பட்டுவருகிறார் . இந்தியா இங்கிலாந்து இடையேயான தொடரில் குமார் தர்மசேனா நடுவராக செயல்பட்டார் . டெஸ்ட் , ஒருநாள் மற்றும் டி20 போட்டிகளுக்கு நடுவராக செயல்பட்டுவருகிறார் . இந்நிலையில் , தனது கனவு டெஸ்ட் அணியை குமார் தர்மசேனா தேர்வு செய்துள்ளார் . அந்த அணியின் தொடக்க வீரர்களாக ஆஸ்திரேலிய அணியின் மேத்யூ ஹைடன் மற்றும் இலங்கை அணியின் சானத் ஜெயசூரியா ஆகிய இருவரையும் தேர்வு செய்துள்ளார் . மிடில் ஆர்டரில் ரிக்கி பாண்டிங் , சச்சின் டெண்டுல்கர் , பிரயன் லாரா மற்றும் குமார் சங்ககரா ஆகியோரையும் ஆல்ரவுண்டராக ஜாக் காலிஸையும் தேர்வு செய்துள்ளார் . ஸ்பின் பவுலர்களாக இரு ஜாம்பவான்களான முரளிதரன் மற்றும் வார்னே ஆகிய இருவரையும் வேகப்பந்து வீச்சாளர்களாக மெக்ராத் மற்றும் வாசிம் அக்ரமையும் தேர்வு செய்துள்ளார் . குமார் தர்மசேனா தேர்வு செய்துள்ள அணிஃ மேத்யூ ஹைடன் ( ஆஸ்திரேலியா ) , சானத் ஜெயசூரியா ( இலங்கை ) , ரிக்கி பாண்டிங் ( ஆஸ்திரேலியா ) , சச்சின் டெண்டுல்கர் ( இந்தியா ) , பிரயன் லாரா ( வெஸ்ட் இண்டீஸ் ) , குமார் சங்ககரா ( இலங்கை ) , ஜாக் காலிஸ் ( தென்னாப்பிரிக்கா ) , வாசிம் அக்ரம் ( பாகிஸ்தான் ) , ஷேன் வார்னே ( ஆஸ்திரேலியா ) , முத்தையா முரளிதரன் ( இலங்கை ) , கிளென் மெக்ராத் ( ஆஸ்திரேலியா )

உத்தர பிரதேசம் , உத்தரகண்ட் , கோவா , மணிப்பூர் , குஜராத் ஆகிய மாநிலங்களை தொடர்ந்து , சட்டப்பேரவை தேர்தல் நடைபெற உள்ள திரிபுரா , மேகாலயா , கர்நாடகா ஆகிய மாநிலங்களிலும் ஆட்சியமைக்க பாஜக தீவிரமாக பணியாற்றி வருகிறது . விரைவில் தேர்தல் நடைபெற உள்ள கர்நாடகாவில் பாஜக படு பயங்கரமாக களப்பணிகளை ஆற்றிவருகிறது . பிரதமர் மோடி அவ்வப்போது கர்நாடகா சென்று பிரசாரம் செய்து வருகிறார் . பாஜக தேசிய தலைவர் அமித் ஷா , கர்நாடகா - ஆந்திரா எல்லைப்பகுதியில் கலாபுர்க்கி மாவட்டத்தில் விவசாயிகளை சந்தித்தார் . விவசாயிகளுக்கான அரசு என தங்களை பிரகடனப்படுத்தி கொள்ளும் பாஜகவின் தேசிய தலைவர் அமித் ஷாவோ விவசாயிகளின் கேள்விகளுக்கு பதிலளிக்க முடியாமல் நிராயுதபாணியாக நின்றார் . விவசாயியின் கேள்விஃ கார்ப்பரேட் நிறுவனங்களின் ரூ . 17 லட்சத்து 15 ஆயிரம் கோடியை தள்ளுபடி செய்ய மத்திய அரசிடம் போதுமான அளவுக்கு நிதி இருக்கிறது . ஆனால் , நாட்டில் உள்ள ஒட்டுமொத்த விவசாயிகளின் ரூ . 12 லட்சத்து 60 ஆயிரம் கோடி கடனைத் தள்ளுபடி செய்ய உங்கள் அரசிடம் பணம் இல்லை . நாங்கள் எல்லாம் சாதாரண விவசாயிகள் , சாமானிய மக்கள்தான் . ஆனால் நாங்கள்தான் வாக்களித்து உங்களை ஆட்சியில் அமரவைத்தோமே தவிர தொழிலதிபர்கள் அல்ல . அது உங்களுக்கு தெரியும்தானே என நெற்றிப்பொட்டில் அடித்தாற்போல கேள்வி எழுப்பினார் . அமித் ஷாவின் பதில்ஃ விவசாயிகளிடம் இருந்து இப்படி ஒரு சவுக்கடியை சற்றும் எதிர்பாராத அமித் ஷா சிறிது நேரம் அமைதியானார் . அதன்பிறகு பதிலளித்த அமித் ஷா , கார்ப்பரேட் நிறுவனங்களுக்கு மத்திய அரசு சார்பில் எந்தவிதமான கடன் தள்ளுபடியும் வழங்கப்படவில்லை . பிரதமர் மோடி தலைமையிலான அரசு கார்ப்பரேட் நிறுவனங்களுக்கு கடன் தள்ளுபடி செய்திருப்பதாக ராகுல் காந்தி பொய்யான தகவல்களை கூறி வருகிறார் . தொழில் அதிபர்களுக்கு உதவும் வகையில் வரிவீதங்களை மட்டுமே குறைத்து இருக்கிறோம் என அமித் ஷா தெரிவித்தார் . நிராயுதபாணியான அமித் ஷாஃ அதன்பிறகு விவசாய கடன் தள்ளுபடி செய்யப்படுமா ? என்ற கேள்விக்கு அமித் ஷா பதிலளிக்கவில்லை . மேலும் , சிவப்பு பருப்பு கொள்முதலில் தடை கொண்டு வருவது குறித்தும் , இறக்குமதி செய்யப்படும் பருப்பு வகைகளுக்கு வரி விதிப்பது குறித்தும் விவசாயிகள் எழுப்பிய கேள்விகளுக்கு பதிலளிக்க முடியாத அமித் ஷா , அங்கிருந்து சென்றுவிட்டார் . கர்நாடகாவில் ஆட்சியை பிடித்தே தீரவேண்டும் என்ற பாஜகவின் கனவை தகர்க்கும் வகையில் , பாஜகவின் தேசிய தலைவரையே கேள்விக் கணைகளால் திணறடித்து ஓடவிட்டுள்ளனர் கர்நாடக விவசாயிகள் .

122 சட்டமன்ற உறுப்பினர்களின் ஆதரவு இருப்பதால் மு . க . ஸ்டாலினால் எதுவும் செய்ய முடியாது என்று வனத்துறை அமைச்சர் திண்டுக்கல் சீனிவாசன் தெரிவித்துள்ளார் . கிணறு தோண்ட பூதம் கிளம்பிய கதையாக இருக்கிறது தமிழக அரசியல் நிலவரம் . நொடிக்கு மாறும் அரசியல் ஸ்டண்ட் , தலைவர்களின் அந்தர் பல்டி , இடைவிடாமல் அடித்து நொறுக்கும் பிரேக்கிங் நியூஸ்களால் தமிழக மக்கள் சோர்வின் உச்சத்திற்கே சென்றுள்ளனர் . சீக்கிரம் ஒரு முடிவுக்கு வாங்கய்யா என்ற மீம்ஸ்களும் இணையத்தில் ரெக்கை கட்டி பறக்கின்றன . ஆனாலும் தாங்கள் கொண்ட கொள்கையில் இதுவரை உறுதியாகவே பயணித்து வருகின்றனர் அதிமுகவின் இரு அணிளும் . சசிகலாவை நீக்குங்க அப்பறம் பார்க்கலாம் என்று ஓ . பி . எஸ் . டீம் தடதடக்க , அது குறித்து வெளிப்படையாக பதில் சொல்லாமல் தன் நிலையை சஸ்பெண்ஸாகவே வைத்து டென்சன் ஏற்றுகிறது எடப்பாடி அணி . போதாத குறைக்கு எடப்பாடி அணியுடன் இணைய வேண்டாம் என்பதே தொண்டர்களின் கருத்து என்று செம்மலையும் ஸ்கோர் செய்ய , இது ஓ . பி . எஸ் . அணியின் கருத்தா அல்ல ? செம்மலையின் தனிப்பட்ட விருப்பமா என்று இவ்விவகாரத்தை அசால்டாக டீல் செய்திருக்கிறார் தமிழக நிதி அமைச்சர் ஜெயக்குமார் . . கலங்கிய குட்டையில் மீன்பிடிக்க மாட்டோம் என்று சத்தியம் செய்யாத குறையாக திமுக செயல் தலைவர் மு . க . ஸ்டாலின் தெரிவித்தாலும் , அவரை மீண்டும் மீண்டும் வம்புக்கு இழுத்து வருகின்றனர் எடப்பாடி தலைமையிலான அமைச்சர்கள் . எங்களிடம் 124 எம் . எல் . ஏ . க்களின் ஆதரவு இருக்கிறது . அதனால் ஸ்டாலினால் எதுவும் செய்ய முடியாது என்று பஞ்ச் வசனம் பேசியிருக்கிறார் தமிழக வனத்துறை அமைச்சர் திண்டுக்கல் சீனிவாசன் . அதிமுக எம் . எல் . ஏ . க்களை திமுகவுக்கு அழைத்து வர ஸ்டாலின் முயற்சிக்கிறார் என்று பொய்யான தகவல்களை மத்திய அமைச்சர் பொன் . ராதாகிருஷ்ணன் பரப்புவதாகவும் சீனிவாசன் குற்றஞ்சாட்டி உள்ளார் .

ரஞ்சி கிரிக்கெட் போட்டியில் குஜராத் அணி முதல் முறையாக சாம்பியன் பட்டம் வென்று சாதனை படைத்தது . உள்ளூர் கிரிக்கெட் போட்டிகளில் முதன்மையான ரஞ்சி கிரிக்கெட்டின் இறுதிப் போட்டி மத்தியப் பிரதேச மாநிலம் இந்தூரில் நடைபெற்றது . கடந்த செவ்வாய்க்கிழமை தொடங்கிய இப்போட்டியில் மும்பை - குஜராத் அணிகள் மோதின . டாஸ் வென்ற குஜராத் அணி முதலில் பந்து வீச முடிவு செய்தது . மும்பை அணி முதல் இன்னிங்ஸ் 228 ஓட்டங்களுக்கு இழந்தது . அடுத்து முதல் இன்னிங்ûஸ விளையாடிய குஜராத் அணி 328 ஓட்டங்கள் . இதில் கேப்டன் பார்த்தீவ் படேல் அதிகபட்சமாக 90 ஓட்டங்கள் எடுத்தார் . இதையடுத்து , இரண்டாவது இன்னிங்ஸ் சிறப்பாக விளையாடிய மும்பை அணி 411 ஓட்டங்கள் சேர்த்து ஆட்டமிழந்தது . 312 ஓட்டங்கள் எடுத்தால் வெற்றி என்ற இலக்குடன் குஜராத் அணி களமிறங்கியது . தொடக்கத்தில் சற்று தடுமாறினாலும் , பின்னர் குஜராத் வீரர்கள் சிறப்பாக விளையாடினர் . முக்கியமாக அந்த அணியின் கேப்டன் பார்த்தீவ் படேல் சிறப்பாக விளையாடி 143 ஓட்டங்கள் குவித்து அணியின் வெற்றிக்கு வழிவகுத்தார் . 89 . 5 ஓவர்களில் 313 ஓட்டங்கள் எடுத்து குஜராத் அணி முதல் முறையாக ரஞ்சிக் கோப்பையைக் கைப்பற்றியது . ஆட்டநாயகனாக கேப்டன் பார்த்தீவ் படேல் அறிவிக்கப்பட்டார் .

கடந்த நவம்பர் மாதம் 15 ஆம் தேதி நள்ளிரவு கஜா புயல் நாகை மற்றும் வேதாரண்யம் இடையே கரையைக் கடந்தது . இந்த புயல் ஆடிய கோர தாண்டவத்தில் நாகை , திருவாரூர் , தஞ்சாவூர் , புதுக்கோட்டை உள்ளிட்ட 12 மாவட்டங்கள் கடுமையாக பாதிக்கப்பட்டன . இதில் லட்சக்கணக்கான தென்னை , மா , பலா உள்ளிட்ட மரங்கள் சாய்ந்தன . கிட்டத்தட்ட 15 ஆயிரம் கோடி ரூபாய் அளவுக்கு சேதமடைந்தது . விவசாயிகள் ஒரு புறம் கடுமையாக பாதிக்கப்பட்ட நிலையில் மீனவர்களும் பெரிதும் பாதிக்கப்ட்டனர் . மீனவர்கள் கடற்கரையில் நிறுத்தியிருந்த படகுகள் ஒன்றுடன் ஒன்று மோதியும் , கடலுக்கு இழுத்துச் செல்லப்பட்டும் சேதமடைந்தன . நாகை , புதுக்கோட்டை , திருவாரூர் ஆகிய மாவட்டங்களைச் சேர்ந்த மீனவர்களின் நூற்றுக்கணக்கான படகுகள் இந்த புயலால் கடுமையாக சேதமடைந்தன . இதையடுத்து சேதமடைந்த படகுகளுக்கு 85 ஆயிரம் ரூபாய் நிவாரண உதவியாக வழங்கப்படும் என தமிழக அரசின் சார்பில் முதலமைச்சர் எடப்பாடி பழனிசாமி அறிவித்திருந்தார் . இந்நிலையில் தமிழக சட்டப் பேரவையில் ஆளுநர் உரைக்கு நன்றி தெரிவித்து பேசிய முதலமைச்சர் எடப்பாடி பழனிசாமி , கஜா புயலால் பாதிக்கப்ட்ட படகுகளுக்கு நிவாரண நிதியாக 85 ஆயிரம் ரூபாய் அறிவிக்கப்பட்டிருந்த நிலையில் அதனை 1 லட்சத்து 50 ரூபாயாக உயர்த்தி உத்தரவிட்டுள்ளதாக தெரிவித்தார் .

வேலூர் சிறையில் இருந்து விடுதலையாகி வந்த திருமுருகன் காந்தி 55 நாட்களாக தான் எதிர்நோக்கிய சித்ரவதைகளை பட்டியலிட்டுள்ளார் . தூத்துக்குடி துப்பாக்கிச் சூடு சம்பவம் குறித்து ஐநா மனித உரிமைகள் ஆணையத்தில் பேசி திரும்பிய திருமுருகன் காந்தியை மூன்று மாதங்களுக்கு முன்னர் பெங்களூரில் வைத்து போலீஸ் கைது செய்தது . இதன் பின்னர் அவர் மீது அடுக்கடுக்கான வழக்குகள் பதிவு செய்யப்பட்டு வேலூர் சிறையில் அடைக்கப்பட்டார் . பெரும் சட்டப்போராட்டத்திற்கு பிறகு 55 நாட்கள் சிறைவாசத்தை முடித்து திருமுருகன் காந்தி விடுதலையான நிலையில் நேராக மருத்துவமனைக்கு சென்றார் . 15 நாட்கள் சிகிச்சைக்கு பிறகு திருமுருகன் காந்தி வீடு திரும்பி தனது அன்றாட நடவடிக்கைகளில் தீவிரம் காட்டி வருகிறார் . இந்த நிலையில் சிறையில் தனக்கு நேர்ந்த சித்தரவதைகளையும் திருமுருகன் காந்தி வெளிப்படுத்தி வருகிறார் . சமூக ஊடகங்களுக்கும் , தொலைக்காட்சிகளுக்கும் திருமுருகன் காந்தி அளித்த பேட்டி பின்வருமாறுஃ - கைது செய்யப்பட்டதுமே வேலூர் சிறைக்கு என்னை கொண்டு சென்றார் . வேலூர் சிறையில் என்னை அடைத்த பிளாக்கில் வேறு எந்த கைதியும் இல்லை . நிறைய அறைகள் இருந்தாலும் ஒரு அறையில் என்னை அடைத்து வைத்தார்கள் . எனக்கு பக்கத்தில் உள்ள அறைகளில் யாருமே கிடையாது . நான் மட்டும் தனிமை சிறையில் அடைக்கப்பட்டிருந்தேன் . ஒரே ஒரு காவலர் மட்டும் எப்போதும் என்னுடன் இருப்பார் . நான் குளிக்கும் போது கூட என்னை அவர் தனிமையில் விடமாட்டார் . என் குழந்தைகளுடன் நான் பேசும் போது கூட அந்த காவலர் எனக்கு அருகிலேயே நிற்பார் . வேலூர் சிறையில் மற்ற கைதிகளில் ஒருவரை கூட 55 நாட்களில் என்னை பார்க்க அனுமதிக்கவில்லை . எப்போதும் தனிமையிலேயே அமர்ந்திருப்பேன் . சாப்பாட்டை பொறுத்தவரை நான் சிறைக்கு சென்றதுமே எனக்கு உணவு கொடுக்கப்பட்டது . ஆனால் அந்த உணவில் சோப்பு நாற்றம் அடித்தது . இதனா இரண்டு நாட்கள் நான் சாப்பிடவில்லை . ஆனால் 3வது நாள் வேறு வழியின்றி சோப்பு நாற்றத்துடன் கூடிய உணவை சாப்பிடவேண்டிய நிலை ஏற்பட்டது . அன்று முதல் எனக்கு வயிறு வலிக்க ஆரம்பித்தது . வயிற்று போக்கு ஏற்பட்டது . வயிறும் வீங்கிவிட்டது . அப்படி இருந்தும் கூட எனக்கு வேறு நல்ல உணவு வழங்கப்படவில்லை . தொடர்ந்தே அதே உணவு தான் கொடுக்கப்பட்டது . உடல் நிலை மோசமானதாக கூறி மருத்துவமனையில் அனுமதிக்கப்பட்ட போது கூட சிறைக்காவலர்கள் என்னை விட்டு அகலவில்லை . என்னை மீண்டும் தனிமை சிறையில் அடைப்பதிலேயே குறியாக இருந்தனர் . ஒரு நாள் நாய் சாப்பாடு இல்லாமல் வயிற்று வலியுடன் மயங்கி விழுந்தேன் . சிறைக் காவலர் ஒருவர் தான் என்னை தனது தோளில் தூக்கிக் கொண்டுஓடி மருத்துவமனையில் அனுமதித்தார் . இதே போல் நான் தங்கியிருந்த அறைக்குள் பாம்பு ஒன்று வந்தது . பகல் நேரமாக இருந்த காரணத்தால் பாம்பு என்னை கடிக்கவில்லை . சிறைக்காவலர் உதவியுடன் பாம்பை விரட்டினே . இப்படியாக 55 நாட்களும் என்னை மன ரீதியாகவும் , உடல் ரீதியாகவும் சித்ரவதை செய்தே வெளியே அனுப்பினார்கள் . இவ்வாறு திருமுருகன் காந்தி கூறியுள்ளார் .

நடிகை ஓவியா தற்போதைய இளைஞர்களின் கனவுக்கன்னி என்று சொல்லும் அளவிற்கு பேவரைட் நடிகையாகி விட்டார் . மேலும் இவருக்கு பெண்கள் மற்றும் சிறுவர் சிறுமியர் என பலதரப்பட்ட ரசிகர்களும் உள்ளனர் . இதனால் இவர் எது செய்தாலும் அது பலராலும் ரசிக்கப்பட்டு வருகிறது . இந்நிலையில் இவர் இந்த வருட புத்தாண்டை வரவேற்கும் விதத்தில் , நடிகர் சிம்புவின் இசையில் ஒரு பாடலைப் பாடியுள்ளார் . இந்தப் பாடலின் ஆரம்பத்திலேயே . . . நிறுத்து நிறுத்து நிறுத்து எத்தன நாள் தான் நியூ இயர்க்கு இதே பாட்டு . . . எனக்கு புது பாட்டு வேணும் என கூறி ஓவியா இந்தப் பாடலை பாடத் துவங்குகிறார் . நியூ இயர் நைட்டு . . . ஆகலாமா டைட்டு . . . என்றும் , இனிய தமிழ் , தெலுங்கு , கன்னடம் , இந்தி , இங்கிலீஷ் எல்லா உலக மக்களே ' Wish you happy new year ' LET . . . GET . . . மரண மட்ட . . . என்ற வார்த்தைகளைக் கூறிய பின் . . ' நியூ இயர் நைட்டு ஆகலாமா டைட்டு . . . இன்னைக்கு நைட்டு எல்லாமே ரைட்டு . . . என்று துவங்கும் பாடலைப் பாட துவங்குகிறார் ஓவியா , நியூ இயர் ஸ்பெஷலாக ஓவியா சிம்புவின் இசையில் பாடியுள்ள . இந்தப் பாடல் தற்போது சமூக வலைதளங்களில் பட்டையைக் கிளப்பி வருகிறது . மேலும் சிம்பு இசையில் தற்போது வெளியாகியுள்ள படமான ' சக்க போடு போடு ராஜா ' திரைப்படத்திற்கும் ரசிகர்கள் மத்தியில் நல்ல வரவேற்பு கிடைத்து வருவது குறிப்பிடத்தக்கது . அந்த பாடல் இதோ

நேற்று முன் தினம் நடந்த பொதுக்கூட்டத்தில் பாஜக தலைவர் அமித் ஷா அப்படியொரு வெடியைக் கொளுத்திப் போடுவார் என்பதை யாரும் எதிர்பார்க்கவில்லை . ஆமாம் , இந்தியாவிலேயே தமிழகத்தில்தான் ஊழல் அதிகம் உள்ளது . தமிழகத்தில் அனைத்து இடங்களிலும் ஊழலை ஒழிக்க வேண்டும் என்பதுதான் அமித் ஷா வைத்த வெடி . அதிமுகவை சிறகில் வைத்து பாதுகாத்து வந்த பாஜக திடீரென அதிமுகவை இந்த அளவுக்கு தூக்கிப் போட்டு மிதிக்க என்ன காரணம் ? என அரசியல் கட்சிகள் தலையை பித்துக்கொள்ளும் அளவிற்கு அரசியல் கட்சிகளை அலரவிட்டுள்ளார் அமித்ஷா . ‘அமித் ஷா சென்னைக்கு வருவதற்கு ஒரு வாரத்துக்கு முன்பே அவரது டீமில் இருந்து நான்கு பேர் சென்னைக்கு வந்துவிட்டனர் . ஸ்டார் ஹோட்டலில் ரூம் போட்டு தங்கியிருந்த அவர்கள் , தமிழக அரசியல் அக்கு அக்காக பிரித்து மேய்ந்து ஒரு அசல் ரிப்போர்ட் தயாரித்துள்ளார்கள் . அதில் ‘ஆட்சியில் இருக்கும் அதிமுக நம் கட்டுப்பாட்டில் இல்லை . அங்கே எடப்பாடி சொல்வதையே கேட்கும் நிலையில் அமைச்சர்கள் இல்லை . ஒவ்வொருவரும் கல்லாக் கட்டுவதில் மட்டுமே குறியாக இருக்கிறார்கள் . அமைச்சர்கள் வீட்டுக்கு ரெய்டு போனால்கூட அத்தனை பேரும் சிக்குவார்கள் என அந்த ரிபோர்டில் பல ஷாக் தகவல்கள் இருந்துள்ளது . தமிழ்நாட்டில் பாஜகவுக்கு எதிராக மக்களை திசை திருப்புவதே அதிமுகதான் . கடந்த முறை பிரதமர் வந்த போது தமிழகத்தில் மோடியே திரும்பிப் போ என்ற கோஷம் சமூக வலைத்தளங்களில் எதிரொலித்தது . அதற்கு எந்த நடவடிக்கையும் எடப்பாடி அரசு எடுக்கவில்லை . இப்போதும் அமித் ஷாஜி வரும்போதும் அதேபோல சமூக வலைத்தளங்களில் பதிவிட ஆரம்பித்துவிட்டனர் . இப்போதும் அமைதியாக வேடிக்கைதான் பார்க்கிறது அரசு . அவர்களுக்கு நம்மோடு கூட்டணி வைக்கவும் விருப்பம் இல்லை . நாம் தமிழகத்தில் காலூன்றுவதிலும் விருப்பம் இல்லை . நாங்கள் எடுத்த ரிப்போர்ட்படி நாடாளுமன்ற தேர்தலில் 6 தொகுதிகளில் உறுதியாக ஜெயிக்கலாம் . அதை இன்னும் அதிகரிக்க வேண்டுமானால் நமக்கு கூட்டணி தேவை . அது அதிமுகவுடன் என்பது அவசியம் இல்லை . வேறு யாருடன் வேண்டுமானாலும் இருக்கலாம் . ஆனால் , தமிழகத்தில் இனி அதிமுக தொடர வேண்டுமானால் அதற்கு நம் தயவு தேவை . அதைப் பற்றிய கவலை கொஞ்சமும் அதிமுகவுக்கு இல்லை’ என்று தெரிவித்துள்ளனர் . இந்த விவரங்கள் அமித் ஷா சென்னைக்கு வருவதற்கு முன்பே இந்த தகவல் அவரது கைக்குப் போனதும் பேசவேண்டியதை தெளிவாக்கிக் கொண்டார் . எல்லாம் சேர்த்துதான் மேடையில் தமிழக அரசு ஊழல் அரசு என எடுத்த எடுப்பிலேயே பொங்கிவிட்டார் அமித் ஷா .

நடிகர் சங்கத்தின் செயல்பாடுகள் பிடிக்காமல் நடிகர் எஸ் . வி . சேகர் , கடந்த சில தினங்களுக்கு முன்பு இவர் வகித்து வந்த அறங்காவலர் பதவியை ராஜினாமா செய்தார் . இது குறித்து அவர் வெளியிட்ட அறிக்கையில் , மூத்த நடிகர்களுக்கு தற்போதைய நடிகர் சங்க நிர்வாகிகள் மரியாதை கொடுக்காமல் நடத்தியதாகவும் , நடிகர் சங்கத்தால் மலேசியாவில் ஏற்பாடு செய்யப்பட்ட கலை விழாவில் கலந்து கொள்ள வந்த நடிகர்கள் பலர் விமான நிலையம் வரை சென்று மீண்டும் திரும்பச் சென்றதாகவும் கோபமாகக் கூறியிருந்தார் . எஸ் . வி . சேகர் பேட்டிஃ மேலும் இது பற்றி , எஸ் . வி சேகர் ஏசியா நெட் செய்தியாளருக்குக் கொடுத்த பிரத்யேகப் பேட்டியில் . . . நடிகர் சங்கத்தைப் பற்றி போகிற போக்கில் எல்லாம் தன்னால் குறை கூற முடியாது அப்படிக் கூற நான் பொறம்போக்கு இல்லை . மூத்த நடிகர்களை அவர்கள் அவமானப்படுத்துவது போல் நடந்துகொண்டது நிஜம் என அடித்துக் கூறினார் . ஏற்கனவே நடிகர் பொன்வண்ணன் , துணைத் தலைவர் பதவியில் இருந்து விலகியபோது . . . அவருடைய ராஜினாமாவை ஏற்றுக்கொள்ளாமல் சமாதனம் பேசி மீண்டும் அவரை பதவி ஏற்றுக்கொள்ள வைத்தவர்கள் , உங்களிடம் பதவி விலகியது குறித்து பேச்சு வார்த்தை நடத்தவில்லையா என செய்தியாளர் கேட்டபோது . கார்த்தியால் பட்ட அவமானம்ஃ அதற்கு பதில் அளித்த எஸ் . வி . சேகர் , நான் பதவியை ராஜினாமா செய்து விட்டேன் என்கிற தகவலை வாட்ஸ் ஆப் குரூப்பில் தெரியப் படுத்தியவுடன் , முதல் வேலையாக நடிகர் கார்த்தி என்னை அந்த குரூப்பில் இருந்து விலக்கினார் எனக் கூறியுள்ளார் . கார்த்தி என்னை வாட்ஸ்அப் குரூப்பில் இருந்து விலக்கியதில் காட்டிய வேகத்தை நடிகர் சங்க செயல்பாட்டில் காட்டினால் சங்கமாவது முன்னேறும் என தெரிவித்தார் எஸ்வி . சேகர் . எஸ் . வி சேகர் ஒரு மூத்த கலைஞர் என்று கூட மதிக்காமல் , கார்த்தி செய்தது அவரை அவமானப்படுத்தச் செய்தது என்று தான் பார்க்கப்படுகிறது .

இந்தி திணிப்புக்கு ஆதரவாக இருந்த காரணத்தினால் தான் தேர்தலில் காமராஜர் தோல்வி அடைந்ததாக டி . டி . வி தினகரன் பேசியதால் நாடார் அமைப்புகள் கடும் கோபத்தில் இருக்கின்றன . திருவண்ணாமலையில் எட்டு வழிசாலை திட்டத்திற்கு எதிரான ஆர்பாட்டத்தை முடித்துவிட்டு டி . டி . வி தினகரன் சேலத்திற்கு சென்றார் . சேலத்தில் செய்தியாளர்களிடம் பேசிய தினகரன் , மக்களின் மன நிலைக்கு எதிராக செயல்படும் எந்த அரசும் நீடிக்க முடியாது என்று கூறினார் . சேலம் – சென்னை பசுமை வழிச்சாலை திட்டத்திற்கு எதிராக மக்கள் இருப்பதாக டி . டி . வி தெரிவித்தார் . இதனை உணர்ந்து தான் சேலத்தில் கடந்த வாரம் செய்தியாளர்களிடம் பேசிய எடப்பாடி பழனிசாமி திடீரென பசுமை வழிச்சாலை திட்டம் மத்திய அரசின் திட்டம் என்று பல்டி அடித்ததாக தினகரன் கூறினார் . மேலும் மக்களின் மனநிலைக்கு எதிராக முடிவெடுத்து இந்தி திணிப்பை ஆதரித்த காரணத்தினால் தான் தேர்தலில் காமராஜரை மக்கள் தோற்கடித்ததாகவும் தினகரன் கூறியுள்ளார் . காமராஜர் மிகப்பெரிய தலைவர் . ஆனாலும் அவர் தேர்தலில் தோற்கடிக்கப்பட்டார் . இதற்கு காரணம் இந்தி திணிப்பை காமராஜர் ஆதரித்தது தான் என்கிற ரீதியில் டி . டி . வி செய்தியாளர்களிடம் தெரிவித்தார் . டி . டி . வி தினகரனின் இந்த பேச்சு காமராஜர் சார்ந்த நாடார் சமுதாயத்தை கோபப்படுத்தியுள்ளது . வரலாற்றை அரைகுறையாக தெரிந்து கொண்டு தினகரன் பேசியுள்ளதாக நாடார் சங்க நிர்வாகிகள் கூறியுள்ளனர் . காமராஜர் ஒரு போதும் இந்தி திணிப்பை ஆதரித்து பேசியதில்லை என்று அவர்கள் தெரிவித்துள்ளனர் . தமிழர்கள் இந்தி கற்றுக் கொள்வது நல்லது என்று மட்டுமே காமராஜர் கூறியுள்ளார் , அவர் ஒரு போதும் இந்தியை கட்டாயப்படுத்தவில்லை என்றும் நாடார் சங்க நிர்வாகிகள் கூறியுள்ளார் . உண்மை இப்படி இருக்க , காமராஜர் ஏதோ இந்தியை கட்டாயப்படுத்தி தமிழர்களிடம் திணித்ததை போல் தினகரன் பேசியுள்ளதாக அவர்கள் குற்றஞ்சாட்டியுள்ளார் . நாடு முழுவதும் போற்றப்படும் ஒரு தலைவர் குறித்து அரைவேக்காட்டுத்தனமாக தினகரன் பேசியுள்ளதை ஏற்க முடியாது என்று நாடார் அமைப்புகள் கூறியுள்ளன . உடனடியாக தனது பேச்சை தினகரன் திரும்ப பெற்று தவறாக பேசியதற்கு வருத்தம் தெரிவிக்க வேண்டும் என்றும் நாடார் அமைப்புகள் வலியுறுத்தியுள்ளன .

யுவனின் இசையை ரசிக்காத இளைஞர்கள் தமிழகத்தில் அறவே இல்லை என்று கூறலாம் . அந்த அளவிற்கு தன்னுடைய இசையின் மூலம் தனக்கென மிகப்பெரும் ரசிகர் பட்டாளத்தை உடையவர் . 125 க்கும் மேற்பட்ட படங்களுக்கு இசையமைத்துள்ள யுவன் ஷங்கர் ராஜா தற்பொழுது " பியார் பிரேம காதல் " என்னும் திரைப்படத்திற்கு இசையமைத்து தயாரித்துள்ளார் . இவருடைய இசைக்காக மட்டுமே வெற்றிப்பெற்ற படங்களின் எண்ணிக்கை அதிகம் . இவ்வாறு , இசையில் தன்னுடைய தந்தையைத் தொடர்ந்து தனக்கென மிகப்பெரும் சாம்ராஜியத்தை உருவாக்கிய யுவன் ஷங்கர் ராஜா தன்னுடைய அடுத்த அவதாரத்தைப் பற்றி சமீபத்தில் கூறியுள்ளார் . அது என்னவென்றால் , திரைப்படம் இயக்குவதற்கானப் பணிகளில் உள்ளதாகவும் , அந்த திரைப்படம் யாரும் எதிர்பார்க்காத அளவிற்கு இருக்குமென்று கூறியுள்ளார் . மேலும் , இயக்குனர் விஷால் பரத்வாஜ் தான் எனக்கு மிகப்பெரும் இன்ஷ்பிரேசன் என்றும் , இயக்குனர் டாம் டைக்வரின் " பெர்சோனா " மாதிரியான திரைப்படங்களை இயக்குவதற்கு தான் எனக்கு விருப்பம் என்றும் தெரிவித்துள்ளார் . மிக விரைவில் ம்யூசிக் ஜாம்பவானை இயக்குனர் அவதாரத்தில் பார்க்கலாம் என கோலிவுட் வட்டாரத்தினர் கூறி வருகிறார்கள் .

பேய் படங்கள் என்றாலே தனி ரகம் தான் . பயத்தை தேடி சென்று ரசிப்பது மனித இயல்பு . இது போன்ற விநோத ரசனை கொண்டவர்களுக்காகவே , பல திகில் திரைப்படங்கள் திரைக்கு வந்திருக்கின்றன . திகில் படங்களில் ஹாலிவுட் படங்கள் எப்போதுமே வேற லெவல் தான் . அந்த வகையில் ”காஞ்சூரிங்” திரைப்படத்தை யாரும் எளிதில் மறந்திருக்க மாட்டார்கள் . சாதாரணமான பேய் கதைகளை விட , நிஜ பேய்க்கதைகள் தான் அதிகம் திரில் கொடுக்கும் . காஞ்சூரிங் அப்படிப்பட்டது தான் . பேய்களை பற்றி ஆராய்ச்சி செய்து வந்த தம்பதியர் , தங்கள் ஆராய்ச்சியில் பதிவு செய்திருந்த ஆவணங்களை , அடிப்படையாக கொண்டு எடுக்கப்பட்டது தான் காஞ்சூரிங் . இந்த படத்தின் இரண்டு பாகங்களையும் தயாரித்தவர் ’ஜேம்ஸ் வான்’ . ’காஞ்சூரிங்’ படத்தின் இரண்டாம் பாகத்தில் ஒரு கன்னியா ஸ்த்ரீ போன்ற அமானுஷ்யமான கதாபாத்திரம் தான் , கதையில் மிரட்டலாக இருக்கும் . அந்த கன்னியா ஸ்த்ரீ பற்றிய கதையை தான் இப்போது ”தி நன்” ( THE NUN ) என்ற பெயரில் படமாக்கி இருக்கின்றனர் . இத்திரைப்படத்தின் டிரெயிலர் இன்று ரிலீசாகி இருக்கிறது . இதில் அந்த கன்னியா ஸ்த்ரீ எப்படி தீய சக்தியாக மாறினார் ? என்பது தான் கதை . டிரெயிலரின் ஆரம்பத்தில்லேயே “இறுதி வரை பாருங்கள் “ என ஒரு குறிப்புடன் தொடங்கி இருக்கின்றனர் . அப்படி ஒரு திரில்லை ட்ரெயிலரில் ஒளித்து வைத்திருக்கிறார் இப்படத்தின் இயக்குனர் ’காரின் ஹார்டி’ . திகில் பட விரும்பிகளுக்கு “THE NUN” திரைப்படம் நிச்சயமாக ஒரு விருந்தாக அமையும் என்ற எதிர்பார்ப்பை உருவாக்கி இருக்கிறது இந்த டிரெயிலர் . வரும் செப்டம்பர் 7 அன்று இப்படம் உலகெங்கிலும் உள்ள திரையரங்குகளில் , ரிலீசாகும் எனவும் ட்ரெயிலரில் தெரிவிக்கப்பட்டு இருக்கிறது .

19 வயதுக்கு உட்பட்ட இந்திய அணியின் வீரர் பவன் ஷா , இலங்கைக்கு எதிரான யூத் டெஸ்ட் போட்டியில் 282 ரன்களை குவித்து சாதனை படைத்துள்ளார் . இலங்கைக்கு சுற்றுப்பயணம் சென்றுள்ள 19 வயதுக்கு உட்பட்ட இந்திய அணி , அந்நாட்டு ஜூனியர் அணியுடன் யூத் டெஸ்ட் போட்டிகளில் ஆடிவருகிறது . 2 டெஸ்ட் போட்டிகள் மற்றும் 5 ஒருநாள் போட்டிகளில் இந்திய ஜூனியர் அணி ஆடிவருகிறது . இதில் முதல் டெஸ்ட் போட்டியில் இன்னிங்ஸ் மற்றும் 21 ரன்கள் வித்தியாசத்தில் இந்திய அணி அபார வெற்றி பெற்றது . இதையடுத்து இரண்டாவது டெஸ்ட் போட்டி நடந்துவருகிறது . இதில் முதலில் பேட்டிங் செய்த இந்திய அணி 8 விக்கெட் இழப்பிற்கு 613 ரன்களை குவித்து முதல் இன்னிங்ஸை டிக்ளேர் செய்தது . இதில் , இந்திய அணியின் தொடக்க வீரர் அதர்வா 177 ரன்களை குவித்தார் . 3ம் வரிசையில் களமிறங்கிய பவன் ஷா , 33 பவுண்டரிகள் மற்றும் ஒரு சிக்ஸருடன் 282 ரன்களை குவித்தார் . 19 வயதுக்கு உட்பட்ட அணியில் டெஸ்ட் போட்டியில் இரண்டாவது அதிகபட்சமான ஸ்கோர் இதுதான் . இந்திய ஜூனியர் அணியில் டெஸ்ட் போட்டிகளில் அதிகபட்சமான ஸ்கோரும் இதுதான் . இதற்கு முன் வேறு எந்த இந்திய ஜூனியர் அணியின் வீரரும் ஒரு இன்னிங்ஸில் இத்தனை ரன்கள் குவித்ததில்லை . 19 வயதுக்கு உட்பட்ட வீரர்களில் 1995ம் ஆண்டு ஆஸ்திரேலிய அணி வீரர் பீக் அடித்த 304 ரன்களே அதிகபட்ச ஸ்கோராக உள்ளது . இரண்டாவது இடத்தில் 1993ம் ஆண்டு இங்கிலாந்து வீரர் டோவ்மன் அடித்த 267 ரன்கள் இருந்தது . தற்போது அதை பின்னுக்கு தள்ளி இந்திய வீரர் பவன் ஷா , 282 ரன்களுடன் இரண்டாமிடத்தை பிடித்துள்ளார் . < blockquote class = " twitter - tweet " data - lang = " en " > < p lang = " en " dir = " ltr " > Highest innings in U19 Youth Cricket < br > < br > 304 * C Peake ( AUS ) vs Ind 1995 < br > 282 Pawan Shah ( IND ) vs SL today < br > 267 M Dowman ( ENG ) vs WI 1993 < br > 260 * K Sharp ( ENG ) vs WI 1978 < br > 254 G Muchail ( ENG ) vs Ind 2002 < / p > & mdash ; BrokenStats ( @ Broken _ Statz ) < a href = " https : / / twitter . com / Broken _ Statz / status / 1022037216103747584 ? ref _ src = twsrc % 5Etfw " > July 25,2018 < / a > < / blockquote > < script async src = " https : / / platform . twitter . com / widgets . js " charset = " utf - 8 " > < / script > 25 ஆண்டுகளுக்கு பிறகு இரண்டாமிடத்தில் இருந்த வீரரை பின்னுக்கு தள்ளி பவன் ஷா அந்த இடத்தை பிடித்துள்ளார் . 282 ரன்களில் பவன் ரன் அவுட்டாகிவிட்டார் . இல்லையென்றால் , முச்சதம் அடித்து , முதலிடத்தை பிடித்திருப்பார் .

முதல் 6 ஓவர்களில் நாம் ஆதிக்கம் செலுத்தினால் கண்டிப்பாக வெற்றி பெறலாம் என சுரேஷ் ரெய்னா நம்பிக்கை தெரிவித்துள்ளார் . தென்னாப்பிரிக்காவுக்கு எதிரான டி20 தொடர் 1 - 1 என்ற சமநிலையில் உள்ளது . கடந்த ஓராண்டாக அணியில் இடம் கிடைக்காமல் தவித்துவந்த சுரேஷ் ரெய்னா இந்த டி20 தொடரில் சேர்க்கப்பட்டுள்ளார் . முதல் இரண்டு டி20 போட்டிகளில் அதிகப்படியான ரன்களை குவிக்காவிட்டாலும் அதிரடி காட்டி மிரட்டினார் . முதல் போட்டியில் இந்தியா வென்ற நிலையில் , இரண்டாவது போட்டியில் தோல்வி அடைந்தது . இந்நிலையில் , இன்று மூன்றாவது டி20 போட்டி நடக்க இருக்கிறது . இதுதொடர்பாக பேசியுள்ள சுரேஷ் ரெய்னா , கடந்த இரண்டு போட்டிகளில் எனது ஆட்டம் எனக்கு மகிழ்ச்சியளிக்கிறது . கடந்த 2 போட்டிகளிலுமே முதல் 6 ஓவர்களில் நமது பேட்ஸ்மேன்கள் சிறப்பாக ஆடினர் . எனவே முதல் 6 ஓவர்களில் நாம் ஆதிக்கம் செலுத்தினால் கண்டிப்பாக வெற்றி பெறலாம் . என் மீது கேப்டன் கோலி மிகுந்த நம்பிக்கை வைத்திருக்கிறார் . எனது பாணியிலேயே ஆட விரும்புகிறேன் . இன்றைய போட்டியிலும் என்னால் முடிந்த அளவு சிறப்பாக செயல்படுவேன் . கேப்டன் கோலி அணியை சிறப்பாக வழிநடத்துகிறார் . இந்த போட்டியில் சிறப்பாக செயல்பட்டு வெற்றி பெற்று டி20 தொடரை கைப்பற்றுவோம் என சுரேஷ் ரெய்னா நம்பிக்கை தெரிவித்தார் .

நடிகர் மன்சூர் அலிகான் நடிப்பில் வில்லத்தனம் காட்டினாலும் , உண்மையில் தன்னால் முடிந்த உதவிகளை மக்களுக்கு செய்து வருகிறார் . இந்நிலையில் இவர் மக்களுக்கு நீர் ஆதாரங்களில் ஒன்றாக திகழும் , அம்மாப்பேட்டை ஏறி மற்றும் மூக்கன் ஏறி ஆகியவற்றை சுத்தம் செய்ய கடந்து இரண்டு தினங்களுக்கு முன்பு சேலம் சென்றார் . அங்கு மார்பளவுதண்ணீரில் இறங்கி , ஏரிகளில் பராமரிப்பு இன்றி தண்ணீரை வீணாக்கி வரும் ஆகாயத்தாமரை செடிகளை அகற்றினார் . மேலும் இவருடன் பொதுமக்களும் ஏரியில் இறங்கி வேலை செய்தனர் . உடைநிலை சரி இல்லாதா நிலையிலும் , தண்ணீரில் இறங்கி வேலைகள் செய்ததோடு . . . ஏரியை முழுவதும் சுத்தம் செய்ய 1 லட்சம் ரூபாய் பணமும் கொடுத்து சென்றுள்ளார் மன்சூர் அலிகான் . இந்த ஏரியை பார்வையிட கடந்த சில நாட்களுக்கு முன் நடிகர் கார்த்தி மற்றும் சிம்பு வந்து சென்றனர் . ஆனால் இவர்கள் எந்த வேலையோ ஏரியை பராமரிக்க எந்த உதவியும் செய்யாத நிலையில் , இவர் செய்துள்ள இந்த உதவிக்கு அந்த பகுதி மக்கள் தங்களுடைய நன்றியை தெரிவித்து வருகின்றனர் . மேலும் , ரசிகர்கள் பலர் இவரை வாழ்த்தி வருகின்றனர் .

வீரர்களை அணியிலிருந்து நீக்கும்போது அதற்கு சரியான காரணத்தை தேர்வுக்குழு தெரிவிக்க தவறுவதாக சர்ச்சை கிளம்பிய நிலையில் , அதுபோன்ற அனுபவம் தனக்கு நேர்ந்ததில்லை என இந்திய அணியின் வேகப்பந்து வீச்சாளர் உமேஷ் யாதவ் தெரிவித்துள்ளார் . இங்கிலாந்து டெஸ்ட் தொடருக்கான இந்திய அணியில் இடம்பெற்றிருந்த கருண் நாயருக்கு ஒரு போட்டியில் கூட அணியில் ஆட வாய்ப்பு வழங்கப்படவில்லை . அதுவே பெரும் சர்ச்சையை கிளப்பிய நிலையில் , அந்த தொடரில் ஆடுவதற்கே வாய்ப்பு வழங்கப்படாத கருண் நாயர் , வெஸ்ட் இண்டீஸ் அணிக்கு எதிரான டெஸ்ட் தொடரில் புறக்கணிக்கப்பட்டார் . வாய்ப்பே கொடுக்காமல் கருண் நாயர் அணியிலிருந்து நீக்கப்பட்டது பெரும் சர்ச்சையை கிளப்பியது . ஹர்பஜன் சிங் , வீரர்கள் தேர்வு எதனடிப்படையில் நடக்கிறது என்பதை புரிந்துகொள்ள முடியவில்லை என்று பகிரங்கமாக தேர்வுக்குழுவுக்கு எதிராக கருத்து தெரிவித்தார் . கருண் நாயரும் தனது அதிருப்தியை வெளிப்படுத்தியிருந்தார் . இதுதொடர்பாக கருண் நாயரிடம் தேர்வுக்குழு சார்பில் விளக்கமளிக்கபட்டதாக தேர்வுக்குழு தலைவர் எம் . எஸ் . கே . பிரசாத்தும் தெரிவித்திருந்தார் . இந்நிலையில் , இங்கிலாந்து டெஸ்ட் தொடரில் முதல் இரண்டு போட்டிகளில் சரியாக ஆடாததால் அந்த தொடரின் எஞ்சிய போட்டிகளிலிருந்து நீக்கப்பட்ட முரளி விஜயும் வெஸ்ட் இண்டீஸ் தொடரில் இடம்பெறவில்லை . அதனால் அதிருப்தியில் இருந்த முரளி விஜய் , இங்கிலாந்து தொடரில் அணியிலிருந்து நீக்கப்பட்தற்கு பிறகு தன்னை தேர்வுக்குழுவினர் தொடர்புகொள்ளவே இல்லை எனவும் அணி தேர்வு குறித்து ஹர்பஜன் சிங் தெரிவித்த கருத்துடன் உடன்படுவதாகவும் முரளி விஜய் பகிரங்கமாக தெரிவித்தார் . முரளி விஜயின் குற்றச்சாட்டுக்கு தேர்வுக்குழு தலைவர் எம் . எஸ் . கே . பிரசாத் விளக்கமளித்ததோடு , அதை மறுக்கவும் செய்தார் . மேலும் முரளி விஜயை தேர்வுக்குழு உறுப்பினர் ஒருவர் தொடர்பு கொண்டு பேசியதாகவும் , முரளி விஜயின் குற்றச்சாட்டு ஆச்சரியமளிப்பதாகவும் தெரிவித்தார் . இந்நிலையில் , இதுதொடர்பாக கருத்து தெரிவித்துள்ள உமேஷ் யாதவ் , தனக்கு இதுபோன்ற அனுபவம் தேர்வுக்குழுவிடம் நேர்ந்ததில்லை எனவும் தான் அணியிலிருந்து நீக்கப்பட்ட சமயங்களில் , அதற்கான காரணத்தை தன்னிடம் தேர்வுக்குழு தெரிவித்ததாகவும் கூறியுள்ளார் . முரளி விஜய் தேர்வுக்குழு மீது ஒரு குற்றச்சாட்டை முன்வைத்த நிலையில் , அதை சக வீரரான உமேஷ் யாதவே மறுத்திருப்பது மேலும் சர்ச்சையை கிளப்பியுள்ளது .

நான் நிர்வாணமாக நடித்தால் கூட என் கணவர் ஒன்னும் சொல்லமாட்டார் என்றும் , அதற்கு அவர் முழு சுதந்திரம் தந்திருக்கிறார் என்றும் பிரபல நடிகை சுர்வீன் சாவ்லா தெரிவித்துள்ளார் . மூன்று பேர் மூன்று காதல் , ஜெய் ஹிந்த் - 2 ஆகிய படங்களில் தமிழ் படங்களில் நடித்தவர் பிரபல இந்தி நடிகை சுர்வீன் சாவ்லா . இவர் கடந்த 2015ல் ரகசியமாக திருமணம் செய்துகொண்டார் . டிசம்பர் 2017 ல் தான் அவரது கணவர் பற்றி வெளியில் கூறினார் . மூன்று ஆண்டுகளாக திருமணம் நடந்ததை அவர் மறைத்து வந்தது பலருக்கும் அதிர்ச்சியை ஏற்படுத்தியது . அதே நேரத்தில் பொதுவாக எந்த மொழி நடிகைகளாக இருந்தாலும் திருமணத்துக்குப் பின்பு பெரும்பாலும் படங்களில் நடிப்பதை நிறுத்தி விடுவார்கள் . கணவர் வீட்டு குடும்பத்துடன் ஐக்கியமாகி விடுவார்கள் . ஆனால் நடிகை சுர்வீன் சாவ்லா மட்டும் கொஞ்சம் வித்தியாசமாக இருக்கிறார் . திருமணத்திற்கு பிறகு எப்படி வேண்டுமானாலும் நடிப்பேன் என்று கூறி உள்ளார் . இந்நிலையில் நடிகை சாவ்லா , கேப்டவுனில் தனது கணவர் அக்ஷய் தக்கருடன் தற்போது விடுமுறையை கழித்து வருகிறார் . தனது திருமணம் குறித்து அவர் பிரபல ஆங்கில பத்திரிகைக்கு அளித்த பேட்டியில் தனது திருமண வாழ்க்கை அழகாக இருக்கிறது " என்று கூறினார் . தனது கணவர் தொழில்முறை விருப்பங்களை ஆதரிக்கிறார் . நான் என்னுடன் நடிக்கும் சக நடிகரை கிஸ் செய்தாலும் . ஏன் நிர்வாணமாக நடித்தாலும்கூட என் கணவர் எதுவும் சொல்லமாட்டார் . அந்தளவுக்கு அவர் எனக்கு முழு சுதந்திரம் கொடுத்துள்ளார் . அவர் என்னை புரிந்து வைத்து உள்ளார் . அதனால் தான் அவரை திருமணம் செய்துகொண்டேன் என நடிகை சுர்வீன் சாவ்லா கூறியுள்ளார் .

பிக் பாஸ் நிகழ்ச்சியில் சில நாட்கள் மட்டுமே நடிகை ஓவியா விளையாடி இருந்தாலும் தன்னுடைய நல்ல குணத்தின் மூலம் ரசிகர்கள் மனதில் நிலையாக நின்று விட்டார் . தற்போது 100 நாட்கள் நிகழ்ச்சி முடிவடைந்து விட்டதால் இந்த நிகழ்ச்சியில் கலந்துக்கொண்ட அனைவரும் தற்போது பல ஊடகங்களிலும் , தொலைக்காட்சி நிகழ்ச்சிகளிலும் பங்கேற்று தங்களுடைய பிக் பாஸ் அனுபவம் குறித்து அனைவருடனும் பகிர்ந்து வருகின்றனர் . ஆனால் ஓவியா சற்று வித்தியாசமாக தன்னுடைய ஓவியா ஆர்மி ரசிகர்களை சந்தித்து பேசி வருகிறார் . அப்படி ஒரு ரசிகரை சந்தித்து பேசும்போது தன்னுடைய அனைத்து ரசிகர்களுக்கும் வேண்டுகோள் ஒன்றை வைத்துள்ளார் . அதில் தயவு செய்து ஜூலியை இப்படி செய்யாதீர்கள் , பாவம் தயவு செய்து கேட்டுக்கொள்கிறேன் என கூறியுள்ளார் . ஓவியா தற்போது இப்படி கூற காரணம் , ஜூலி கடந்த சில நாட்களுக்கு முன்பு ஒரு கல்லூரியின் நிகழ்ச்சியில் கலந்துக்கொண்டு நடனமாடினார் . நடனமாடி முடித்த பின் இவரை மேடைக்கு அழைத்து பேச கூறியபோது அங்கிருந்த ஓவியா ரசிகர்கள் பலர் ஜூலியை பேசவிடாமல் ஓவியா ஆர்மி , ஓவியா . . . ஓவியா . . . என கத்தி அந்த இடத்தில் இருந்து ஜூலியை விரட்டி அடித்தனர் . இதனை கேள்விப்பட்ட ஓவியா தற்போது ஜூலியை இப்படி யாரும் நடத்த வேண்டாம் என தன்னுடைய ரசிகர்களுக்கு வேண்டுகோள் வைத்துள்ளார் என்பது குறிப்பிடத்தக்கது .

MeToo ஹாஷ்டாக் பயன்படுத்தி , பாடகி சின்மயி வைரமுத்துவின் வெளியிட்ட பின்பு , தொடர்ந்து பெண்கள் பலர் நடிகர் ராதாரவி , நடன இயக்குனர் கல்யாண் என வரிசையாக வெளியிட்டு வரும் நிலையில் தற்போது பிரபல கிரிக்கெட் வீரரின் பெயர் வெளியாகி பரபரப்பை ஏற்படுத்தியுள்ளது . இலங்கை கிரிக்கெட் அணியின் வேகப்பந்து வீச்சாளர் மலிங்கா மீது பெண் ஒருவர் பாலியல் புகார் கூறியுள்ளார் . பெயர் வெளியிட விரும்பாத அந்த பெண்ணின் சார்பில் அவரது குற்றச்சாட்டை பாடகி சின்மயில் ட்விட்டரில் வெளியிட்டுள்ளார் . அந்த பதிவில் கூறப்பட்டுள்ளதாவதுஃ எனது பெயரை சொல்ல விருப்பவில்லை . சில ஆண்டுகளுக்கு முன்பு நான் மும்பையில் இருந்த பொது நடந்த சம்பவம் இது . அப்போது அங்குள்ள ஓட்டலில் தங்கியிருந்த எனது தோழியை சந்திக்க சென்றேன் . அங்கு ஐ . பி . எல் . கிரிக்கெட்டின் மூலம் பிரபலமான இலங்கை வீரை நிற்பதை பார்த்ததும் பரவசப்பட்டேன் . என்னிடம் பேச்சு கொடுத்த அவர் , எனது தோழி அவரது அறையில் இருப்பதாக கூறினார் . அதை நம்பி நானும் அங்கு சென்றேன் . அறையில் எனது தோழி இல்லை . அப்போது இலங்கை வேறை என்னை படுக்கையில் தள்ளி தவறாக நடக்க முயற்சித்தார் . அந்த சமயம் ஹோட்டல் ஊழியர் கதவை தட்டினார் . கதவை திறந்ததும் நான் அங்கிருந்து ஓடிவிட்டேன் . இதை வைத்து , அவர் பிரபலம் என்பதால் நானாக அவரது அறைக்கு சென்றிருக்கலாம் என்று சிலர் கூறலாம் . இவ்வாறு , அதில் கூறப்பட்டுள்ளது . இதே போல் இலங்கை அணியின் முன்னாள் கேட்டான் ரணத்துக்கா தனக்கு இந்தியாவில் , உள்ள ஹோட்டல் ஒன்றில் வைத்து பாலியல் தொல்லை கொடுத்ததாக இந்திய விமான பணிப்பெண் ஒருவர் சில தினங்களுக்கு முன்பு கூறியிருந்தது குறிப்பிடத்தக்கது .

பாஜகவின் தேசிய செயலாளர் ஹெச் . ராஜா , இந்து ஆலய மீட்பு இயக்கம் சார்பில் வேல் ரத யாத்திரை மேற்கொண்டுள்ளார் . கடந்த 24 ஆம் தேதி தொடங்கப்பட்ட வேல்ரத யாத்திரை மதுரை வந்து சேர்ந்தது . அதையொட்டி வேல் சங்கமப் பொதுக்கூட்டம் , பழங்காநத்தத்தில் நடைபெற்றது . , ஆர் . எஸ் . எஸ் . அமைப்பினரும் , ஹெச் . ராஜாவின் ஆதரவாளர்கள் கலந்து கொண்டனர் . நாட்டுப்புற பாடகர் விஜயலட்சுமி நவநீதகிருஷ்ணன் தம்பதியரும் இந்த கூட்டத்தில் கலந்து கொண்டனர் . கூட்டத்தில் பேசிய ஹெச் . ராஜா பேசும்போது , எதற்கு வேல் ரத யாத்திரை என்றால் , பேக்கர்ஸ் அன்ட் மூவர்ஸ் செய்வது போல தமிழகத்தில் மதமாற்றம் நடைபெறுகிறது . மைலாப்பூரில் ஜி . யூ . போப்பும் , நெல்லையில் கால்டுவெல்லும் மத மாற்றத்தைத் தொடங்கினார்கள் . அவர்களை இங்குள்ள பகுத்தறிவாதிகள் கொண்டாடினார்கள் . இதற்கு முடிவு கட்டத்தான் அப்பனுக்கே பாடம் சொன்ன தகப்பன்சாமியான முருகனின் வேலை கையில் எடுத்தோம் . தமிழர்கள் இந்துக்கள் இல்லை என்று திராவிட இயக்கத்தினர் பிரித்து வருகிறார்கள் , அது பொய் . தமிழ் மொழியை , பண்பாட்டை அழித்தவர்களே பெரியார்வழி வந்தவர்கள்தான் . தமிழையும் , தமிழர்களையும் இழிவுபடுத்தியவர் பெரியாரும் , முன்னால் ஆட்சி செய்த நிதிக்கட்சியினரும் . திராவிட கழகத்தினரும்தான் . இதற்கான ஆதாரங்கள் என்னிடம் நிறைய உள்ளது . இதையெல்லாம் சொல்லும்போதுஅவர்களுக்கு கோபம் வருகிறது என்றார் . இப்போது சைவ மதம் என்று பிரிக்கிறார்கள் . அப்படியென்றால் , வைணவத்தில் தமிழர்கள் இல்லையா ? சைவத்துக்கு இந்தியா முழுவதும் ஜோதிர்லிங்கம் உள்ளது . சிவனுக்கு கைலாயம் முதல் தமிழ்நாடு வரைக்கும் கோயில் உள்ளது . சைவம் என்றால் தமிழன்தான் . தமிழன் என்றால் இந்துதான் என்பதை நிரூபிக்கவே இந்த வேல் யாத்திரையை தொடங்கினோம் . அதோடு இந்து ஆலயங்களையும் , அதன் சொத்துக்களை மீட்கவும்தான் இந்த யாத்திரை . இது ராஜா நடத்துவது அல்ல . இதன் பின்னணியில் பாஜகவின் செயல் திட்டம் உள்ளது என்று சுப . வீரபாண்டியன் கூறியுள்ளார் . . . கண்டுபிடித்துவிட்டார் . . . அது உண்மைதான் என்று ஹெச் . ராஜா பேசினார் .

இங்கிலாந்து மகளிரணிக்கு எதிரான ஒரு நாள் கிரிக்கெட் போட்டியில் 8 விக்கெட்டுகள் வித்தியாசத்தில் இந்தியா மகளிரணி படுதோல்வி அடைந்தது . மூன்று ஒரு நாள் போட்டிகள் கொண்ட தொடரில் இங்கிலாந்து அணி பங்கேற்றுள்ளது . இதன் இரண்டாவது ஒரு நாள் போட்டி நாக்பூரில் நேற்று நடைபெற்றது . டாஸ் வென்று பேட் டிங்கை தேர்வு செய்த இந்தியா அணி 37.2 ஓவர்களில் அனைத்து விக்கெட்டுகளையும் இழந்து 113 ஓட்டங்களை மட்டுமே எடுத்தது . ஸ்மிருதி மந்தானா 42 ஓட்டங்கள் , தீப்தி சர்மா 26 ஓட்டங்கள் குவித்தனர் . ஏனைய 5 வீராங்கனைகளை ஒற்றை இலக்க ஓட்டங்களில் ஆட்டமிழந்தனர் . இங்கிலாந்து தரப்பில் டேனியல் ஹசல் 4/32 , சோபி எசில்டோன் 4/14 ஆகியோர் அதிரடியாக பந்து வீசினர் . பின்னர் , 114 ரன்கள் வெற்றி இலக்குடன் தொடர்ந்து ஆடிய இங்கிலாந்து அணி சார்பில் டேனியல் வயாட் 47 ஓட்டங்கள் , டேமி பீமென்ட் 39 ஓட்டங்கள் குவித்தனர் . இருவரும் ஆட்டமிழந்ததை அடுத்து ஆட வந்த ஹீதர் நைட் 42 பந்துகளில் 26 ஓட்டங்களை குவித்து அணியை வெற்றிக்கு அழைத்துச் சென்றார் . இந்திய தரப்பில் ஏக்தா பிஷ்ட் 2 விக்கெட்டுகளை வீழ்த்தினார் . இறுதியில் 29 ஒவர்களில் 117 ஓட்டங்களை குவித்து இங்கிலாந்து வெற்றி பெற்றது . முதல் ஒரு நாள் ஆட்டத்தில் இந்தியா வென்றிருந்தது . இந்த வெற்றி மூலம் இங்கிலாந்து தொடரை 1 - 1 என சமன் செய்துள்ளது .

சூப்பர் ஸ்டார் ரஜினிகாந்த் மனைவி லதா ரஜினிகாந்த் சென்னை ஆழ்வார் பேட்டையில் டிராவல் எக்ஸ்சேன்ஜ் இந்தியா என்கிற பெயரில் ஒரு நிறுவனத்தை நடத்தி வருகிறார் . இந்த நிறுவனம் மாநகராட்சிக்கு சொந்தமான கட்டடத்தில் இயங்கி வருகிறது . இந்நிலத்தில் இதற்கு முன் இந்தக் கட்டடத்திற்கு 3,702 ரூபாய் வாடகையாக லதா ரஜினிகாந்த் செலுத்தி வந்தார் . தற்போது வாடகையை மாநகராட்சி 21 ஆயிரத்து 160 ரூபாயாக உயர்த்தியது . இதற்கு லதா ரஜினிகாந்த் தனக்கு இந்த அளவிற்கு வாடகை கொடுப்பதற்கு வசதி இல்லை என்று கூறி நீதிமன்றத்தில் வழக்கு தொடர்ந்தார் . விசாரணைக்கு எடுத்துக்கொண்ட இந்த மனுவை தள்ளுபடி செய்வதாக நீதிபதி தீர்ப்பளித்தார் . மேலும் நீதிபதி தனது தீர்ப்பில் கூறியிருப்பதாவது . . . மாநகராட்சியின் உயர்த்தப்பட்ட வாடகையை ஏற்பதா வேண்டாமா என்று லதா ரஜினிகாந்த் முடிவு செய்து கொள்ளலாம் . ஒரு மாத காலத்திற்குள் உயர்த்தப்பட்ட வாடகையை இவர் செலுத்தியாக வேண்டும் . அப்படி செலுத்தாவிட்டால் இந்த இடத்தை மாநகராட்சி ஏலம் விட வேண்டும் . அந்த ஏலத்தில் கலந்துகொண்டு லதா ரஜினிகாந்த் மீண்டும் அந்த இடத்தைப் பெற்றுக் கொள்ளலாம் . ஏலம் அறிவிக்கப்பட்ட பிறகும் லதா ரஜினிகாந்த் இடத்தை காலி செய்யாவிட்டால் போலீஸ் உதவியுடன் மாநகராட்சி இந்த இடத்தை காலி செய்து கொள்ளலாம் என்று அந்தத் தீர்ப்பில் கூறப்பட்டுள்ளது . ரஜினி ரசிகர்களை சந்தித்து அவர்களுக்கு அறிவுரை வழங்கி வரும் நேரத்தில் , இந்த தீர்ப்பு வெளியாகியுள்ளது சிறு சர்ச்சையை ஏற்படுத்தியுள்ளது . மேலும் தனக்கு சாதகமான தீர்ப்பு வரும் எதிர்பார்த்த லதா ரஜினிகாந்துக்கு இந்த தீர்ப்பு கண்டிப்பாக அதிர்ச்சியை ஏற்படுத்தி இருக்கும் . இதனால் மாநகராட்சி நிர்ணயித்த வாடகையை செலுத்தி விடலாமா என்று யோசித்து வருகிறாராம் லதா .

வெஸ்ட் இண்டீஸுக்கு எதிரான நான்காவது ஒருநாள் போட்டி முடிந்ததும் பேசிய ரோஹித் , ஒரு விஷயத்தை பற்றி பேசிக்கொண்டிருந்தபோது கோலி சிரிப்பது எனக்கு கேட்கிறது என்று கூறி கலகலத்தார் . வெஸ்ட் இண்டீஸுக்கு எதிரான நான்காவது டெஸ்ட் போட்டியில் இந்திய அணி 224 ரன்கள் வித்தியாசத்தில் அபார வெற்றி பெற்று 5 போட்டிகள் கொண்ட தொடரில் 2 - 1 என முன்னிலை வகிக்கிறது . இந்த போட்டியில் அபாரமாக பேட்டிங் செய்து 162 ரன்களை குவித்த ரோஹித் சர்மா , பேட்டிங்கில் மட்டுமல்லாமல் ஃபீல்டிங்கிலும் அசத்தினார் . முதல் ஸ்லிப்பில் ஃபீல்டிங் செய்வது என்பது சாதாரண காரியமல்ல . எப்போது வேண்டுமானாலும் கேட்ச் வரும் . அதனால் முழு கவனத்துடன் ஃபீல்டிங் செய்ய வேண்டும் . அப்படி முதல் ஸ்லிப்பில் நின்று மூன்று கேட்ச்களை அருமையாக பிடித்து அசத்தினார் ரோஹித் . சாமுவேல்ஸ் , ஃபேபியன் அலென் மற்றும் ஆஷ்லி நர்ஸ் ஆகிய மூவரின் கேட்ச்சையும் பிடித்தார் ரோஹித் . நேற்றைய போட்டி முடிந்ததும் ரோஹித்தை நேர்காணல் செய்த சஞ்சய் மஞ்சரேக்கர் , ரோஹித் பிடித்த கேட்ச்கள் குறித்து கேள்வி எழுப்பினார் . அதற்கு பதிலளித்து பேசிய ரோஹித் சர்மா , அண்மைக்காலமாக ஸ்லிப்பில் நின்று பல கேட்ச்களை பிடித்துக்கொண்டிருக்கிறேன் என்று கூறிக்கொண்டே விராட் சிரிப்பது எனக்கு கேட்கிறது என்று கலகலத்தார் . ரோஹித் கேட்ச்சை பற்றி பேசிக்கொண்டிருந்தபோது கோலி சிரித்துக்கொண்டிருந்தார் . அதைத்தான் ரோஹித் குறிப்பிட்டார் . மேலும் தொடர்ந்து பேசிய ரோஹித் , சில கேட்ச்களை பிடித்தது சிறப்பானது . ஸ்லிப்பில் நிற்கும்போது எந்த நேரத்திலும் கேட்ச் வரும் . அந்த கேட்ச்களை பிடிப்பது முக்கியம் . அதுவும் குல்தீப்பின் பந்துவீசும் போது ஸ்லிப்பில் நிற்பது கடினம் . ஏனென்றால் அவர் என்ன மாதிரியான பந்து வீசப்போகிறார் , எப்போது கூக்ளி வீசுவார் என்று கணிப்பது கடினம் . ஆனால் வலைப்பயிற்சியில் அவரது பந்துகளை ஆடியதால் , ஓரளவிற்கு அவரது பவுலிங்கை கணிப்பது எனக்கு எளிதாக இருந்தது என்று ரோஹித் தெரிவித்தார் .

புயலால் பாதிக்கப்பட்ட குமரி மாவட்டத்தைப் பார்வையிட வரும் டிச . 19 ஆம் தேதி வருகிறார் பிரதமர் மோடி . இதனை தமிழக பாஜக . , தலைவர் தமிழிசை உறுதி செய்து செய்தியாளர்களிடம் கூறினார் . வரும் 19ஆம் தேதி கன்னியாகுமரி மாவட்டத்துக்கு வரும் பிரதமர் மோடி , அண்மையில் வீசிய ஓக்கி புயலால் பாதிக்கப்பட்ட பகுதிகளை நேரில் சென்று பார்வையிடுகிறார் . குமரி மாவட்டத்தில் உள்ள நீரோடி , தூத்தூர் ஆகிய கிராமங்களுக்கு நேரில் சென்று பார்வையிட உள்ளதாகக் கூறப்படுகிறது . இதை அடுத்து , அந்தப் பகுதிகளில் பாதுகாப்புப் படையினர் தீவிர சோதனையில் ஈடுபட்டுள்ளனர் . புயலால் பாதிக்கப்பட்ட கேரளத்தின் திருவனந்தபுரம் மற்றும் தமிழகத்தின் கன்னியாகுமரி பகுதிகளை அவர் பார்வையிட வருவதாக தகவல் வெளியாகியுள்ளது . இதனிடையே , கன்னியாகுமரி பகுதிக்கு காங்கிரஸின் தலைவராகப் பொறுப்பேற்ற ராகுல் அண்மையில் வந்து சென்றதால்தான் பிரதமர் மோடியும் வருகிறாரா என்று கேட்டதற்கு , ராகுல் காந்தி வந்து சென்றதற்கும் பிரதமர் வருகை தரவுள்ளதற்கும் எத்தத் தொடர்பும் இல்லை என்று தமிழக பாஜக . தலைவர் தமிழிசை சௌந்தர்ராஜன் கூறினார் . மக்கள் மீதுள்ள அக்கறையினால்தான் பிரதமர் இந்தப் பகுதிகளைப் பார்வையிட்டு நிவாரணம் வழங்க தகுந்த மேல் நடவடிக்கை எடுப்பார் என்றும் , அவரின் வருகை உறுதியாகியுள்ளது , ஆனால் பயண திட்ட விவரங்கள் தெரியவில்லை . . என்றும் தமிழிசை கூறியுள்ளார் . முன்னதாக புயல் நேரத்தில் , உடனடியாகக் களத்தில் இறங்கி , தனது தொகுதி என்பதாலும் மத்திய அமைச்சர் பொன் . ராதாகிருஷ்ணன் நிவாரணப் பணிகளில் ஈடுபட்டார் . மேலும் , மீனவர்கள் பலர் காணாமல் போன விவகாரத்தில் மத்திய பாதுகாப்பு அமைச்சர் நிர்மலா சீதாராமனைத் தொடர்பு கொண்டு உதவிடக் கோரினார் . அதை அடுத்து , பிரதமர் மோடி கேட்டுக் கொண்டதன் பேரில் , பாதுகாப்பு அமைச்சர் நிர்மலா சீதாராமன் உடனடியாக குமரி மற்றும் திருவனந்தபுரத்துக்கு வந்து , மீனவர்களைச் சந்தித்து உடனடியாக நடவடிக்கை எடுப்பதாக உறுதி அளித்து , கடற்படையினரின் பணிகளை நேரில் இருந்து கவனித்தார் . இதன் பின்னர் , தங்கள் பகுதிகளை முதல்வர் நேரில் வந்து பார்வையிட வேண்டும் என்று அந்தப் பகுதி மீனவர்கள் போராட்டம் நடத்தினர் . இந்நிலையில் முதல்வர் எடப்பாடி பழனிசாமி குமரி மாவட்டத்தின் புயல் பாதித்த பகுதிகளைச் சென்று பார்வையிட்டார் என்பது குறிப்பிடத் தக்கது .

டிவியை ஓரங்கட்டி . . . தனுசுடன் சினிமாவில் கலக்கப்போகும் டி டி . . . . ! ! நடிகர் தனுஷ் இயக்குனராக அறிமுகமாகும் பவர் பாண்டி படத்தில் ராஜ்கிரண் , பிரசன்னா , நதியா , சாயா சிங் என பலரும் முக்கிய வேடங்களில் நடிகின்றனர் . . . . . . இந்த படம் முழுக்க முழுக்க ஸ்டண்ட் கலைஞர்கள் பற்றிய படம் என தகவல் வெளியாகி உள்ளது . . . . . அதெல்லாம் சரி இதுல டி டி - க்கு . என்ன பங்கி இருக்குனு நினைக்க வேண்டாம் . . . . . சூப்பர் ரோல்ல , நடிகர் தனுஷ் உடன் கலக்க போறாராம் டி டி . . . . . இதை பார்க்கும் போது , , , , , , டிவி நிகழ்ச்சியை ஓரங்கட்டி , கோலிவுட்ல கலக்க வருவார் டி டி னு எதிர்பார்க்கப்படுகிறது . . . . . . .

சபரிமலை சுவாமி ஐயப்பன் கோவிலில் அனைத்து வயது பெண்களையும் சாமி தரிசனம் செய்ய அனுமதிக்கலாம் என்ற உச்சநீதிமன்ற உத்தரவுக்கு ஐயப்ப பக்தர்களிடையே கடும் எதிர்ப்பு கிளம்பி உள்ளது . ஐயப்ப பக்தர்கள் , இந்து அமைப்பினர் கேரளாவில் பல்வேறு போராட்டங்களில் ஈடுபட்டன ஐப்பசி மாத பூஜைக்காக சபரிமலை கோவில் நடை திறந்தபோது 2 இளம்பெண் போலீஸ் பாதுகாப்புடன் சன்னிதானம் நோக்கி செல்ல முயன்றனர் . பக்தர்களின் கடும் எதிர்ப்பால் அவர்கள் பாதி வழியிலேயே திருப்பி அனுப்பப்பட்டனர் . மேலும் சபரிமலையில் பக்தர்களுக்கும் போலீசாருக்கும் மோதல் ஏற்பட்டதால் போலீசார் தடியடி நடத்தி ஐயப்ப பக்தர்களை விரட்டி அடித்தனர் . இதனால் சபரிமலையில் பதட்டமான சூழ்நிலை உருவானது . அதே சமயம் சபரிமலை சன்னிதானத்தில் தந்திரிகள் , கோவில் ஊழியர்களும் 18ம் படி அருகே திரண்டு போராட்டத்தில் ஈடுபட்டனர் . பெண் பக்தர்களை சன்னிதானத்துக்குள் நுழைய விட மாட்டோம் என்று அவர்கள் கோஷமிட்டனர் . சபரிமலை கோவிலில் பெண்கள் நுழைந்தால் கோவிலை பூட்டி சாவியை ராஜகுடும்பத்திடம் ஒப்படைப்போம் . கோவில் நடையை சாத்தி சுத்தி கலச பூஜை நடத்தப்படும் என்று தந்திரி கண்டரரு ராஜீவரு அறிவித்ததால் பெரும் பரபரப்பு ஏற்பட்டது . இந்த நிலையில் இன்று மாலை 5 மணிக்கு சபரிமலை ஐயப்பன் கோவில் நடை திறக்கப்பட்டது . இந்நிலையில் சபரிமலை கோவிலில் ஐதீகத்தை மீறி பெண்களை சாமி தரிசனத்திற்கு அனுமதித்தால் கோவில் நடையை அடைத்து சுத்திகலச பூஜை நடத்தப்படும்” என்று அவர் கூறினார் . இதனால் சபரிமலை கோவில் விவகாரத்தில் மீண்டும் பரபரப்பான சூழ்நிலை உருவாகி உள்ளது .

கடந்த சட்டமன்ற தேர்தலில் மக்கள் நல கூட்டணியை அமைத்து கட்சிகளை ஒருங்கிணைத்து திமுக மற்றும் அதிமுகவை எதிர்த்து தேர்தலை சந்தித்தார் வைகோ . மக்கள் நல கூட்டணியில் இடம்பெற்றிருந்த கட்சித் தலைவர்களும் சரி , வைகோவும் சரி , அதிமுகவை விமர்சித்ததை விட திமுகவைத்தான் கடுமையாக சாடினர் . ஆனால் , மக்கள் நல கூட்டணியின் ஒரு வேட்பாளர் கூட தேர்தலில் வெற்றி பெறவில்லை . மாறாக திமுகவின் ஓட்டுக்களை பிரித்து மீண்டும் அதிமுக ஆட்சிக்கட்டிலில் அமருவதற்கே மக்கள் நலக்கூட்டணிதான் காரணம் . இப்படி கடந்த தேர்தலில் திமுகவை கழுவி ஊற்றிய வைகோ , தற்போது திமுகவுடன் மீண்டும் கூட்டணி சேர்ந்துள்ளார் . ஜனநாயக விரோத சக்திகளை எதிர்க்க , திமுகவுடன் கூட்டணி சேர வேண்டியது காலத்தின் கட்டாயம் என கூறி திமுகவுடன் கூட்டணி சேர்ந்த வைகோ , ஸ்டாலினை முதல்வர் இருக்கையில் இருத்தாமல் ஓயமாட்டேன் என கூறிவருகிறார் . வைகோ இப்படி கூறிவரும் நிலையில் , சென்னை பாலவாக்கத்தில் திருமண விழாவில் கலந்துகொள்ள சென்ற வைகோவை தொண்டர்கள் வரவேற்றனர் . அப்போது ஒருவர் , வருங்கால முதல்வரே என வைகோவை புகழ்ந்து கூச்சலிட்டார் . அவரிடம் , சிரித்துக்கொண்டே . . ஏன் கூட்டணியில் இருப்பது பிடிக்கவில்லையா ? என வைகோ நகைச்சுவையாக கேட்டார் . இதையடுத்து சுற்றியிருந்தவர்கள் கலகலவென சிரித்தனர் .

காவிரி விவகாரத்தில் சீராய்வு மனு தாக்கல் செய்வது தொடர்பாக தமிழக உயர் அதிகாரிகள் ஆலோசனை நடத்த உள்ளனர் . உச்சநீதிமன்ற இறுதி தீர்ப்பில் , 6 வார காலத்திற்குள் காவிரி மேலாண்மை வாரியம் அமைக்க வேண்டும் என தெரிவித்திருந்தது . உச்சநீதிமன்றம் விதித்த கால அவகாசம் நாளை மறுநாளுடன் நிறைவடைகிறது . மேலாண்மை வாரியம் என்ற வார்த்தை தீர்ப்பில் குறிப்பிடப்படாததால் , அதை சுட்டிக்காட்டி மேலாண்மை வாரியத்துக்கு பதிலாக மேற்பார்வை ஆணையம் அமைக்க மத்திய அரசு நடவடிக்கை எடுத்து வருகிறது . கர்நாடக சட்டமன்ற தேர்தலை கருத்தில்கொண்டே காவிரி மேலாண்மை வாரியம் அமைக்க மத்திய அரசு தயங்குகிறது என தமிழக அரசியல் கட்சிகள் குற்றம்சாட்டுகின்றன . அதேநேரத்தில் , எந்தவித அதிகாரமுமில்லாத மேற்பார்வை ஆணையத்தை அமைக்காமல் , அதிகாரமிக்க மேலாண்மை வாரியம் அமைக்க வேண்டும் எனவும் மத்திய அரசை அரசியல் கட்சிகளும் விவசாயிகளும் வலியுறுத்துகின்றன . இது தொடர்பாக மத்திய அரசுக்கு அழுத்தம் கொடுக்க எதிர்கட்சிகள் எம் . பிக்களை ராஜினாம செய்ய வலியுறுத்துகின்றன . ஆனால் அதிமுக அரசு நாடாளுமன்றத்தை முடக்கி மத்திய அரசு மீதான நம்பிக்கை இல்லா தீர்மானத்தை நிறைவேற்ற விடாமல் தடுத்து விடுகின்றனர் . இந்நிலையில் , பொதுப்பணிதுறை முதன்மை செயலாளர் பிரபாகரன் , காவிரி தொழில்நுட்பக் குழு தலைவர் சுப்பிரமணியன் ஆகியோர் டெல்லி பயணம் மேற்கொண்டுள்ளனர் . மத்திய நீர்வளத்துறையில் , காவிரி மேலாண்மை வாரியம் தொடர்பாக அவர்கள் எழுத்துப்பூர்வ அறிக்கையை தாக்கல் செய்ய உள்ளனர் . தமிழகம் சார்பில் ஆஜராகி வாதாடிய வழக்கறிஞர் சேகர் நாப்டேவை மாலை 5 மணிக்கு சந்தித்து ஆலோசிக்க உள்ளனர் .

ஆர்எஸ்எஸ் அமைப்பின் சார்பில் மதுராவில் ‘தீன தயாள்தாம்’ என்ற மருந்தகம் நடத்தப்பட்டுவருகிறது . இந்த ஆர்எஸ்எஸ் மருந்தகம் மூலமாக , பசுமாட்டின் சாணத்தில் இருந்து செய்யப்பட்ட குளியல் சோப்புகள் , ஷாம்புகள் , முகத்திற்கான கிரீம் , சிறுநீரில் தயாரிக் கப்பட்ட ஜூஸ் , ஜாம் , டூத் பேஸ்ட்ஆகியவற்றை தயாரித்து விற்பதென ஆர்எஸ்எஸ் முடிவு செய்துள்ளது . இந்தப் பொருட்களை அக்டோபர் மாதத்தில் இருந்து அமேசான் ஆன் - லைன் நிறுவனம் மூலம் பெற்றுக்கொள்ளலாம் என்று ஆர்எஸ்எஸ் செய்தித்தொடர்பாளர் அருண் குமார் கூறியுள்ளார் . இவை மட்டுமன்றி , பிரதமர் மோடி அணியும் குர்தா போன்ற ஆடைகள் , உத்தரப்பிரதேச சாமியார் முதலமைச்சர் ஆதித்யநாத் அணியும் ஜிப்பா போன்ற ஆடைகளும் ‘தீன தயாள் தாம்’ மூலம் விற்கப்படஉள்ளதாக அவர் தெரிவித்துள்ளார் . மேலும் , மோடி , ஆதித்யநாத் ஏற்கெனவே பயன்படுத்திய துணிகள் மற்றும் கர்சீப்புக்களும் விற்பனைக்கு வைக்கப்படும் என்று கூறப்பட்டுள்ளது . முதற்கட்டமாக ஒவ்வொரு மாதமும் மருந்துப் பொருட்களை ரூ . 1 லட்சத்துக்கும் , ஆடைகளைரூ . 3 லட்சத்துக்கும் விற்பனைசெய்ய இலக்கு நிர்ணயித்துள்ளதாக கூறியுள்ள அருண் குமார் , இதன்மூலம் உள்நாட்டு மக்களுக்குஅதிகமான வேலைவாய்ப்பு கிடைக்கும் என்று தெரிவித்துள்ளார் . தீன தயாள் தாம்’ மருந்தகத்தின் செயலாளர் மணிஷ் குப்தா அளித்துள்ள பேட்டியில் , பசுவின் சிறுநீர் மற்றும் சாணத்தை மூலப்பொருட்களாக வைத்து பல்வேறு மருந்துப்பொருட்களை தயாரித்துள்ளதாகவும் , நீரழிவு நோயாளிகளுக்கான மருந்து , உடல்பருமனைக் குறைக்கும் மருந்துகள் , சோப்பு , ஷாம்பு , பற்பசை , முகம் சுத்தம் செய்யும் கிரீம் , ஊதுபத்தி போன்றவையும் கூட தயாரிக்கப்பட்டு இருப்பதாகவும் குறிப்பிட்டுள்ளார் . மேலும் , இந்த புதிய தொழிலுக்காக , பல்வேறு இடங்களில் இருந்துபசுமாட்டின் சிறுநீர் , சாணத்தைச் சேகரித்து வருவதாகவும் , தங்கள் நிறுவனத்திற்குச் சொந்தமாகவே 90 பசுக்கள் இருக்கும் நிலையில் , 10 வேலையாட்கள் மூலம் இங்கும் சாணத்தையும் , சிறுநீரையும் சேமிக்க உள்ளதாகவும் மணிஷ் குப்தா கூறியுள்ளார் . இந்த பொருட்கள் மிகக் குறைந்த பட்சமாக 10 ரூபாய் முதல்230 ரூபாய் வரையிலான விலையில் விற்பனை செய்யப்படும் என்றும் , மோடி , ஆதித்யநாத் பயன்படுத்துவது போன்ற குர்தாக்கள் தலா220 ரூபாய் விலையில் விற்பனைசெய்யப்படும் என்றும் கூறியுள்ளார் . இதற்காக சுமார் 10 குர்தா மாடல்கள் தேர்வு செய்யப்பட்டு உள்ளதாகவும் , மேலும் , மோடி , ஆதித்யநாத் ஏற்கெனவே பயன்படுத்திய ஆடைகள் , கர்சீப்புகளும் கூட விற்பனைக்கு வைக்கப்படும் என்றும் அவர் தெரிவித்துள்ளார்

கஜா புயலால் பாதிக்கப்பட்ட மக்களை , உதயநிதி ஸ்டாலின் நேரில் சென்று பார்வையிட்டு அவர்களுக்கு நிவாரண பொருட்களை வழங்கி ஆறுதல் கூறினார் . உதயநிதி ஸ்டாலின் நற்பணி மன்றத்தின் சார்பாக , கஜா புயல் பாதிப்பிலிருந்து இன்றளவும் மீண்டு வர முடியாத சூழலில் தவித்து வரும் மக்களை நேரில் சந்தித்து பாதிப்பு குறித்தும் , மேலும் தேவையான உதவிகள் குறித்தும் கேட்டு அறிந்தார் . கடந்த மாதம் ஏற்பட்ட கஜா புயலால் கடலூர் , நாகப்பட்டினம் , திருவாரூர் , தஞ்சாவூர் , புதுக்கோட்டை உள்ளிட்ட மாவட்டம் பெரும் சேதத்தை சந்தித்தது . இதன் விளைவாக . . . ௮ந்த பகுதிகளில் இருந்த பெரும்பாலான தென்னை மரங்கள் முதல் விவசாய பயிர்கள் வரை அழிந்துவிட்டது . மின்கம்பங்கள் சாய்ந்தன . . . குடிக்க கூட தண்ணீர் இல்லாத பிரச்சனை முதல் மாற்று உடை இல்லாதது வரை மக்கள் தவியோ தவியென தவித்து வந்தனர் . . உயிரிழப்பும் ஏற்பட்டது . . இது போன்ற மீளா துயரத்தில் இருந்த மக்களுக்கு பல்வேறு மாவட்டத்தில் இருந்து தேவையான நிவாரண பொருட்கள் அனுப்பி வைக்கப்பட்டது . அரசு உதவி செய்தாலும் , ஆளுங்கட்சி எதிர்க்கட்சி என அரசியல் வாதிகளும் களத்தில் குதித்தனர் . திமுக தலைவர் ஸ்டாலின் திருவாரூர் பகுதிகளைச் சேர்ந்த 6 ஆயிரம் பேருக்கு சுமார் 30 லட்சம் மதிப்பிலான நிவாரணப் பொருட்களை வழங்கினார் . இதற்கு முன்னதாகவே திமுக சார்பில் வண்டி வண்டியாய் நிவாரண பொருட்களை பாதிக்கப்பட்ட மக்களுக்கு அனுப்பி வைக்கப்பட்டது . இந்த நிலையில் , நடிகரும் முரசொலி நிர்வாக மேலாண்மை இயக்குனரான உதயநிதி ஸ்டாலின் , புயல் பாதித்த மாவட்டங்களை பார்வையிட்டு , மக்களுக்கு பல லட்சம் மதிப்பிலான நிவாரண பொருட்களை வழங்கினர் . இப்படி ஒரு ரண களத்திலும் , குதூகலமா . . ? என்பதற்கு ஏற்ப , பாதிப்படைந்த மக்களுக்கு பெரும் ஆறுதலாக இருந்தது உதயநிதி ஸ்டாலின் மற்றும் அன்பில் மகேஷின் திடீர் விசிட் . உதயநிதி ஸ்டாலின் வருகைக்கு மக்கள் மத்தியில் அமோக வரவேற்பு தான் . . . நீண்ட வரிசையில் நின்று நிவாரண பொருட்களை பெற்றுக்சென்ற மக்கள் , உதயநிதியை பார்த்து மகராசா நீ நல்லா இருக்கனும் என வாழ்த்தி சென்றபடி இருந்தனர் . இன்னொரு பக்கம் நடிகர் உதயநிதி வந்து இருக்காருன்னு . . செல்பி எடுப்பதும் . . ஆசையாய் பேசியபடியே . . பாதிப்புகளை பற்றி விவரித்தனர் . உதயநிதி ஒரு பக்கம் வாரி வாரி வழங்க . . . அன்பில் மகேஷ் இன்னொரு பக்கம் குழந்தைகள் மற்றும் பெரியவர்களின் உடல் நிலையில் அக்கறை காண்பிக்க தொடங்கினார் . அதன் விளைவாக தயார் செய்து வைத்த நிலவேம்பு கசாயமும் வழங்கப்பட்டது பல்வேறு இடங்களில் நிவாரண பொருட்களை வழங்கிவிட்டு , இறுதியாக தஞ்சை தெற்கு மாவட்டம் , மதுக்கூர் ஒன்றிய பகுதிக்கு சென்று , நீண்ட வரிசையில் காத்திருந்த மக்களுக்கு நிவாரண பொருட்களை வழங்கினர் . பின்னர் , வழி நெடுகிலும் மக்களின் அன்பில் நனைந்தவாறே அங்கிருந்து புறப்பட்டனர் . ‪

ஷிகர் தவானின் டெஸ்ட் கிரிக்கெட் வாழ்க்கை கேள்விக்குறியாகியுள்ளது . வெஸ்ட் இண்டீஸுக்கு எதிரான டெஸ்ட் தொடரில் தவான் சேர்க்கப்பட வாய்ப்பில்லை என கிரிக்கெட் பத்திரிகையாளரும் வர்ணனையாளருமான ஹர்ஷா போக்ளே தெரிவித்துள்ளார் . இங்கிலாந்துக்கு எதிரான டெஸ்ட் தொடரில் விராட் கோலியை தவிர வேறு எந்த இந்திய பேட்ஸ்மேனும் பெரும்பாலான இன்னிங்ஸ்களில் சரியாக ஆடவில்லை . அதிலும் தொடக்க வீரர்கள் அனைத்து போட்டியிலும் சொதப்பினர் . ஒரு போட்டியில் கூட சரியாக ஆடாமல் , 9 இன்னிங்ஸ்களில் வெறும் 150 ரன்கள் மட்டுமே எடுத்திருந்த ராகுல் , கடைசி இன்னிங்ஸில் சதமடித்து , அந்நிய மண்ணிலும் தன்னால் அடிக்க முடியும் என நிரூபித்தார் . ஆனால் வெளிநாட்டு தொடர்களில் தொடர்ந்து சொதப்பிவரும் ஷிகர் தவான் , இந்த தொடரிலும் சொதப்பினார் . இரண்டாவது போட்டியில் மட்டும் ஆடாத தவான் , எஞ்சிய 8 இன்னிங்ஸ்களில் சேர்த்தே வெறும் 162 ரன்கள் மட்டுமே எடுத்துள்ளார் . கடைசி போட்டியின் முதல் இன்னிங்ஸில் 3 ரன்னும் இரண்டாவது இன்னிங்ஸில் 1 ரன்னும் எடுத்தார் . இரண்டு போட்டிகளில் சரியாக ஆடாத முரளி விஜய் , தொடரிலிருந்தே நீக்கப்பட்டார் . ஆனால் கிடைத்த வாய்ப்பை தவான் சரியாக பயன்படுத்தி கொள்ளவில்லை . பிரித்வி ஷா , மயன்க் அகர்வால் என தொடக்க வீரர்கள் வரிசை கட்டி நிற்கின்றனர் . இந்நிலையில் , வெஸ்ட் இண்டீஸுக்கு எதிரான டெஸ்ட் தொடரில் ஷிகர் தவான் அணியில் சேர்க்கப்பட வாய்ப்பில்லை என கிரிக்கெட் பத்திரிகையாளரும் வர்ணனையாளருமான ஹர்ஷா போக்ளே தெரிவித்துள்ளார் . அடுத்ததாக ஆஸ்திரேலியாவுக்கு செல்லும் இந்திய அணி , அங்கு ஆடுவதற்கு தகுதியான வீரர்களை தேர்வு செய்யும் விதமாகத்தான் இந்தியாவில் நடக்கும் வெஸ்ட் இண்டீஸ் தொடருக்கான வீரர்களை தேர்வு செய்யும் . ஷிகர் தவானுக்கு சேர்க்கப்பட வாய்ப்பில்லை என ஹர்ஷா போக்ளே தெரிவித்துள்ளார் .

‘குடி ! ஆனால் அந்த குடி உன்னைக் குடித்துவிடாமல் பார்த்துக் கொள் ! மது பழக்கம் பற்றி வைரமுத்து எழுதிய கவிதை இது . ஆனால் ‘மாது’ பழக்கம் பற்றி அவர் என்ன எழுதினார் ? என்பது புதிராக இருக்கும் நிலையில் , பிரபல பின்னணி பாடகி மற்றும் டப்பிங் ஆர்ட்டிஸ்டான சின்மயி சமீபத்தில் வைரமுத்துக்கு எதிராக கிளப்பிய ’மீ2’ சர்ச்சையை யாரும் மறந்திருக்க முடியாது . இந்த குற்றச்சாட்டுக்குப் பின் கவிப்பேரரசு வைரமுத்துவை ‘கலாப கவிப்பேரரசு’ என்று இணைய வெளிகளில் விளித்து அக்குறும்பு செய்தனர் சிலர் . வைரமுத்து மீதான சாடல் சின்மயியோடு நின்றுவிடவில்லை ! பழைய கல்லூரி மாணவிகள் , அவர் இவரென சில புகார்கள் வெடித்து அடங்கியதை மறக்க முடியாது . சின்மயியின் சீற்றத்துக்குப் பின் வைரமுத்து மீது தமிழ் திரையுலகத்தின் பார்வையும் , விமர்சன பதிவுகளும் வேறு மாதிரியாகத்தான் இருந்தன . தனது குடும்பத்தில் இருந்தே அவர் விலக்கி வைக்கப்பட்டார் ! எனும் ரீதியிலெல்லாம் புகைச்சல்கள் கிளம்பின . வைரமுத்துவின் நெருங்கிய திரையாளுமைகள் சிலர் கூட நழுவும் மீன்களாகின . ‘ஆண்டாளைப் பழித்ததற்கு கிடைத்த ஆகப்பெரிய தண்டனை இது’ என்று பக்தர்கள் கூட்டம் பழியெடுத்த பரவசத்தில் கூத்தாடியது . வைரமுத்துவால் கவிதை இயற்றல் மற்றும் திரைப்பட பாடல் எழுதுதல் வாய்ப்புகளை இழந்திருந்த சிலர் இந்த சந்தர்ப்பத்தை பயன்படுத்தி அவர் மீதான ஆத்திரத்தை தணித்துக் கொண்டதும் தனி கதை . ஆக இப்படியாக புகழ் சிகரத்தின் உச்சியிலிருந்து உருட்டிவிடப்பட்டு அடிவாரத்தில் கிடந்தார் கவிஞர் . ஆனால் தமிழகத்தில்தான் வாரத்துக்கு நான்கு வைரல் செய்திகள் வெடிக்குமே ! அந்த வகையில் கஜாபுயல் மற்றும் அரசியல் பிரச்னைகள் பலவற்றில் மெதுவாக வைரமுத்து விவகாரம் மறைய துவங்கியது . அவர் மீதான குற்றச்சாட்டுகள் உண்மையோ இல்லையோ ஆனால் அவற்றை தமிழர் மனம் மெதுவாக மறந்து , வேறு பிரச்னைகளில் கவனம் செலுத்திட துவங்கியது . இந்த சூழ்நிலையில் . . . . கணிசமான நாட்களாக தனித்திருந்த வைரமுத்து மெதுவாக தன் இருப்பை மீண்டும் காட்டிக் கொள்ள துவங்கினார் . கஜா புயலால் உடைமைகளை இழந்த சிலருக்கு அவர் கால்நடைச் செல்வங்களை வழங்கிய புகைப்படங்கள் வெளியானபோது அலட்சியமாக சிரிக்க துவங்கினர் மக்கள் . இந்நிலையில் , நேற்று திருப்பூரில் நடந்த தமிழாற்றுப்படை நிகழ்வில் கலந்து கொண்டு அப்துல்ரகுமான் கவிதைகளையும் வாசித்திருக்கிறார் கவிஞர் . கலந்து கொண்ட கூட்டத்தின் அத்தனை ஜோடி கண்களும் அவரை பகடியான பார்வையில் பார்க்கவில்லை ! என்பது உண்மை . அவரது கவிதை மொழிக்கு கைதட்டல்களுக்கும் குறைவில்லை . ஆக மொத்தத்தில் மெதுவாக வெளி வர துவங்கியிருக்கிறார் கவிஞர் ! அதேவேளையில் , திருப்பூரில் இருந்து சில கிலோமீட்டர் தொலைவில் இருக்கும் கோயமுத்தூர் மாநகரின் சுவறுகளில் பாடகி சின்மயி ‘ஸ்லீவ்லெஸ்’ ஆடையணிந்து , ஃப்ரீக்கியான போட்டோக்களில் புன்னகைக்கிறாராம் மந்தகாசமாக ! என் ஆடை ! என் உணர்வு ! என் உரிமை ! . . . .

சூப்பர் ஸ்டார் ரஜினிகாந்தின் மகளும் நடிகர் தனுஷின் மனைவியுமான ஐஸ்வர்யா தனுஷ் சிறந்த குடும்பத்தலைவியாக எப்படி குழந்தைகளையும் , கணவரையும் அன்பாக பார்துக்கொள்கிறாரோ அதே போல் திரைப்படம் இயக்குவது ஆடல் , பாடல் என தனக்கு பிடித்தவற்றை தேர்வு செய்து கலக்கி வருகிறார் . கடந்த வருடம்ஃ இவர் கடந்த ஆண்டு உலக மகளிர் தினத்தன்று ஐக்கிய நாட்டு சபையில் இவருடைய பரதநாட்டிய நிகழ்ச்சி நடைப்பெற்றது . இதன் மூலம் ஐக்கிய நாடுகள் சபையில் இந்திய தூதரகத்தின் சார்பில் பரதம் ஆடிய முதல் பெண் என்கிற பெருமையை பெற்றார் . ஆனால் இவர் கடந்த வருடம் அங்கு ஆடிய நடனம் சமூக வலைத்தளத்தில் அனைவராலும் விமர்சிக்கப்பட்டது . இந்த வருடம்ஃ இந்த நிலையில் இந்த வருட மகளிர் தினத்தில் பாடல் ஒன்று பாடியுள்ளார் . இளையராஜாவின் மகள் பவதாரணி இசையில் உருவாகி இருக்கும் இந்த மகளிர் தின ஸ்பெஷல் பாடலை ஐஸ்வர்யா தனுஷ் பாடியுள்ளார் . இந்த பாடலுக்கு ரசிகர்கள் மத்தியில் எப்படிப்பட்ட வரவேற்பு உள்ளது என்பதை பொறுத்திருந்து பார்ப்போம் .

நடிகர் ஆர்யா திருமணத்திற்காக பெண் தேடும் நிகழ்ச்சி ' எங்க வீட்டு மாப்பிள்ளை ' இந்த நிகழ்ச்சியில் நாளுக்கு நாள் சுவாரஸ்யம் அதிகரித்துக்கொண்டே போகிறது . மேலும் இந்த நிகழ்ச்சி பெண்களை அவமதிப்பது போல் உள்ளது என்று பலர் எதிர்ப்புகள் தெரிவித்து வருவதால் முடிந்த வரை சீக்கிரம் இந்த நிகழ்சியை முடிக்க நிகழ்ச்சியாளர்கள் முடிவு செய்துள்ளதாக தெரிகிறது . ஸ்ரேயாஃ இந்த நிகழ்ச்சியில் மொத்தம் 16 பெண்கள் கலந்துக்கொண்டனர் . வாரத்திற்கு இரண்டு பெண்கள் என நிகழ்ச்சியை விட்டு வெளியேற்றப்பட்டு வருகின்றனர் . ஆனால் கடந்த மூன்று வாரங்களாக ஒரு வாரம் ஒரு போட்டியாளர் என வெளியேற்றப்பட்டு வருகின்றனர் . தற்போது 6 போட்டியாளர்கள் மட்டுமே மிச்சம் உள்ளனர் . இந்நிலையில் கடந்த வாரம் ஸ்ரேயா என்பவர் வெளியேற்றப்பட்டார் . இவர் இந்த் நிகழ்ச்சியில் வைக்கப்பட்ட போட்டிகளிலும் மிகவும் சிறப்பாக விளையாடி இரண்டு முறை டோக்கன் ஆப் லவ் வாங்கியவர் . தன்னுடைய முழு பங்களிப்பையும் கொடுத்து வந்த இவரை ஏதோ ஒரு சில காரணங்களை கூறி வெளியேற்றி உள்ளார் ஆர்யா . இந்த நிகழ்சியை விட்டு வெளியேறியதும் , ஸ்ரேயா சமூக வலைத்தளத்தில் ஒரு பதிவை பதிவிட்டுள்ளார் . இதில் நான் " இந்த நிகழ்ச்சியில் கலந்துக்கொண்டது ஆர்யாவுக்காக அல்ல , அவரை கவர வேண்டும் என்பதற்காக அல்ல , என்னுடைய திறமை இந்த நிகழ்ச்சியின் மூலம் வெளிப்படும் என்பதால் தான் . இதனால் எனக்கு சினிமா வாய்புகள் கிடைக்கும் என்று கூறியுள்ளார் . மேலும் விரைவில் இந்த நிகழ்சியை பற்றிய பல தகவல்களை வெளியிட உள்ளதாகவும் கூறியுள்ளார்

பிக் பாஸ் நிகழ்ச்சியில் இந்த வாரம் வைஷ்ணவி தான் எவிக்ஷனில் வெளியேறினார் . பிக் பாஸ் வீட்டிலிருக்கும் போட்டியாளர்களை பொறுத்தவரை தான் அவர் வெளியேறி இருக்கிறார் . மற்றபடி வைஷ்ணவி பிக் பாஸ் வீட்டின் ரகசிய அறையில் தங்க வைக்கப்பட்டிருந்தார் என்பதை , மக்கள் அறிவர் . முன்னர் இதே போல சுஜாவை ரகசிய அறையில் தங்க வைத்தனர் என்பது கூறிப்பிடத்தக்கது . இன்றைய நிகழ்ச்சிக்கான பிரமோவில் வைஷ்ணவி மீண்டும் பிக் பாஸ் வீட்டிற்குள் அனுப்பி வைக்கப்பட்டிருக்கிறார் . முன்னர் பிக் பாஸ் வீட்டில் இருந்த வைஷ்ணவிக்கு , தன் சக போட்டியாளர்கள் பற்றி எதுவும் தெரியாது . ஆனால் இப்போது இருக்கும் வைஷ்ணவிக்கு , வீட்டில் இருக்கும் நபர்களில் யார் ? யார் ? எப்படிப்பட்டவர் என்பது ஓரளவிற்கு புரிந்திருக்கும் . இதனால் பிக் பாஸ் வைஷ்ணவியிடம் உங்கள் புரிதலின் அடிப்படையில் பிக் பாஸ் வீட்டில் இருக்கும் இவர்களுக்கு வரிசைப்படுத்தி பட்டங்கள் வழங்குங்கள் என கூறி இருக்கிறார் . இதில் வைஷ்ணவி முதலில் பிக் பாஸ் வீட்டின் நேர்மையான மனிதர் யார் ? என வரிசைப்படுத்துகிறார் . அதற்காக டேனியை முதலில் அந்த பக்கம் செல்ல சொல்கிறார் . இதனால் டேனியை தான் அவர் நேர்மையான நபர் என கூற வருகிறார் போல என தோன்றுகிறது . உண்மையில் வைஷ்ணவி யாரை பார்த்து அப்படி கூறினார் என , நிகழ்ச்சியை பார்த்தால் தான் தெரியும் . எது எப்படியோ வைஷ்ணவியின் இந்த வரவு பிக் பாஸ் வீட்டில் பலருக்கு பிடிக்கவில்லை என்றே தோன்றுகிறது . இந்த பிரமோவை பார்க்கும் போது . இதனால் இந்த வீட்டின் பிரச்சனைகள் மேலும் அதிகரிக்க வாய்ப்பு இருக்கிறது . அது தானே பிக் பாஸுக்கு வேண்டியதும் . . . .

தோனி மீது கடும் விமர்சனங்கள் எழுந்துள்ள நிலையில் , அவருக்கு ஆறுதல் அளிக்கும் வகையில் ஆதரவாக பேசியுள்ளார் கவுதம் காம்பீர் . இந்திய அணியின் முன்னாள் கேப்டனும் அனுபவ வீரருமான தோனி தற்போது ஃபார்மில்லாமல் தவித்து வருகிறார் . இங்கிலாந்து தொடர் , ஆசிய கோப்பை ஆகியவற்றில் சோபிக்கவில்லை . அதனால் கடும் விமர்சனங்களை தோனி எதிர்கொண்டுவருகிறார் . ஏற்கனவே இந்திய அணியில் மிடில் ஆர்டர் பிரச்னை நிலவிவரும் நிலையில் , தோனி சிறப்பாக ஆட வேண்டிய கட்டாயத்தில் இருக்கிறார் . ஆனாலும் தொடர்ந்து சொதப்பிவருகிறார் . உலக கோப்பைக்கு இன்னும் ஓராண்டுக்கும் குறைவாகவே உள்ளதால் தோனி மீண்டும் ஃபார்முக்கு வருவது அவசியம் . தோனியின் பேட்டிங் மீது விமர்சனங்கள் எழும்போதெல்லாம் மீண்டும் சிறப்பாக ஆடி தனது பேட்டிங்கின் மூலம் பதிலடி கொடுத்துள்ளார் தோனி . அதேபோன்றதொரு பதிலடியையும் இப்போதும் கொடுக்க வேண்டும் என்பதே ரசிகர்களின் எதிர்பார்ப்பு . தோனி பேட்டிங் சரியாக ஆடாவிட்டாலும் அவரது அனுபவம் , அணிக்கு தேவை . கேப்டனுக்கு அவர் வழங்கும் ஆலோசனைகள் போட்டியின் திருப்புமுனைகளை ஏற்படுத்தும் தருணங்களை ஏற்படுத்தி கொடுக்கின்றன . எனவே பேட்டிங் சரியாக ஆடாவிட்டாலும் அனுபவ வீரர் , இந்திய அணியின் வெற்றிகரமான அனுபவமான முன்னாள் கேப்டன் என்ற முறையில் 2019 உலக கோப்பை வரை தோனி ஆட வேண்டியது அவசியம் . இதே கருத்தைத்தான் முன்னாள் வீரர்கள் பலரும் தெரிவித்துவருகின்றனர் . இதற்கிடையே தோனிக்கு அடுத்து அவரது இடத்தை பிடிக்க இருக்கும் ரிஷப் பண்ட்டை நீண்டகாலம் காத்திருக்க வைக்காமல் வெஸ்ட் இண்டீஸுக்கு எதிரான ஒருநாள் தொடரிலேயே அவருக்கு வாய்ப்பளிக்க வேண்டும் என்ற குரல்களும் எழுந்துள்ளன . இந்நிலையில் , தோனி குறித்து பேசியுள்ள கவுதம் காம்பீர் , எந்த வீரராக இருந்தாலும் அணியில் அவரது இடம் , அவரது திறமையை பொறுத்தே அமைய வேண்டுமே தவிர வயதை பொறுத்து அல்ல . வயது மேட்டரே கிடையாது . எத்தனை வயதாக இருந்தாலும் அவர் திறமையாக ஆடினால் அணியில் இருக்கலாம் . தோனியும் அப்படித்தான் . நன்றாக ஆடினால் அணியில் தொடர்ந்து இடம்பெறலாம் . தோனி சிறப்பாக ஆடி அவர் மீதான விமர்சனங்களுக்கு பதிலடி கொடுப்பார் என நம்புவதாக காம்பீர் தெரிவித்துள்ளார் . காம்பீரை ஓரங்கட்டியது தோனி தான் என்றாலும் , எல்லா விஷயத்திலும் நேர்மையாக கருத்து தெரிவிக்கும் காம்பீர் , தோனி விஷயத்திலும் அதேமாதிரியான கருத்தைத்தான் தெரிவித்துள்ளார் . தன்னை ஓரங்கட்டியவர் என்பதற்காக தோனியை வேண்டுமென்றே விமர்சிக்காமல் , அவருக்கு ஆதரவாக பேசியுள்ளார் .

உலக சினிமா ரசிகர்களின் ஒட்டுமொத்த எதிர்பார்ப்போடு வெளியாகி இருக்கும் படம் ' பாகுபலி 2 ' . ராஜமெளலி இயக்கத்தில் பிரபாஸ் , ராணா , அனுஷ்கா , தமன்னா , நாசர் , ரம்யா கிருஷ்ணன் உள்ளிட்ட பலர் நடித்துள்ளார்கள் . ஆர்கா மீடியா நிறுவனம் தயாரித்துள்ளது . வர்த்தக ரீதியாகவும் , விமர்சன ரீதியாகவும் , மக்களிடையேயும் பெரும் வரவேற்பைப் பெற்றுள்ளது . இந்தியா மட்டுமன்றி உலகளவில் பல்வேறு வசூல் சாதனைகளை செய்துள்ளது ' ' பாகுபலி 2 ' ' . இத்திரைப்படம் முதல் நாளில் அனைவருக்கும் பங்கு தொகை போக 125 கோடி ரூபாய் தயாரிப்பாளருக்கு கிடைத்துள்ளது . முதல் நாளில் அதிக வசூல் செய்த இந்திய திரைப்படம் என்ற சாதனையை நிகழ்த்தியுள்ளது . ' பாகுபலி 2 ' படத்துக்கு பல்வேறு இந்திய திரையுலக பிரபலங்கள் தங்களுடைய வாழ்த்துகளைத் தெரிவித்து வருகிறார்கள் . இந்நிலையில் , ரஜினிகாந்த்க்கு இப்படத்தை பிரத்யேகமாக திரையிட்டார்கள் . இப்படம் குறித்து ரஜினிகாந்த் தனது ட்விட்டர் பக்கத்தில் " பாகுபலி - 2 இந்திய சினிமாவின் பெருமித அடையாளம் . ராஜமெளலிக்கும் அவரது குழுவுக்கும் எனது வந்தனங்கள் . மகத்தான படைப்பு " என்று தெரிவித்துள்ளார் . ரஜினியின் ட்வீட் மேற்கோளிட்டு ' தலைவா . . . கடவுளே வாழ்த்தியதுபோல் உணர்கிறேன் ' என்றார் இயக்குநர் ராஜமெளலி ஒட்டுமொத்த குழுவும் பெருமகிழ்ச்சியில் இருக்கிறது . இதைவிட சிறந்த வாழ்த்து ஏதுமில்லை " என்று தெரிவித்துள்ளார் . இப்படம் குறித்து இயக்குநர் ஷங்கர் ' பாகுபலி 2 ' படத்தைப் பார்த்தேன் . இந்திய சினிமாவின் பெருமித அடையாளம் . என்ன ஒரு பிரம்மாண்டம் , என்னே துணிச்சல் , எத்தகைய அழகு , இசை . . ராஜமெளலிக்கும் அவரது குழுவுக்கும் வாழ்த்துகள் " என்று தனது ட்விட்டர் பக்கத்தில் தெரிவித்துள்ளார் . சூப்பர்ஸ்டார் மற்றும் பிரம்மாண்டத்தின் பாராட்டால் பெரும் மகிழ்ச்சியில் இருக்கிறது படக்குழு .

நடிகை பாவனாவிற்கு நிகழ்த்தப்பட்ட கொடுமைதான் தற்போது இந்திய சினிமா துறையில் ஹாட் டாபிக்காக பேச பட்டு வருகிறது இந்த சம்பவம் குறித்து தென்னிந்திய நடிகர் சங்கத்தின் செயலாளர் விஷால் இதுகுறித்து கூறுகையில் . . . . , ' கேரளாவில் நடிகை பாவனாவுக்கு நடந்த சம்பவம் அனைவரும் அறிந்ததே நிஜமாகவே நடிகை பாவனாவின் தைரியத்தை நான் பாராட்டுகிறேன் ஏனென்றால் இதை போல் ஒரு சம்பவம் நடந்தால் இதை பற்றி வெளியில் சொல்ல அனைவரும் கூச்சப்படும் ஒரு சமயத்தில் நடிகை பாவனா அவருக்கு நடந்த சம்பவத்தை வெளியில் வந்து சொல்லியிருக்கிறார் . அவருடைய தைரியத்தை நான் வணங்குகிறேன் . இதை போல் ஒரு சம்பவம் நடந்திருக்க கூடாது . ஒரு நடிகைக்கே இந்த நிலைமை என்றால் சாதாரண மனிதர்களின் நிலைமையை நினைத்து பாருங்கள் . நாங்கள் ஏற்கனவே ஒரு கடிதத்தை நடிகர் சங்கம் சார்பில் கேரள முதல் அமைச்சருக்கு அனுப்பியுள்ளோம் . இன்று மீண்டும் தென்னிந்திய நடிகர் சங்க தலைவர் நாசர் சார் கையெழுத்தோடு இன்று அனுப்பவுள்ளோம் . குற்றவாளிகள் கண்டுபிடிக்கப்பட்டால் அவர்களுக்கு தண்டனை மிக கொடூரமாக இருக்க வேண்டும் , அப்போது தான் இனி அந்த ஒரு விஷயத்தில் இறங்க பயப்படுவார்கள் , யோசிப்பார்கள் . நாங்கள் கேரள நடிகர் சங்கமான “அம்மா“வை தொடர்பு கொண்டு அவர்களுக்கு இந்த விஷயத்தில் எங்களுடைய முழு ஆதரவையும் தெரிவித்துள்ளோம் . இந்த விஷயத்தை பொறுத்தவரை உடனடியாக விரைந்து நடவடிக்கையை அரசு எடுக்க வேண்டும் என நாங்கள் கடிதம் அனுப்பியுள்ளோம் . இதை போல் ஒரு சம்பவம் நடந்திருக்க கூடாது , என்னுடைய இதயம் வலிக்கிறது . நாங்கள் அனைவரும் இச்சமயத்தில் நடிகை பாவனாவுக்கு துணையாக இருக்கிறோம் . இந்த செயலை செய்தவர்களுக்கு நிச்சயம் தண்டனை கிடைக்கும் . போலிஸ் உடனடியாக நடவடிக்கை எடுப்பார்கள் என்ற நம்பிக்கையில் கேரள முதல் அமைச்சருக்கு நாங்கள் கடிதம் அனுப்பியுள்ளோம் ' என்று விஷால் கூறியுள்ளார் .

பாகிஸ்தான் அணி , டெஸ்ட் அணிக்கான கேப்டனை மாற்ற வேண்டும் என அந்த அணியின் முன்னாள் வேகப்பந்து வீச்சாளர் ஷோயப் அக்தர் வலியுறுத்தியுள்ளார் . பாகிஸ்தான் அணி ஆசிய கோப்பை சூப்பர் 4 சுற்றில் வங்கதேசத்திடம் தோற்று வெளியேறியது . இது அந்த அணியின் முன்னாள் வீரர்கள் மற்றும் அணி நிர்வாகத்துக்கு அதிர்ச்சியையும் அதிருப்தியையும் ஏற்படுத்தியுள்ளது . அந்த அணியின் கேப்டன் சர்ஃப்ராஸ் அகமதுவின் கேப்டன்சி குறித்த கேள்வி எழுந்துள்ளது . அதுமட்டுமல்லாமல் சர்ஃப்ராஸ் அகமது பேட்டிங்கிலும் சோபிக்கவில்லை . 2017 சாம்பியன்ஸ் டிராபிக்கு பிறகு அவரது சராசரி 15 ரன்களுக்கும் குறைவாகவே உள்ளது . உலக கோப்பைக்கு இன்னும் ஓராண்டுக்கும் குறைவாகவே உள்ள நிலையில் , அணியில் உள்ள குறைபாடுகளை கண்டறிந்து களைவது முக்கியம் . இதற்கிடையே ஆஸ்திரேலியா மற்றும் பாகிஸ்தான் அணிகளுக்கு இடையேயான 2 டெஸ்ட் போட்டிகள் மற்ரும் 3 டி20 போட்டிகள் கொண்ட தொடர் ஐக்கிய அரபு அமீரகத்தில் நடக்க உள்ளது . இந்நிலையில் , டெஸ்ட் அணிக்கு சர்ஃப்ராஸை நீக்கிவிட்டு பாபர் அசாமை கேப்டனாக நியமிக்க வேண்டும் என்ற குரல் எழுந்துள்ளது . இதன்மூலம் சர்ஃப்ராஸின் கேப்டன்சி சுமையை குறைக்க முடியும் . அதனால் அவரால் பேட்டிங்கில் கவனம் செலுத்தி மேம்பட முடியும் என பாகிஸ்தான் அணியின் முன்னாள் வேகப்பந்து வீச்சாளர் ஷோயப் அக்தர் வலியுறுத்தியுள்ளார் . இதுதொடர்பாக பேசியுள்ள ஷோயப் அக்தர் , சர்ஃப்ராஸ் அகமது 2019 உலக கோப்பை வரை பாகிஸ்தான் அணியின் கேப்டனாக நீடிக்க வேண்டும் . ஆனால் டெஸ்ட் போட்டிகளுக்கு பாபர் அசாமை கேப்டனாக்கலாம் . அனைத்து விதமான அணிகளுக்கும் கேப்டனாக இருந்துகொண்டு சிறப்பாக ஆடுவது என்பது சர்ஃப்ராஸுக்கு சவாலான காரியம் . எனவே சர்ஃப்ராஸ் தைரியமான முடிவை எடுத்துவிட்டு ஆட்டத்தில் கவனம் செலுத்த வேண்டும் என வலியுறுத்தியுள்ளார் .

Badminton Stars Saina Nehwal , Parupalli Kashpap to Tie Knot on Dec 16 : சாய்னா நேவால் ரசிகர்களுக்கு அடுத்தடுத்து இரு கொண்டாட்டமான நிகழ்வுகள் அரங்கேறியிருக்கிறது . ஒன்று . . இரண்டு நாட்களுக்கு முன்பு அறிவிக்கப்பட்ட சாய்னா நேவாலின் பயோபிக் திரைப்படம் . பிரபல தயாரிப்பு நிறுவனமான டி - சீரீஸ் தயாரிக்கும் இப்படத்துக்கு ` சாய்னா’ என்றே பெயரிடப்பட்டுள்ளது . சாய்னா நேவாலாக பிரபல இந்தி நடிகை ஷ்ரத்தா கபூர் நடிக்கிறார் . அமோல் குப்தே என்பவர் இப்படத்தை இயக்குகிறார் . இந்நிலையில் , சக பேட்மிண்டன் வீரரும் , சொந்த மாநிலத்துக்காரருமான பருபள்ளி கஷ்யப்பை சாய்னா திருமணம் செய்ய உள்ளதாக அறிவிக்கப்பட்டுள்ளது . வரும் டிசம்பர் மாதம் 16ம் தேதி இவர்கள் திருமணம் நடக்க உள்ளதாக கூறப்படுகிறது . திருமணத்தில் 100 பேர் மட்டும் கலந்து கொள்ள இருக்கிறார்களாம் . மற்ற நண்பர்கள் , செலிப்ரிட்டிகளுக்காக டிசம்பர் 21ம் தேதி பிரம்மாண்டமாக ரிஷப்ஷன் வைக்க உள்ளதாகவும் செய்திகள் தெரிவிக்கின்றன . இதில் , ஆச்சர்யமான விஷயம் என்னவெனில் , இருவரும் 10 ஆண்டுகளாக சைலன்ட்டாக லவ்ஸ் பண்ணிக் கொண்டு இருந்திருக்கிறார்கள் . இப்போது பெற்றோர்களின் பரிபூரண சம்மதத்துடன் இருவரின் திருமணம் நிச்சயிக்கப்பட்டுள்ளதாம் .

சர்ச்சைகளுக்கு பெயர் போன இயக்குனர் என்றால் அது இயக்குனர் களஞ்சியம்தான் . தற்போது அவர் முன்னணி நடிகர்களை வம்புக்கு இழுத்திருக்கிறார் . களஞ்சியம்பூமணி என்ற படத்தின் மூலம் தமிழ் திரையுலகுக்கு இயக்குனராக அறிமுகவானவர் களஞ்சியம் . இந்த படத்தில் முரளி மற்றும் தேவயானி நடித்திருந்தனர் . மேலும் இப்படத்திற்காக சிறந்த கதைக்கான தமிழக அரசின் விருதை வென்றார் . அஞ்சலிபின்னர் கருங்காலி என்ற படத்தில் அஞ்சலியுடன் ஜோடி போட்டார் . சிறிது நாட்களிலேயே நடிகை அஞ்சலி இயக்குனர் களஞ்சியம் மீது அடுக்கடுக்கான குற்றச்சாட்டுகளை முன்வைத்தார் . அதன்பின் ஒருமுறை படப்பிடிப்பின் போது சக நடிகையை ஓங்கி அறைந்தார் . இப்படி பல சர்ச்சைகளுக்கு பெயர் போனவர் . அஜித்இந்நிலையில் இயக்குனர் களஞ்சியம் ஒரு பேட்டியில் மானம் வெட்கம் உள்ள தமிழன் அஜித்துக்கு பேனர் வைப்பானா என்று பேசியிருக்கிறார் . ஆர்யாஅதோடு ரஜினி , அர்ஜுன் , பிரபுதேவா , பாபி சிம்ஹா எல்லோரும் தமிழர்களா ஒரு படத்தில் 20 கோடிக்கு மேல் சம்பளம் வாங்கும் ஆர்யா தனக்கு தமிழ் எழுதவும் தெரியாது , படிக்கவும் தெரியாது என்று கூறுகிறார் . பிரகாஷ்ராஜை அடித்தோமாஅதோடு கன்னடத்தில் போய் பிரகாஷ் ராஜ் கர்நாடகாவை அவனே அழ வேண்டும் . ஆனால் தமிழ்நாட்டில் வந்து தமிழ்நாடு இந்தியாவில்தான் இருக்கிறது என்று பேசுகிறார் . அவரை நாம் அடித்து விரட்டினோமாஇனவெறியை பாராட்டுகிறேன்கர்நாடகாவில் எம் . ஜி . ஆரின் பதாகை வைக்கப்பட்டது . அவர் கன்னடரா பின்னர் ஏன் அவரின் பதாகை இங்கே என்று கூறி அதை கிழித்து எறிந்தனர் . அவர்களின் இன வெறியை பாராட்டுகிறேன் என்று பேசினார் . முன்னணி நடிகர்களை இப்படி பேசியதால் கோலிவுட்டே பரபரப்பாக உள்ளது . மேலும் அஜித் ரசிகர்கள் இயக்குநர் களஞ்சியம் மீது கோபத்தில் உள்ளனர் .

ஐபிஎல் டி - 20 கிரிக்கெட் போட்டியின் இந்த சீசனில் மும்பையின் இஷான் கிஷண் மற்றும் கேப்டன் ரோஹித் சர்மா இரண்டாவது முறையாக கோல்டன் டக் ஆகி அபார ( மோசமான ) சாதனை படைத்துள்ளார் . ஐபிஎல் டி - 20 கிரிக்கெட் போட்டித் தொடரின் 11வது சீசன் நடக்கிறது . இதில் பெங்களூருவில் நடக்கும் 31வது ஆட்டத்தில் ராயல் சேலஞ்சர்ஸ் பெங்களூர் மற்றும் நடப்பு சாம்பியன் மும்பை இந்தியன்ஸ் அணிகள் விளையாடின . முதலில் ஆடிய பெங்களூர் அணி 20 ஓவர்களில் 7 விக்கெட் இழப்புக்கு 167 ரன்களுக்கு ஆட்டமிழந்தது . 168 ரன்கள் இலக்கை நோக்கி விளையாடிய மும்பை அணியில் , இஷான் கிஷான் முதல் ஓவரிலேயே ’Duck Out’ ஆனார் . இந்த சீசனில் மட்டும் அவர் இது போன்று மூன்று முறை ஆட்டமிழந்துள்ளார் . இந்த சீசனில் அவர் மூன்று முறை ரன் ஏதும் எடுக்காமல் டக் அவுட்டாகியுள்ளார் . அதில் இரண்டாவது முறையாக முதல் பந்திலேயே அவுட்டாகி , கோல்டன் டக் அவுட்டானார் . இஷான் கிஷானைத் தொடர்ந்து , களமிறங்கிய மும்பை அணியின் கேப்டன் ரோஹித் ஷர்மா “Golden Duck Out”ஆனார் . அவர் இரண்டாவது முறையாக இந்த சீசனில் “Duck Out” ஆகியுள்ளார் . மேலும் , ஐ . பி . எல் போட்டிகளில் இதுவரை 9 முறை “கோல்டன் டக் - அவுட்” ஆகியுள்ளார் . இந்நிலையில் , இந்த சீசனில் மும்பை அணியைச் சேர்ந்த 12 வீரர்கள்’Duck Out’ஆகி , புதிய சாதனையை படைத்துள்ளனர் . அவர்களில் 8 பேர் ‘Golden Duck Out’ஆகியுள்ளனர் என்பது குறிப்பிடத்தக்கது . சென்னை சூப்பர் கிங்ஸ் அணி வீரர்கள் தான் மிகவும் குறைவாக 2 பேர் மட்டுமே ‘Duck Out’ ஆகியுள்ளனர் . கடந்த போட்டியில் கிஷானும் , சூர்யகுமார் யாதவும் ‘Duck Out’ஆகினர் .

பிரபாஸுடன் “சாகோ” படத்தில் , நடிகர் அருண் விஜய் நடிக்கவுள்ளார் . ‘பாகுபலி’ படத்திற்குப் பிறகு நடிகர் பிரபாஸ் நடிக்கும் படம் “சாகோ” . இந்தப் படம் தமிழ் , தெலுங்கு மற்றும் இந்தி என மூன்று மொழிகளில் தயாராகிறது . இந்தப் படத்தில் அனுஷ்கா கதாநாயகியாக நடிக்க இருப்பதால் ரசிகர்களின் எதிர்பார்ப்பு கூடுகிறது . விஜய் நடித்த ‘கத்தி’ படத்தில் வில்லனாக நடித்த நீல் நிதின் முகேஷ் , பிரபாஸுக்கு வில்லனாக இந்தப் படத்தில் நடிக்கிறார் . இந்த நிலையில் , அருண் விஜய்யும் இந்தப் படத்தில் பிரபாஸுடன் இணைந்துள்ளார் . அவர் வில்லனாக நடிக்கிறாரா ? அல்லது வேறு என்ன கதாபாத்திரம் என்பதை படக்குழு விரைவில் அறிவிக்கும் . விரைவில் அருண் விஜய் சாகோ படப்பிடிப்பில் கலந்து கொள்வார் . அதன்பின்னே நமக்கு அவரது கதாபாத்திரத்தை பற்றி தெரிய வரும் . தற்போது அருண்விஜய் , மகிழ் திருமேனி இயக்கத்தில் ‘தடம்’ என்ற படத்தில் நடித்து வருகிறார் .

தமிழ் சினிமா ரசிகர்களுக்கு நன்கு பரீட்சயமானவர் பழம்பெரும் நடிகர் சங்கிலி முருகன் . தற்போது ' நரை ' என்கிற படத்தில் முக்கிய கதாப்பாத்திரத்தில் நடித்து வருகிறார் . இவருடன் சந்தானபாரதி , " ஜூனியர் " பாலையா , நளினிகாந்த் , ஞானவேல் , அழகு , விஜய்கிருஷ்ணராஜ் , மகாநதி சங்கர் , துரை சுதாகர் , பெருமாள் காசி மற்றும் பலர் நடிப்பில்நடித்துள்ளனர் . இயக்குநர் விவி இயக்கியுள்ள இப்படம் , வழக்கமாக இளம் கதாநாயகர்கள் வில்லன்களிடம் மோதுவதையே பார்த்துப் பழகிப்போன தமிழ் ரசிகர்களுக்கு , வயதான முதியவர்கள் வில்லன்களிடம் மோதுவது நிச்சயம் புதுமையான அனுபவத்தைத் தருவதாக அமையும் . நெஞ்சை நெகிழ வைக்கும் உருக்கமான காட்சிகளுடன் உருவாகியுள்ள இப்படத்தின் டீசர் வெளியீட்டு விழா சென்னையில் நடைபெற்றது . இந்நிகழ்ச்சியில் படக்குழுவினருடன் சிறப்பு விருந்தினர்களாக ' அம்மா கிரியேசன்ஸ் ' சிவா மற்றும் தயாரிப்பாளரும் , நடிகருமான ஆர் கே சுரேஷ் கலந்து கொண்டனர் . அப்போது நடந்த பத்திரிக்கையாளர் சந்திப்பில் , பேசிய ஆர் . கே . சுரேஷ் , “நான் தயாரிப்பாளராக சினிமாவிற்கு அறிமுகமாகி 7 வருடங்கள் ஆகியிருக்கிறது . அன்று நான் தயாரித்த ‘6 மெழுகுவர்த்திகள்’ ஜெயிக்காமல் போயிருந்தால் நான் இங்கிருந்திருப்பேனா ? என்பது சந்தேகம் தான் . எனது பெரியப்பா ‘சங்கிலி முருகன்’ இப்படத்தில் நடித்திருக்கிறார் . அதுவே இப்படத்தின் வெற்றியை உறுதி செய்திருக்கிறது . இப்போதிருக்கிற சூழலில் சிறிய பட்ஜெட் படங்களை எடுத்து வெளியிடுவது என்பது சாதாரணமானது இல்லை . அந்த வகையில் இப்படி ஒரு வித்தியாசமான படத்தை துணிந்து தயாரித்திருக்கிற தயாரிப்பாளர்களுக்கு எனது வாழ்த்துகள் . “நரை” திரைப்படம் ஜெயிக்க வேண்டும் , இயக்குநர் விவி - க்கு எனது வாழ்த்துகள்” என்று பேசினார் . ‘சங்கிலி’முருகன் பேசிய போது , “அந்தக் காலத்தில் திரைப்படம் பார்க்கப் போவதெல்லாம் திருவிழாவிற்குப் போவது மாதிரி . இப்போது எல்லாம் அப்படியே மாறிப் போயிருக்கிறது . பல படங்கள் ரசிகனுக்குப் புரிவதே இல்லை . சமீபத்தில் கூட ஒரு படம் வந்தது , ரசிகனை இருட்டு அறையில் குருட்டு குத்து குத்திக் கொண்டிருக்கிறார்கள் . அப்படி இருக்கும் காலகட்டத்தில் “நரை” போன்ற படம் வருவது நல்ல விசயம் தான் . இயக்குநர் விவி நிச்சயம் பெரிய இயக்குநராக வருவார் . அவர் கதை சொல்லும் போதே , அவ்வளவு அருமையாக நடித்துக் காட்டுவார் . ஒரு வேளை நாமும் இப்படித்தான் நடிக்க வேண்டுமோ ? என்று குழம்பியிருக்கிறேன் நிறைய முறை . இப்படத்தில் சொல்ல வேண்டியது இவர்கள் பயன்படுத்திய ஒளிப்பதிவு டெக்னிக் . நிறைய செலவு இல்லாமல் , மிகக் குறைந்த பொருட்செலவில் அவர்கள் செய்த லைட்டிங் அவ்வளவு பிரமிப்பை ஏற்படுத்தியது . ஒளிப்பதிவாளர் சினு சித்தார்த் - திற்கும் இயக்குநர் விவி - க்கும் தயாரிப்பாளர்களுக்கும் எனது வாழ்த்துகள் . “நரை” சந்தேகமேயின்றி வெற்றிபெறும்” என்று பேசினார் .

தமிழ் சினிமாவில் தற்போது வளர்ந்து வரும் கதாநாயகிகளில் ஒருவராக இருக்கும் நடிகை அதிதி ராவ் , நடிப்பை தொடர்ந்து தற்போது பாடகியாகவும் மாறியுள்ளார் . 2007 ஆம் ஆண்டு ' ஸ்ரீநகரம் ' படத்தின் மூலம் தமிழில் அறிமுகமான இவருக்கு , பின் எதிர்பார்த்த அளவிற்கு பட வாய்ப்புகள் கிடைக்காததால் , தமிழ் திரையுலகிற்கு குட் பை சொல்லி விட்டு . . . ஹிந்தி மற்றும் மராத்திய மொழி படங்களில் கவனம் செலுத்த தொடங்கினார் . 10 வருடம் கடந்த ஆண்டு இயக்குனர் மணிரத்னம் இயக்கிய ' காற்று வெளியிடை ' படத்தின் மூலம் ரீ - என்ட்ரி கொடுத்தார் . இந்த திரைப்படத்திற்கு ரசிகர்கள் மத்தியில் எதிர்பார்த்த அளவிற்கு வரவேற்பு கிடைக்க வில்லை என்றாலும் , இந்த படத்தின் ப்ரோமோஷன் நிகழ்ச்சியில் இவர் பாடிய பாடல்கள் ரசிகர்களை வெகுவாக கவர்ந்தது . இந்த படத்தை தொடர்ந்து செக்கச்சிவந்த வானம் படத்திலும் நடித்தார் . தற்போது சைக்கோ படத்தில் நடித்து வருகிறார் . பிரகாஷ் இசையமைத்து , நடித்துள்ள ஜெயில் படத்தில் , காத்தோடு என்று தொடங்கும் ஒரு டூயட் பாடலை ஜி . வி . பிரகாஷ் உடன் இணைந்து பாடி பாடகியாகவும் மாறியுள்ளார் . இதனை ட்விட்டர் பக்கத்தில் பதிவிட்டுள்ள ஜிவி பிரகாஷ் , இந்த பாடல் பாடியது நல்லதொரு அனுபவமாக அமைந்ததாக தெரிவித்துள்ளார் .

பிரபல தொலைக்காட்சியில் ஒளிபரப்பாகும் நாகினி என்கிற சின்னத்திரை தொடருக்கு , இன்று பல இளைஞர்கள் கூட ரசிகர்கள் தான் . அந்த அளவிற்கு மிகவும் விறுவிறுப்பாக போய் கொண்டிருக்கிறது இந்த தொடர் . தற்போது நாகினியின் இரண்டாவது பாகம் , படப்பிடிப்பு நடந்து வருகிறது . இதில் சுதா சந்திரன் மிக முக்கியமான கதாபாத்திரத்தில் நடித்து வருகிறார் . இந்த நாடகத்தின் படப்பிடிப்பு மும்பையில் நடக்கறது . அப்போது சுதா சந்திரன் கையில் ஸ்கிரிப்ட் பேப்பரை வைத்து கொண்டு இருந்ததால் ஆத்திரம் அடைந்த அந்த நாடகத்தின் இயக்குனர் குஷால் இது பற்றி சுதாவிடம் கேட்டுள்ளார் . இதனால் ஆத்திரம் அடைந்த சுதா சந்திரன் , ஷூட்டிங் நடக்கும் இடத்தில ஸ்கிரிப்ட் பேப்பர் கையில் வைத்திருக்காமல் பீர் பாட்டில் வைத்திருப்பார்களா என கோபமாக கூறியுள்ளார் . மேலும் தான் ஷூட்டிங் ஸ்பாட்டிற்கு வரும் போது , செல் போன் கூட தொட மாட்டேன் என்றும் , ஸ்கிரிப்ட் கொடுத்தவுடன் ஒரே ஒரு பார்வையில் யாராலும் வசனங்களை படித்து விட முடியாது என குஷாலை திட்டி தீர்த்து விட்டார் . இந்த பிரச்சனை பற்றி அறிந்த பாலாஜி டெலிபிலிம்ஸ் அதிகாரிகள் அங்கு வந்து , இயக்குனரயும் , சுதா சந்திரனையும் சமாதான படுத்தி , சுதாவை கேரவனுக்கு அனுப்பிவைத்தனர் . இந்த பிரச்னையால் ஒரு வேலை சுதா இந்த சீரியலை விட்டு விலகவும் வாய்ப்பு உள்ளதாக கூறப்படுகிறது .

தமிழகத்தில் பிக்பாஸ் நிகழ்ச்சி , மக்களிடையே நல்ல வரவேற்பை பெற்றுள்ளது . இதற்கு முன்னதாக நிகழ்ச்சியில் போட்டியாளர்களாக தற்போது இடம்பெற்றுள்ள புதுமுகங்கள் ஓவியாவின் இடத்தை பிடிக்க முடியவில்லை இந்நிலையில் , சற்று சர்ச்சையும் சண்டையுமாக இருக்கட்டுமே என காஜலை பிக் பாஸ் வீட்டிற்கு அனுப்பிள்ளனர் . இதன் தொடர்ச்சியாக நேற்று கன்பெஷன் ரூமிலிருந்து கமலிடம் பேசிய காஜல் சில பல கேள்விகளுக்கு அவருக்குண்டான பாணியில் பதிலளித்து வந்தார் . அப்போது நீங்கள் பிக் பாஸ் வீட்டிற்குள் செல்லும் போது உங்களுக்கு வரவேற்பு இருந்ததா என கமல் கேள்வி கேட்டார் . இதற்கு பதிலளித்த காஜல் , வரும் போது என்னையாருக்கும் பிடிக்கவில்லை . ஆனால் இப்பொழுது பேச தொடங்கியவுடன் ஒரு சிலருக்கு என்னை பிடிசிருக்குமென நம்புவதாக சொன்னார் . அதில் குறிப்பாக சினேகனை எனக்கு நன்கு தெரியும் . ஆனாலும் அவருக்கு என்னை பிடிக்கவில்லை என கூறினார் . எப்படி சொல்கிறீர்கள் என கமல் கேட்டதற்கு , மற்றவர்களை சிநேகன் கட்டி பிடித்த மாதிரி என்னை கட்டிப்பிடிக்கவில்லை என மனவருத்தமாக கூறினார் .

தென்னிந்திய சினிமாவின் பிரமாண்ட படைப்பான ' பாகுபலி ' படத்தின் கதாபாத்திர பின்புல கதைகளைத் திரித்து தொலைக்காட்சி தொடர்களாக உருவாக்க பாகுபலி பட கதைக்குழு திட்டமிட்டுள்ளது . இந்திய சினிமாவில் பெரும் பொருட்ச்செலவில் பிரமாண்டமான படைப்பான பாகுபலி 2 , கடந்த மாதம் ஏப்ரல் 28 - ம் தேதி வெளியானது . வர்த்தக ரீதியாகவும் , விமர்சகர்கள் மத்தியிலும் நல்ல வரவேற்பை பெற்றதோடு ரசிகர்களின் எதிர்பார்ப்பை பூர்த்தி செய்தது . இந்திய திரையுலகின் முன்னணி பிரபலங்கள் பலரும் தங்களுடைய வாழ்த்தை தெரிவித்துள்ளார்கள் . மேலும் இப்படம் வெளியான நாட்களிலிருந்து பெரும் வசூல் சாதனைகளை நிகழ்த்தி வருகிறது . ' பாகுபலி 2 ' படத்தின் பத்திரிகையாளர் சந்திப்பில் இயக்குநர் SS ராஜமெளலி , ' படத்தின் கதை இரண்டாம் பாகத்தோடு முடிந்துவிடும் . ஆனால் , ' பாகுபலி ' உலகம் தொலைக்காட்சி தொடர்கள் , புத்தக வடிவில் தொடரும் . அதில் ஒவ்வொரு கதாபாத்திரத்துக்கும் உள்ள பின்புல கதைகள் இடம்பெறும் ' என்று தெரிவித்தார் . ஒவ்வொரு கதாபாத்திரத்தின் பின்புல கதைகள் அனைத்தும் புத்தகமாக வெளிவரவுள்ளது . இந்நிலையில் , வரும் 2018 - ம் ஆண்டு ஆரம்பத்திலிருந்து ' பாகுபலி ' படத்தின் தொலைக்காட்சி தொடர்கள் ஒளிபரப்பைத் தொடக்க படக்குழு முடிவு செய்துள்ளது . இதன் படப்பிடிப்பை ' பாகுபலி ' படத்துக்காக அமைக்கப்பட்ட செட்டில் நடத்த முடிவெடுத்துள்ளார்கள் . இதில் நடிக்கவிருப்பவர்களுக்கான தேர்வு மும்முரமாக நடைபெற்று வருகிறது . இதனையும் படமாகவே கருதி , பிரம்மாண்டமாக எடுக்க திட்டமிட்டுள்ளார்களாம் .

நடிகர் விஷால் ஒன்றும் எம்ஜிஆரோ , ஜெயலலிதாவோ அல்ல என்றும் , அவரது அரசியல் கனவு மட்டுமல்ல சினிமா வாழ்க்கையும் விரைவில் அஸ்தமணமாகும் என அமைச்சர் பாலாஜி தெரிவித்துள்ளார் . மறைந்த முதலமைச்சர் ஜெயலலிதாவின் தொகுதியான சென்னை ஆர் . கே . நகரில் வரும் 21 ஆம் தேதி இடைத் தேர்தல் நடைபெறவுள்ளது . இதில் இரட்டை இலை சின்னம் கிடைத்த உற்சாகத்தில் அதிமுக சார்பில் மதுசூதனன் போட்டியிடுகிறார் . திமுக சார்பில் ஏற்கனவே போட்டியிட்ட மருது கணேஷ் மீண்டும் களத்தில் இறங்கியுள்ளார் . இபிஎஸ் – ஓபிஎஸ்டன் ஏற்பட்ட மோதல் காரணமாக , கட்சி . சின்னம் என இரண்டையும் இழந்தாலும் டி . டி . வி . தினகரன் இத்தொகுதியில் மீண்டும் களம் காணுகிறார் . தேமுதிக போட்டியிடவில்லை என அறிவித்துள்ள நிலையில் , பாஜக சார்பில் கரு . நாகராஜன் வேட்பாளராக போட்டியிடுகிறார் . நாம் தமிழர் கட்சியின் சார்பில் கலைக்கோட்டுதயம் போட்டியிடுகிறார் . இந்நிலையில் திடீர் திருப்பமாக நடிகர் சங்கத்தின் பொதுச் செயலாளரும் , தயாரிப்பாளர் சங்கத் தலைவருமான நடிகர் விஷால் திடீரென ஆர் . கே . நகர் இடைத் தேர்தலில் போட்டியிடப்போவதாக அறிவித்துள்ளார் . நடிகர் - நடிகைகள் விஷாலுக்கு ஆதரவு தெரிவித்து வரும் நிலையில் , அரசியல் கட்சிகள் சில அவருக்கு எதிர்ப்புத் தெரிவித்துள்ளன . சினிமா டிக்கெட் மாதிரி இல்ல அரசியல் டிக்கெட் என தமிழக பாஜக தலைவர் தமிழிசை தெரிவித்திருந்தார் . விஷால் போன்ற நடிகர்கள் எல்லாம் அரசியலில் நிலைத்து நிற்க முடியாது என நாடாளுமன்ற துணை சபாநாயகர் தம்பிதுரை எதிர்ப்புத் தெரிவித்தார் . இந்நிலையில் செய்தியாளர்களிடம் பேசிய அமைச்சர் ராஜேந்திர பாலாஜி , நடிகர் விஷால் ஒன்றும் எம்ஜிஆரோ , ஜெயலலிதாவோ அல்ல என்றும் , அவரது அரசியல் கனவு மட்டுமல்ல சினிமா வாழ்க்கையும் விரைவில் அஸ்தமணமாகும் என கூறினார் .

இளம் வீரர் பிரித்வி ஷாவை சேவாக்குடன் ஒப்பிடக்கூடாது என்று இந்திய வீரர் கவுதம் காம்பீர் கருத்து தெரிவித்துள்ளார் . வெஸ்ட் இண்டீஸ் அணிக்கு எதிரான முதல் டெஸ்ட் போட்டியில் அறிமுகமான பிரித்வி ஷா , முதல் போட்டியிலேயே அபாரமாக ஆடி சதமடித்தார் . இதன்மூலம் கிரிக்கெட் உலகின் கவனத்தை ஒட்டுமொத்தமாக ஈர்த்துள்ளார் பிரித்வி ஷா . ரஞ்சி டிராபி , துலீப் டிராபி ஆகிய தொடர்களில் அறிமுக போட்டியில் சதமடித்த பிரித்வி ஷா , சர்வதேச போட்டியிலும் முதல் போட்டியிலேயே சதம் விளாசினார் . சர்வதேச போட்டியில் அறிமுகமாவதால் , பதற்றமோ பயமோ இல்லாமல் தனது இயல்பான ஆட்டத்தை ஆடினார் பிரித்வி ஷா . அதுதான் அனைவரின் பார்வையையும் பிரித்வி ஷாவின் பக்கம் திருப்பியது . பிரித்வி ஷாவின் அபாரமான ஆட்டத்தை கிரிக்கெட் ஜாம்பவான்கள் பாராட்டிவருகின்றனர் . பிரித்வி ஷா ஒரு போட்டியில் தான் ஆடியிருக்கிறார் . அதற்குள்ளாக சச்சின் டெண்டுல்கருடனும் வீரேந்திர சேவாக்குடனும் ஒப்பிடப்படுகிறார் . இவரது ஆட்டத்தை பார்த்த ரெய்னா , பிரித்வி ஷா சேவாக்கை நினைவுபடுத்துவதாக தெரிவித்தார் . பிரித்வி ஷாவை சச்சின் டெண்டுல்கர் மற்றும் பிரயன் லாரா ஆகியோரின் கலவை என ஆஸ்திரேலிய அணியின் முன்னாள் வீரர் மார்க் வாஹ் புகழ்ந்தார் . பிரித்வி ஷா , இளம் வயது சச்சின் மற்றும் கவாஸ்கரை நினைவுபடுத்துவதாக வெஸ்ட் இண்டீஸ் அணியின் முன்னாள் ஜாம்பவான் பவுலர் குர்ட்னி வால்ஷ் புகழ்ந்திருந்தார் . பிரித்வி ஷா குறித்து கருத்து தெரிவித்த முன்னாள் கேப்டன் கங்குலி , பிரித்வி ஷா சிறப்பாக ஆடினார் . அவர் ஒரு போட்டியில்தான் ஆடியிருக்கிறார் . அவர் நல்ல திறமையான வீரர் என்றாலும் , அவர் வெளிநாடுகளிலும் தொடர்ந்து சிறப்பான ஆட்டத்தை வெளிப்படுத்தி வளரட்டும் . அதற்குள்ளாக அவரை சேவாக்குடன் எல்லாம் ஒப்பிட வேண்டாம் என்று கங்குலி கருத்து தெரிவித்திருந்தார் . கங்குலியின் கருத்துடன் முன்னாள் கேப்டன் அசாருதீனும் உடன்பட்டிருந்தார் . பிரித்வி குறித்து கருத்து தெரிவித்திருந்த அசாருதீன் , 18 வயதில் அறிமுக போட்டியிலேயே சதமடிப்பது சாதாரண விஷயமல்ல . அவர் திறமையான வீரர் தான் ; எனினும் அதற்குள்ளாகவே முன்னாள் ஜாம்பவான்களுடன் ஒப்பிடக்கூடாது . வெவ்வேறு காலக்கட்டத்தில் ஆடும் வீரர்களை ஒப்பிடவே கூடாது . ஒவ்வொரு காலக்கட்டத்திலும் வெவ்வேறு சிறந்த வீரர்கள் இருந்துள்ளனர் . புகழ்ச்சிகள் , ஒப்பீடுகள் ஆகியவற்றை கருத்தில் கொள்ளாமல் பிரித்வி ஷா அவரது இயல்பான ஆட்டத்தை தொடர்ந்து ஆட வேண்டும் என அசாருதீன் தெரிவித்திருந்தார் . இந்நிலையில் , பிரித்வி ஷா குறித்து பேசியுள்ள கவுதம் காம்பீர் , பிரித்வி ஷா மிகத்திறமையான வீரர் . அதனால்தான் இன்று அவர் இந்த இடத்தில் இருக்கிறார் . அவரது டெஸ்ட் கிரிக்கெட் வாழ்க்கையை மிக அற்புதமாக அபார சதத்துடன் தொடங்கியுள்ளார் . இன்னும் நீண்ட தூரம் அவர் பயணிக்க வேண்டியிருக்கிறது . அதனால் இனிமேல் தான் அவருக்கு மிகப்பெரிய சவால்கள் காத்திருக்கின்றன என்றார் . பிரித்வி ஷாவை சேவாக்குடன் ஒப்பிடக்கூடாது . பிரித்வி ஷாவை மட்டுமல்ல ; எந்த வீரரையும் மற்ற வீரர்களுடன் ஒப்பிடக்கூடாது . அவரவர்க்கென்று திறமையும் தனித்துவமும் உள்ளது . சேவாக்குடன் பிரித்வி ஷாவை ஒப்பிடுபவர்கள் , அதற்கு முன்னதாக , இருவரையும் ஒப்பிடலாமா என்று யோசிக்க வேண்டும் . இதுபோன்ற ஒப்பீடுகளில் எனக்கு நம்பிக்கையில்லை . பிரித்வி ஷா ஒரு போட்டியில் தான் ஆடியிருக்கிறார் . இன்னும் நீண்ட தூரம் அவர் பயணிக்க வேண்டும் . ஆனால் சேவாக் 100 டெஸ்ட் போட்டிகளுக்கு மேல் ஆடியுள்ளார் . இருவரையும் ஒப்பிடக்கூடாது என்று காம்பீர் தெரிவித்துள்ளார் .

மெர்லின் திரைப்படத்தில் உள்ள பெண்களுக்கு எதிரான அவதூறான காட்சியை நீக்க கோரிய மனுவிற்கு ஒரு வாரத்தில் பதில் அளிக்க படத் தயாரிப்பு நிறுவனத்திற்கு சென்னை உயர்நீதிமன்றம் உத்தரவிட்டுள்ளது . ‘மெர்லின்’ என்ற திரைப்படம் கடந்த பிப்ரவரி 23 ஆம் தேதி வெளியானது . இந்த திரைப்படத்தில் விஷ்ணுபிரியன் , அஸ்வினி சந்திரசேகர் உள்பட பலர் நடித்துள்ளனர் . இந்த பேய் படத்தில் வரக்கூடிய ஒரு காட்சியில் சாமியார் வேடத்தில் வருபவர் பெண்களுக்கு மட்டும் தான் அதிக அளவில் பேய் பிடிக்கும் . அதற்கு காரணம் செக்ஸ் தான் என்று கூறுவது போல் காட்சிகள் இடம் பெற்றுள்ளன . இந்த காட்சியும் , வசனமும் பெண் இனத்தையே இழிவுப்படுத்தும் விதமாக உள்ளதால் அந்த காட்சியை நீக்க தயாரிப்பாளருக்கு உத்தரவிட வேண்டும் என்று சென்சார் போர்டுக்கு மனு அனுப்பியும் , இதுவரை நடவடிக்கை எடுக்கப்படவில்லை . எனவே , பெண்களுக்கு எதிரான இந்த காட்சியை அகற்ற சென்சார் போர்டுக்கு உத்தரவிட வேண்டும் என்று சென்னை பெரவல்லூரை சேர்ந்த பிரவீணா என்பவர் சென்னை உயர்நீதிமன்றத்தில் பொது நல மனு தாக்கல் செய்துள்ளார் . இந்த மனு உயர்நீதிமன்ற தலைமை நீதிபதி இந்திரா பானர்ஜி , நீதிபதி அப்துல் குத்தூஸ் ஆகியோர் அடங்கிய முதல் அமர்வில் விசாரணைக்கு வந்த்து . மனுதரார் சார்பில் ஆஜரான வழக்கறிஞர் எஸ் . சிலம்புச்செல்வன் , இந்த படத்தில் உள்ள காட்சிகள் பெண்களை தவறாக சித்தரிக்கும் வகையில் உள்ளது . இது தொடர்பாக சென்சார் போர்ட்க்கு அளித்த கோரிக்கை மனு இதுவரை பரிசீலிக்க வில்லை . எனவே பெண்களுக்கு எதிரான வசனங்கள் வரும் குறிப்பிட்ட காட்சிகளை நீக்க பட தயாரிப்பு நிறுவனத்திற்கு உத்தரவிட வேண்டும் என வாதிட்டார் . இதனையடுத்து நீதிபதி தவறான கருத்துகள் இடம் பெற்று இருக்குமேயானால் அதனை நீக்கலாம் எனவும் மனு தொடர்பாக ஒரு வாரத்தில் பதில் அளிக்க சென்சார் போர்ட் , பட தயாரிப்பு நிறுவனம் ஆகியோர்க்கு நோட்டீஸ் அனுப்ப உத்தரவிட்ட நீதிபதிகள் வழக்கின் விசாரணை அடுத்த வெள்ளிக்கிழமைக்கு தள்ளிவைத்தனர் .